“La Mazwi . . . Amele Abe Sentliziyweni Yakho”

Abazali bafana nabelusi. Bafanele babanyamekele kakuhle abantwana babo, kuba kulula ngabo ukuphuma endleleni okanye ukuhlaselwa. (IMize. 27:23) Abazali banokuyenza njani loo nto? Bafanele bancokole nabantwana babo yonk’ imihla ukuze bazazi izinto abazicingayo nezisezintliziyweni zabo. (IMize. 20:5) Ngoko ke, abazali bamele baqinise ukholo lwabantwana babo ngezinto ezingatshiyo. (1 Kor. 3:10-15) Ividiyo ethi, “La Mazwi . . . Amele Abe Sentliziyweni Yakho,” igxininisa indlela ekubaluleke ngayo ukuba nonqulo lwentsapho rhoqo. Yibukeleni njengentsapho nize niphendule le mibuzo ilandelayo.

(1) Yintoni eyehlisa ukholo lwentsapho yakwaDuma? (2) Kwakutheni ukuze imizamo kaMzalwan’ uDuma yokuqhuba unqulo lwentsapho ingaphumeleli ekuqaleni? (3) Liliphi icebiso leZibhalo eliphumelelayo ekukhuliseni abantwana? (Dut. 6:6, 7) (4) Yintoni enokufak’ isandla ekuphuculeni indlela ancokola ngayo amalungu entsapho? (5) Ziziphi izinto abanokuzincama abazali ukuze babe nexesha labantwana? (6) Yiyiphi indlel’ entle uMzalwana nodade Bhanqo abayiphembelela ngayo intsapho yakwaDuma? (IMize. 27:17) (7) Yintoni enokuyilungiselela kwangaphambili intloko-ntsapho ukuze unqulo lwentsapho lube yimpumelelo? (8) Yintoni awayenzayo uMzalwan’ uDuma ukuze atshintshe imeko yentsapho yakhe? (9) Kutheni kubalulekile ukuluqhuba rhoqo unqulo lwentsapho? (Efe. 6:4) (10) Ziziphi ezinye iindlela eziphumelelayo zokuqhuba unqulo lwentsapho? (11) UMzalwan’ uDuma wamnceda njani uLuvo abone indlela ekubaluleke ngayo ukwenza into efanelekileyo? (Yer. 17:9) (12) UMzalwan’ uDuma nowakwakhe bamnceda njani uLinda enze isigqibo esifanelekileyo ngoKhwezi? (Marko 12:30; 2 Tim. 2:22) (13) UMzalwan’ uDuma nomkakhe babonise njani ukuba banokholo xa bebehlengahlengisa indlela abaphila ngayo? (Mat. 6:33) (14) Le vidiyo ikubethelela njani ukubaluleka kokuba iintloko-ntsapho zifundise izindlu zazo ngeendlela zikaYehova? (1 Tim. 5:8) (15) Yintoni ozimisele ukuyenza wena ntloko-ntsapho?

IINTLOKO-NTSAPHO MAZIQAPHELE: Le yidrama eyadlalwa kwiindibano zengingqi zika-2011. Ngelo xesha, ngaba ikho into owayibonayo ekwakufuneka niphucule kuyo kunqulo lwentsapho? Ngaba ikho ngoku? Ukuba ikho, yihlalele phantsi loo nto uze wenze utshintsho ukuze intsapho yakho ixhamle ngonaphakade.—Efe. 5:15-17.