‘Hlalani Nicinga Ngezi Zinto’

Zeziphi ezi zinto? AmaFilipi 4:8 athi “hlalani nicinga ngezinto eziyinyaniso, nezizezenkxalabo enzulu, nezibubulungisa, nezinyulu, nezithandekayo, nekuthethwa kakuhle ngazo, nezinesidima, nezincomekayo”. Le nto ayithethi ukuba amaKristu amele acinge ngeBhayibhile ngalo lonke ixesha. Kodwa ke izinto esizicingayo imele ibe zizinto azithandayo uYehova. Ingabi zizinto ezizokwenza kube nzima ukuba sithembeke kuye.​—Nd 19:14.

Kusenokuba nzima ukuba siyeke ukucinga ngezinto ezimbi. Ngenxa yokuba singafezekanga kufuneka silwe nokwenza izinto ezingalunganga, kunye noSathana “uthixo wale nkqubo yezinto.” (2Ko 4:4) USathana usebenzisa i-TV, irediyo, i-intanethi, aphepha-ndaba, iimagazini kunye neencwadi ukuze amoshe indlela esinga ngayo. Ukuba asizikhethi kakuhle izinto esizifaka kwiingqondo zethu, indlela esicinga ngayo iza kuba yingxaki ize itshintshe indlela esenza ngayo izinto.​—Yak 1:14, 15.

BUKELA IVIDIYO ETHI ZIPHEPHE IZINTO EZINOKUKWENZA UGUNGQE​—INDLELA ENGAFANELEKANGA YOKUZONWABISA, EMVA KOKO NIPHENDULE LE MIBUZO:

• 

  Lo mzalwana ebebukela ntoni, ibe kuye kwenzeka ntoni ngenxa yaloo nto?

• 

  Uye wancedakala njani emva kokuba efunde amaGalati 6:7,8 neNdumiso 119:37?