Iintshayelelo Zamaphephancwadi

Ukuqalisa Izifundo ZeBhayibhile KuMgqibelo Wokuqala KaJanuwari

“Abanye abantu bakholelwa ukuba iBhayibhile yincwadi enokuthenjwa yesiprofeto. Abanye bavakalelwa ukuba iqulethe iingcamango ezingacacanga ezinokuchazwa ngeendlela ezininzi ezahlukeneyo. Uthini wena?” Mlinde aphendule. Nika umninimzi ikopi yeMboniselo kaJanuwari 1, nixubushe umbandela okumxholwana wokuqala kwiphepha 16 nize nifunde isibhalo sibe sinye. Mnike amaphephancwadi, uze ulungiselele ukubuyela ukuze niphendule umbuzo olandelayo.

IMboniselo Januwari 1

“Kuninzi esinokukufunda kumadoda namabhinqa abalaseleyo kwimbali. Ngaba uyavuma? [Mlinde aphendule.] Lendinyana ibhekisela kwenye indoda ebalaseleyo, eyiyo kuphela echazwa ‘njengomhlobo kaThixo’ eBhayibhileni. [Funda uYakobi 2:23.] Eli phephancwadi lichaza isizathu sokuba uThixo agqale uAbraham njengomhlobo lize lixubushe noko sikufundayo kumzekelo wakhe.”

Vukani! Januwari

“Ukunyoba, nezinye iindlela zokunganyaniseki sele ziyinto eqhelekileyo kwezoshishino. Abanye bavakalelwa ukuba ukunganyaniseki okuncinane kuyafuneka ukuze ubani aphumelele kwezoshishino. Uthini wena? [Mlinde aphendule.] Qwalasela lo mzekeliso uxhokonx’ingcinga. [Funda iMizekeliso 20:17.] Eli phephancwadi lichaza isizathu sokubaluleka kokuhlala sinyanisekile”