INTO ONOKUYENZA XA UFUNDA
Izinto Ezinokukunceda Ufunde IBhayibhile Yonke Imihla
Ngaba kunzima ngawe ukufunda iLizwi LikaThixo yonke imihla kuba uxakekile? (Yosh. 1:8) Ukuba kunjalo, nazi izinto onokuzenza:
Yiba nento eza kukukhumbuza yonke imihla. Kwisixhobo sakho se-elektroniki faka ialam ukuze ikukhumbuze ukuba ufunde iBhayibhile yonke imihla.
Gcina iBhayibhile yakho kwindawo oza kuyibona kuyo. Ukuba ufunda iBhayibhile eprintiweyo, yibeke kwindawo oza kuyibona lula kuyo yonke imihla.—Dut. 11:18.
Mamela iBhayibhile erekhodiweyo. Yimamele njengoko usenza izinto oqhele ukuzenza. UTara onguvulindlela nongumama osebenza ebusuku uthi: “Ukumamela iBhayibhile erekhodiweyo ngoxa ndisenza imisebenzi yasekhaya, kundinceda ndingashiyeki kufundo lwam lweBhayibhile.”
Unganikezeli. Ukuba kuvela izinto ezinokukuphazamisa, funda nokuba ziivesi ezimbalwa ngaphambi kokuba ulale. Nokuba ufunda iivesi ezimbalwa ngosuku, iza kukunceda loo nto.—1 Pet. 2:2.