Ungenza Njani Ukuze Kukuncede Ukufunda?

KUTHENI KUBALULEKILE: Ukuyifunda kakuhle iBhayibhile kusinceda ‘sicacelwe ngokucokisekileyo engqondweni koko bukuko ububanzi nobude nokuphakama nobunzulu’ benyaniso. (Efe 3:18) Kunokusinceda sihlale simsulwa kweli hlabathi libi size ‘sibambelele ngokuqinileyo kwilizwi lobomi.’ (Fil 2:15, 16) Xa umntu ezifundela iBhayibhile unokukwazi ukufunda ngezinto afuna ukuncedwa kuzo. Singenza ntoni ukuze kusincede nyhani ukufunda iBhayibhile?

INTO ONOKUYENZA:

• Krwelela iivesi zeBhayibhile uze ubhale izinto ezinokukunceda ephepheni okanye efowunini, kwitablet naseBhayibhileni

• Zibuze imibuzo ngezinto ozifundayo eBhayibhileni, njengethi: ‘Ngubani? Intoni? Nini? Phi? Kutheni? Ngoba? Njani?’

• Phanda usebenzisa izixhobo zokuphanda. Ungaphanda umxholo okanye ivesi yeBhayibhile

• Cingisisa ngezinto ozifundayo ukuze ubone ukuba unokuzisebenzisa njani

• Zenze yonke imihla izinto ozifundileyo.​—Luk 6:47, 48

BUKELA IVIDIYO ETHI “UKUFUNDISISA KUZA KUKUNCEDA ‘UBAMBELELE NGOKUQINILEYO,’” EMVA KOKO UPHENDULE LE MIBUZO:

• Kubancede njani abanye ukufundisisa?

• Kutheni kufuneka siqale sithandaze xa siza kufunda?

• Yintoni enokusinceda siyiqonde kakuhle into esiyifunda eBhayibhileni?

• Sinokuzikrwelela njani ezona zinto zibalulekileyo xa sifunda?

• Kutheni kubalulekile ukuzicingisisa izinto esizifunda kwiLizwi LikaThixo?

• Simele senze ntoni ngezinto esizifundileyo?