Intshayelelo

Emhlabeni wonke, izigulo eziphazamisa iimvakalelo zenza abantu abaninzi bazive bexhelekile emphefumlweni. Ezi zigulo zichaphazela abantu abasebatsha, abadala, abanemali, abangenamali, abafundileyo nabangafundanga. Kanti zichaphazela nabantu beentlanga ezahlukeneyo nabakunqulo olwahlukeneyo. Ziintoni izigulo eziphazamisa iimvakalelo kwaye zibachaphazela njani abantu? Le ncwadana iza kuthetha ngokubaluleka kokufumana uncedo olusuka kugqirha nendlela amacebiso eBhayibhile anokubanceda ngayo abantu abanezi zigulo.