IWebhsayithi Yethu Eyenzelwe Ukunceda Thina Nabanye

UYesu wasiyalela ukuba sishumayele iindaba ezilungileyo zoBukumkani “kuwo wonke umhlaba omiweyo kube bubungqina kuzo zonke iintlanga.” (Mat. 24:14) Ukuze sincedwe ‘sibufeze ngokupheleleyo ubulungiseleli bethu’ kuye kwadityaniswa i-www.watchtower.org, i-www.jw-media.org, ne-www.jw.org ukuze zenze iWebhsayithi ethi-jw.org.—2 Tim. 4:5.

“Wonke Umhlaba Omiweyo”: Malunga nomntu omnye kwabathathu kubemi bomhlaba basebenzisa i-Intanethi. Sele iyeyona nto isetyenziswa ngabantu abaninzi xa befuna ukwazi okuthile, ngokukodwa ulutsha. Ijelo lethu linceda abantu abaninzi abasebenzisa i-Intanethi bafumane iimpendulo ezichanileyo kwimibuzo yeBhayibhile. Ibanceda bazi intlangano kaYehova ize yenze kube lula ukuba bazicelele ukuqhutyelwa isifundo seBhayibhile. Loo iya kwenza ukuba iindaba ezilungileyo zikwazi ukufikelela kwiindawo apho abantu kunzima ukuba beve isigidimi soBukumkani.

“Kuzo Zonke Iintlanga”: Ukuze kushunyayelwe “kuzo zonke iintlanga,” inyaniso yeBhayibhile kufuneka siyishumayele ngeelwimi ezahlukeneyo. Abo bangena kwi-jw.org baya kukwazi ukufumana inkcazelo ebhalwe ngeelwimi ezimalunga nama-400, kunayo nayiphina enye iWebhsayithi.

Qiniseka Ukuba Uyayisebenzisa: IWebhsayithi i-jw.org ayenzelwanga ukunceda abangakholwayo kuphela. Yenzelwe ukuba isetyenziswe nangamaNgqina kaYehova. Ukuba unayo i-Intanethi, siyakukhuthaza ukuba uqhelane neWebhsayithi ethi i-jw.org. Nanga amacebiso endlela okuyisebenzisa.

[Umzobo okwiphepha 3]

(Ukuba ufuna inkcazelo ehlahlelwe kakuhle, yiya kwimpapasho)

Khawuyizame

1 Bhala u-www.jw.org kwikhompyutha yakho

2 Unokwazi okungakumbi ngale Webhsayithi ngokucofa kwinxalenye ethi menu options, and links.

3 Zama ukungena kwi-jw.org kuso nasiphi na isixhobo esisebenzisa i-Intanethi. Yenzelwe ukuba ukwazi ukuyisebenzisa enoba unesixhobo esincinane kodwa inkcazelo yona iyafana.