Lutsha​—Khuthalelani Ukwenza “Imisebenzi Emihle”

Kwileta ephefumlelweyo awayibhalela uTito, uPawulos wakhuthaza amadoda asematsha, kuquka noTito, ukuba enze konke anokukwenza ukuze ‘kwizinto zonke abe ngumzekelo wemisebenzi emihle.’ (Tit 2:6, 7) Kwakwisahluko esinye, wachaza ukuba uYesu wayeza kubacoca abantu bakaYehova ukuze bakhuthalele ukwenza “imisebenzi emihle.” (Tit 2:14) Enye yezo zinto zintle kukushumayela nokufundisa ngoBukumkani bukaThixo. Ukuba usemtsha, ngaba ungawasebenzisa amandla onawo ngokuba nguvulindlela ongumncedani okanye othe ngxi?​—IMi 20:29.

Xa ufuna ukuba nguvulindlela, qala ucinge ukuba uza kwenza njani ukuze ube nguye. (Luk 14:28-30) Cinga ngezi zinto: Uza kuyifumana phi imali yokuziphilisa xa ukwinkonzo yexesha elizeleyo? Uza kuzifikelela njani iiyure ezilindeleke kuvulindlela? Cela uYehova akuncede. (Nd 37:5) Thetha nabazali bakho kunye noovulindlela ngale nto ofuna ukuyenza, nangendlela ocinga ukuyenza ngayo. Emva koko, yenza izinto eziza kukunceda ube nguvulindlela. Ungathandabuzi ukuba uYehova uza kukusikelela njengoko ukukhuthalele ukwenza izinto ezintle enkonzweni yakhe!

BUKELA IVIDIYO ETHI ULUTSHA OLUZUKISA UYEHOVA, UZE UPHENDULE LE MIBUZO:

• Zeziphi iingxaki abanye ababenazo ngaphambi kokuba ngoovulindlela, ibe bancedwa yintoni?

• Abazali bangabanceda njani abantwana babo babe ngoovulindlela abathe ngxi?

• Kutheni kubalulekile ukubhala phantsi amaxesha oza kushumayela ngawo?

• Abantu abasebandleni bangamkhuthaza baze bamncede njani uvulindlela?

• Zeziphi iintsikelelo abazifumanayo oovulindlela?