Ibhokisi Yemibuzo

◼ Ngaba kufanelekile ukuba amabandla okanye abantu basebenzise iimpawu zemibutho esemthethweni esetyenziswa ngamaNgqina kaYehova?

Ezi mpawu ziba ligama, okanye umfanekiso owenzelwe ukuba ubonwe ngokulula nangokucacileyo. Uphawu lweMboniselo lumela iWatch Tower Bible and Tract Society of Pennsylvania neminye imibutho esetyenziswa yintlangano. Eminye imibutho esetyenziswa ngamaNgqina kaYehova inezayo iimpawu.

Amabandla okanye abantu abamele bazisebenzise iimpawu okanye amagama emibutho esemthethweni yentlangano, okanye izishunqulelo zawo, kwiiHolo zoBukumkani, kumbhalo osekuqaleni kwiileta, kwizinto zobuqu, njalo njalo. Ukusetyenziswa ngolo hlobo kweempawu zentlangano kunokubangela ukudideka kumagosa karhulumente, kubavakalisi nakwabanye ngolwalamano lwebandla nemibutho yentlangano esemthethweni. Ngendlela efanayo, iileta zinokuqondwa phosakeleyo njengezigunyaziswe nezivela kwikomkhulu lehlabathi okanye kwiofisi yesebe.

Uphawu lweMboniselo, okanye oluyelele kulo, alumele luphinde lusetyenziswe kwiiHolo zoBukumkani kwanokuba zezombutho oyiWatch Tower. Akulindelekanga ukuba amabandla aneeHolo zoBukumkani ezinolu phawu alutshintshe kuba oko kunokuba ngumsebenzi omkhulu, kube ziindleko, okanye kuthathe ixesha elide. Kodwa ke, kumele kubonwe ukuba alunakwenziwa na utshintsho ukuba aluyi kuba ngumsebenzi. Okanye utshintsho lunokwenziwa xa kuhlaziywa isakhiwo okanye uphawu.