Yisebenzise Kakuhle Incwadi Ethi Okufundiswa YiBhayibhile

Njengoko isifundo seBhayibhile sifunda oko kufundiswa yiBhayibhile size sikusebenzise, siya kukhula size sibe nemiphumo emihle. (INdu. 1:1-3) Ukuze ziphumelele izifundo zethu, sinokuzinceda ngokuyisebenzisa kakuhle incwadi ethi Okufundiswa YiBhayibhile.

Imibuzo Esekuqaleni: Sahluko ngasinye siqala ngemibuzo ephendulwa kweso sifundo. Unokumbuza imibuzo-buciko ukuze umenze abe nomdla ngaloo nto kuza kuthethwa ngayo. Unokumcela ukuba agqabaze ngombuzo ngamnye. Ukuba impendulo yakhe ayichananga, akunyanzelekanga ukuba umlungise ngoku. Iimpendulo zakhe ziya kukunceda uqonde iingongoma ekufuneka ugxininise kuzo.—IMize. 16:23; 18:13.

Isihlomelo: Ukuba isifundo sakho siyayiqonda loo nto ifundwayo, unokusikhuthaza ukuba sizifundele isihlomelo esidibana naloo mbandela. Ngaphambi kokuba nifunde, unokusebenzisa imizuzu embalwa ukuze uqiniseke ukuba uwuvile. Noko ke, ukuba loo nto iza kumnceda, sebenzisa kwa elo xesha lesifundo ukuze nixubushe eso sihlomelo okanye ufunde iziqendu uze ubuze imibuzo oyilungiselele kwangaphambili.

Ibhokisi Yempinda: Ibhokisi yempinda esekupheleni kwesahluko ngasinye ineempendulo zemibuzo esekuqaleni. Ungayisebenzisa le bhokisi ukuze uncede isifundo sakho uze ucacise iingongoma eziyintloko. Zifundeni kunye ezi mpendulo ngokuvakalayo kuquka nezibhalo ezibonisiweyo. Cela isifundo sakho sisebenzise izibhalo ukuze sicacise isizathu sokuba zichanile ezi mpendulo.—IZe. 17:2, 3.