Iintshayelelo Zamaphephancwadi

IMboniselo Feb. 1

“Bezinokuba njani iintsapho ukuba bezinokusebenzisa eli cebiso? [Funda eyabase-Efese 4:31, emva koko umlinde aphendule.] Eli nqaku linamacebiso aluncedo avela eBhayibhileni abonisa indlela yokulungisa iingxabano nokudala ulonwabo emtshatweni.” Mbonise inqaku eliqala kwiphepha le-18.

Vukani! Feb.

“Abanye abantu bathi uThixo uzibhala phantsi zonke iimpazamo esizenzayo. Abanye bathi uxolela zonke izono, enoba zinkulu kangakanani na. Uthini wena kulo mba? [Mlinde aphendule, uze umfundele IZenzo 3:19.] Kweli nqaku kuthethwa ngamanyathelo amathathu achazwe eBhayibhileni afanele alandelwe ukuze umntu enzelwe inceba nguThixo.” Mbonise inqaku eliqala kwiphepha le-10.

IMboniselo Mat. 1

“Ndingathanda ukuva izimvo zakho ngesi sibhalo saziwayo. [Funda uYohane 3:16.] Akukaze uzibuze ukuba kwenzeka njani ukuba ukufa komntu omnye kubangele ukuba abanye abantu bafumane ubomi obungunaphakade? [Mlinde aphendule.] Eli phephancwadi linengcaciso ecacileyo ngokuphathelele indlela esinokungenelwa ngayo ekufeni kukaYesu.”

Vukani! Mat.

“Abantu abaninzi bathi iinkonzo zonke zisengela thungeni linye, uthini wena? [Mlinde aphendule.] Khawuve oko kuthethwa yiBhayibhile ngezinye iinkonzo. [Funda uMarko 7:7.] Unokwazi njani ke ukuba inkonzo ethile ifundisa inyaniso kungekhona “imiyalelo yabantu”? Ngaba kunokwenzeka phofu ukuba umntu ayifumane eyona nyaniso ngonqulo? Eli phephancwadi liyayiphendula le mibuzo.”