Imibutho Emitsha Esekiweyo

Inkupho yeMboniselo kaJanuwari 15, 2001, yachaza indlela elungelelanisiweyo amaNgqina kaYehova atyhalela phambili ngayo kumsebenzi woBukumkani emhlabeni wonke. Yachaza nendlela imibutho eyahlukahlukeneyo engokwasemthethweni esetyenziswa ngayo ukusasaza iindaba ezilungileyo. Aba thunywashe okanye imibutho iyafuneka ukuze sizivisisanise nemithetho yasekuhlaleni okanye yelizwe, njengokuba lifuna njalo iLizwi likaThixo. (Roma 13:1) Ngenxa yobukhulu nobubanzi bomsebenzi wethu, iQumrhu Elilawulayo liye lavuma ukuba kusekwe imibutho eyongezelelekileyo ukuze inyamekele iimfuno ezithile zamaNgqina kaYehova eUnited States nakweminye imimandla yehlabathi. EMzantsi Afrika nakwinkoliso yamazwe angabamelwane, besesinayo kakade imibutho enjengale:

Jehovah’s Witnesses of South Africa

Jehovah’s Witnesses Botswana

Lesotho Association of Jehovah’s Witnesses

Jehovah’s Witnesses of Namibia

Swaziland Association of Jehovah’s Witnesses

Le mibutho isebenzisana neWatch Tower Bible and Tract Society of Pennsylvania. Kwixa elizayo, inkoliso yeeleta ezithunyelwa emabandleni nakubavakalisi ziza kuba negama lombutho elithi “Jehovah’s Witnesses of South Africa.” Xa nitsalela umnxeba iofisi yasekuhlaleni, lowo uphendulayo uya kuthi, “Jehovah’s Witnesses.” Le ndlela iya kubalaselisa elona gama lethu. Ukusebenzisana kwenu nolu hlengahlengiso lwenziwe liQumrhu Elilawulayo ekuphumezeni isabelo salo sokunyamekela zonke izinto zeNkosi kuya kuxatyiswa kakhulu.—Mat. 24:45-47.