UBUTYEBI OBUPHUMA ELIZWINI LIKATHIXO | LUKA 8-9
Yiba Ngumlandeli Wam—Yintoni Efunekayo?
Ukuze iiforo zingabi goso xa kulinywa emasimini, kufuneka umntu obambe ikhuba angajongi ngemva. Ngokufanayo, umKristu akamele aphazanyiswe zizinto azishiye ngemva ehlabathini.—Fil 3:13.
Xa kunzima, kulula ukuba sikhumbule ‘imihla yangaphambili,’ mhlawumbi ngaphambi kokuba sibe ngamaKristu. Xa sisenjenjalo, siye sibaxe ubumnandi bakudala kodwa singazithethi iingxaki esasijongene nazo ngoko. Yiloo nto kanye awayenzayo amaSirayeli emva kokuba emke eYiputa. (Num 11:5, 6) Ukuba sihlala sicinga ezo zinto, kungalula ukuba sirhalele ukubuyela kwindlela esasiphila ngayo ngaphambili. Kubhetele sicinge ngeentsikelelo esinazo ngoku nangobumnandi esiza kubufumana phantsi koBukumkani BukaThixo!—2Ko 4:16-18.