Sisebenzise Kakuhle Isipili

Umfundi uYakobi wafanisa iBhayibhile nesipili esisenza sibone oyena mntu singuye ngaphakathi. (Yak. 1:​22-25) Singayisebenzisa kakuhle njani iBhayibhile njengesipili?

Yithi chu xa uyifunda. Ukuba sizijonga singxamile esipilini, sisenokungayiboni into ekufuneka siyilungise. Ngendlela efanayo, ukuba siyangxama xa sifunda iBhayibhile, sisenokungaziboni izinto esimele sizilungise kubuntu bethu. Ukuze sizibone, kufuneka sithi chu xa siyifunda.

Sukujonga abanye abantu, jonga kakhulu izinto wena omele uzilungise. Isipili esijongise kwelinye icala sisenokuveza izinto zomnye umntu ezirongo. Ngendlela efanayo, sisenokufunda iBhayibhile ukuze sibone izinto omnye umntu angazenzi kakuhle. Kodwa le nto ayinakusinceda silungise izinto thina esingazenzi kakuhle.

Yiba bhetyebhetye. Ukuba sijonga kuphela izinto esingazithandiyo kuthi esipilini, sisenokutyhafa. Xa sifunda iLizwi LikaThixo simele sibe bhetyebhetye, singalindeli ukuba siza kuzenza kakuhle zonke izinto, abe yena uYehova engalindelanga loo nto kuthi.​—Yak. 3:17.