Sigcine
Ngaba Uyazisebenzisa Ezi Ncwadana Zinemifanekiso?
IBhayibhile—Sithini Isigidimi Sayo?
Zenzelwe ukunceda abo bangenalwazi lungako ngeBhayibhile, ingakumbi abo bakunqulo olungelolabuKristu
Indlela yokuyihambisa: “Singathanda ukuva uluvo lwakho ngoko kuchazwa kwesi Sibhalo (okanye kule ncwadi ingcwele). [Funda INdumiso 37:11 ekubhekiselwe kuyo kwicandelo 11.] Ucinga ukuba kuza kuba njani emhlabeni xa esi siprofeto sizaliseka? [Mvumele aphendule.] Lo ngumzekelo wethemba nentuthuzelo enokufunyanwa ngabo bonke abantu eBhayibhileni, kungakhathaliseki imvelaphi okanye unqulo lwabo.” Funda isiqendu esisemantla kwiphepha 3 uze umnike incwadana enemifanekiso.
senokuzama eli cebiso: Ukuba uqhubela umntu ongekho kunqulo lobuKristu isifundo seBhayibhile kwincwadi ethi Okufundiswa YiBhayibhile, chitha imizuzu embalwa ekuqaleni okanye ekupheleni kwesifundo ngasinye ukuze uxubushe icandelo elinye lale ncwadana ukuze uncede umfundi aqonde oko kuqulethwe yiBhayibhile.
Indlela Esa Kubomi Obungunaphakade—Ngaba Uyifumene?
Yenzelwe ukunceda abantu ukuze baqonde ukuba asilulo lonke unqulo olwamkelekileyo kuThixo
Indlela yokuyihambisa: Zininzi indlela zokunqula. Ngaba uThixo wamkela zonke ezi ndlela zokunqula zingafaniyo? Funda uMateyu 7:13, 14. UYesu, umprofeti kaThixo wabonisa ukuba zimbini kuphela iindlela, enye ikhokelela kubomi obungenasiphelo yaye enye ikhokelela kwintshabalalo. Injongo yale ncwadana inemifanekiso kukunceda ukuba ufumane indlela ekhokelela kubomi obungunaphakade.
Usenokuzama eli cebiso: Cela umninimzi ukuba umtyelele kwakhona ukuze niyifunde kunye le ncwadana, nifunde nezibhalo kweyakhe iBhayibhile. Xa iimeko zivuma bonisa umninimzi incwadi ethi Okufundiswa YiBhayibhile.
Unako Ukuba Ngumhlobo KaThixo!
enzelwe ukunceda abo banemfundo engephi okanye abangakwazi ukufunda kakuhle
Indlela yokuyihambisa: “Ucinga ukuba kunokwenzeka ukuba sibe ngabahlobo bakaThixo? [Mvumele aphendule. Uze ufunde uYakobi 2:23.] Lencwadi yenzelwe ukusinceda ukuba sibe ngabahlobo baThixo, njengoAbraham.”
Usenokuzama eli cebiso: Xubushani inxalenye okanye sonke isifundo sokuqala ukuze umbonise indlela esiqhutywa ngayo isifundo seBhayibhile kwakutyelelo lokuqala okanye xa uphinda ubuyela.
Imimoya Yabafileyo—Ngaba Inokukunceda Okanye Inokukwenzakalisa? Ngaba Ikho Ngokwenene?
Yenzelwe ukuchaza ubungqina bokuba abantu abafanele baboyike abafi. Icacisa ubungqina bokuba abafi abanamandla
Indlela yokuyihambisa: Abantu abaninzi bayaboyika abafi, bakholelwa ukuba abafi banokubaphembelela abantu abasaphilayo. Ifundisa ntoni iBhayibhile? Funda INtshumayeli 9:5, 6, 10. Ngokutsho kwalo mbhalo, ngaba bafileyo banako ukubonisa abaphilayo ukuba bayabathanda okanye bayabazonda? Le ncwadana ichaza iimpendulo ezicacileyo kwimibuzo ebuzwa ngabantu abaninzi ngemeko yabafi.
Usenokuzama eli cebiso: Ukuba umninimzi uyayamkela le ncwadana, cela ukuphinda ubuyela kwakhona ukuze niphinde niyixubushe uze uphendule imibuzo asenokuba unayo. Mnike incwadi ethi Okufundiswa YiBhayibhile ngokukhawuleza kangangoko kunokwenzeka.
The Guidance of God—Our Way to Paradise
Yenzelwe ukunceda amaSilamsi ahlala kwiindawo apho enokuziva ekhululekile ukufunda iBhayibhile
Indlela yokuyihambisa: “Ndiyaqonda ukuba amaSilamsi akholelwa kuThixo omnye nakubo bonke abaprofeti. Akunjalo? [Mvumele aphendule.] Ndingathanda ukuncokola nawe ngesiprofeto samandulo esithetha ngokutshintshwa komhlaba ube yiparadesi. Ndicela ukukufundela oko kwabhalwa ngulo mprofeti. [Funda uIsaya 11:6-9.] Abantu abaninzi bayazibuza ukuba uThixo uza kuzenza njani ezo nguqu emhlabeni. Le ncwadana ibonisa oko kwathethwa ngabaprofeti ngalo mbandela.”
Unokuzama eli cebiso: Ukuba umninimzi uyayamkela incwadi yithi kuye: “Le ncwadi kaThixo ibonisa ukuba ekuqaleni abantu babephila eparadesi. Xa siphinda sidibana ndingathanda ukuphendula lo mbuzo, ‘Abantu baphambuka njani kwindlela kaThixo baza baphulukana neparadesi?’” Kutyelelo lakho elilandelayo, xubushani inxalenye yokuqala yecandelo elikwiphepha 6.
Real Faith—Your Key to a Happy Life
Yenzelwe ukunceda amaSilamsi ahlala kwiindawo apho enokuziva ekhululekile ukufunda iBhayibhile
Indlela yokuyihambisa: Mbonise umfanekiso okwiphepha 16-17 uze uthi: “Le nto ikulo mfanekiso yahluke ngokupheleleyo koko sikubona emhlabeni namhlanje. Ucinga ukuba kungenzeka ukuba ihlabathi libenje ngenye imini? [Mvumele aphendule.] Khawuve oko kuthenjiswa yile ncwadi kaThixo. [Funda esinye sezibhalo ezicatshuliweyo kwiBhayibhile yakho.] Le ncwadana isinceda sibe nokholo lokuba ezi zithembiso ziza kuzaliseka.”
Usenokuzama eli cebiso: Ekupheleni kotyelelo lokuqala, cela umninimzi ukuba akhethe omnye wemibuzo ekwiphepha elingasemva. Emva koko, lungiselela ukuxubusha impendulo ekulo ncwadana xa ubuya.
The Pathway to Peace and Happiness
Yenzelwe ukunceda amaBhuda
Indlela yokuyihambisa kumntu omdala ongumBhuda: “Mhlawumbi nawe ikuxhalabisa njengam iindlela ezininzi ngayo iimbono ezitenxileyo nendlela ezibachaphazela ngayo abantwana. Ucinga ukuba yintoni eyenza ukuba abantu abaselula baziphathe kakubi kangako? [Mvumele ukuba aphendule.] Ngaba ubusazi ukuba oku kwachazwa kwangaphambili kwincwadi eyabhalwa kwixesha langaphambi kokuba kubekho iinkonzo zamaHindu, amaKristu namaSilamsi? [Funda eyesi-2 Timoti 3:1-3.] Phawula ukuba ezi meko ziye zaqhubeka zisanda nakubeni abantu beqhubeka befunda. [Funda ivesi-7.] Inkcazelo ekweli phephancwadi iye yandinceda ukuba ndiqonde iinyaniso abantu abaninzi abangazaziyo. Ngaba ungathanda ukuyifunda?”
senokuzama eli cebiso: Xa uphinda ubuyela kwakhona, emva kokuba uvuselele umdla womninimzi eBhayibhileni, mbonise imibuzo ekwiphepha elingasemva uze ubonise ibhokisana enomfanekiso wencwadi ethi Okufundiswa YiBhayibhile. Mchazele ukuba unayo lencwadi ukuba ufuna ukuyibona. Mbonise iziqulatho uze ufunde naye isiqendu okanye zibe zibini kweso sahluko asikhethileyo.
Why Should We Worship God in Love and Truth?
Yenzelwe ukunceda amaHindu
Indlela yokuyihambisa: “Umthandazo owaziwa kakhulu ngamaNdiya uthi: ‘Ndisuse ekukhohlisweni undikhokelele enyanisweni. Ndisuse ebumnyameni undikhokelele ekukhanyeni.’ Ngaba ucinga ukuba kubalulekile ukukhonza uThixo ngothando nangenyaniso? [Mvumele amphendule.] Phawula oko kwathethwa nguYesu ngoku.” Funda uYohane 4:24. Emva koko funda isiqendu 4 kwiphepha 3 uze umnike incwadana.
Usenokuzama eli cebiso: Ukuba umninimzi uyayamkela le ncwadana, yithi: “Ezinye izilumko zamaHindu zithi inyaniso ifihlwe ezintliziyweni zethu. Abanye bathi lo nyaniso ifumaneka kwizibhalo ezingcwele. Kwixa elizayo ndingathanda ukuba sixubushe umbuzo osekupheleni kwesiqendu sesi-3 kwiphepha-4: ‘Sifanele sikhangele phi ukuze sifumane inyaniso?’”
Lasting Peace and Happiness—How to Find Them
Yenzelwe ukunceda amaTshayina
Indlela yokuyihambisa: “Namhlanje ubomi buzele ziingxaki ezininzi ezinokusibangela singonwabi. Yintoni ekuncedayo ukuba wonwabe nakubeni kukho iingxaki? [Mvumele aphendule.] Abantu abaninzi baye bafumana ulonwabo ngokulandela amacebiso afumaneka eBhayibhileni. [Funda INdumiso 119:1, 2.] Abanye abayamkeli iBhayibhile kuba besithi yincwadi yaseNtshona. Kodwa phawula oku. [Funda isiqendu-16 kwiphepha-17.] Le ncwadana ixubusha indlela esinokulufumana ngayo uxolo nolonwabo.”
Usenokuzama eli cebiso: Ukuba umninimzi uyayamkela incwadana, funda naye imigca emithathu yokuqala kwisiqendu-18 kwiphepha-17 uze uthi: “ Xa ndibuya kwakhona, ndingathanda ukukubonisa oko simele sikhangele phambili kuko ngokutsho kweBhayibhile.” Xa ubuyela funda enye yeengongoma ezikwisiqendu-6 kwiphepha-30.