Ukuphucula Ubuchule Bethu Bokushumayela, Ukunceda ‘Abafanelekayo’ Babe Ngabafundi

ISIZATHU SOKUBA KUBALULEKILE: UYehova uyenza ikhule imbewu yenyaniso ezintliziyweni zabo ‘banotyekelo olufanelekileyo ngobomi obungunaphakade.’ (IZe 13:48; 1Ko 3:7) Sisebenzisana naye xa sisebenzisa onke amandla ethu kubantu abayithandayo into esibafundisa yona entsimini. (1Ko 9:26) Izifundo zeBhayibhile kufuneka ziqonde ukuba umKristu kufuneka abhaptizwe ukuze asinde. (1Pe 3:21) Sizinceda ukuba zibe ngabafundi ngokuzifundisa ukuba zitshintshe ubomi bazo, zishumayele zize zifundise ibe zizinikele kuYehova.​—Mat 28:19, 20.

INDLELA YOKUYENZA:

• Khumbuza izifundo zakho zeBhayibhile ukuba eyona nto ubafundela yona kukubanceda ‘bazi’ uYehova baze benze ukuthanda kwakhe.​—Yoh 17:3.

• Bancede baye besondela kuYehova ngokuthi baphume kwiingxaki abanazo, njengokuyeka izinto ezimbi nabahlobo abangalunganga.

• Bakhuthaze uze ubomeleze ngaphambi kokuba babhaptizwe nasemva kokuba bebhaptiziwe.​—IZe 14:22.

BUKELA IVIDIYO ETHI UYEHOVA UYA KUKUNCEDA, EMVA KOKO PHENDULA LE MIBUZO:

• Ziintoni ezinokumenza umntu oyike ukuzinikela aze abhaptizwe?

• Abadala bangazinceda njani izifundo zeBhayibhile zikhule?

• UIsaya 41:10 usifundisa ntoni ngoYehova?

• Zeziphi iimpawu ezinokusenza sithandwe nguYehova nokuba asifezekanga?