UYesu Uza Kuyiphelisa Imfazwe

Xa wayesemhlabeni uYesu wabonisa abantu ukuba uyabathanda, wade wancama ubomi bakhe. (Mateyu 20:28; Yohane 15:13) Kungekudala, uza kuphinda abonakalise uthando lwakhe ebantwini ngokusebenzisa igunya lakhe njengoKumkani woBukumkani bukaThixo kuba uza kuphelisa “iimfazwe emhlabeni wonke.”—INdumiso 46:9.

Jonga indlela iBhayibhile echaza ngayo izinto uYesu aza kuzenza:

• “Uza kuwasindisa amahlwempu nabo bakhalela uncedo, abangathathi ntweni nabangenamncedi. Uza kubasizela abangathathi ntweni nabangamahlwempu, uza kusindisa ubomi bamahlwempu. Uza kubakhulula kwingcinezelo nobundlobongela.”—INdumiso 72:12-14.

Singabonisa njani ukuba siyayixabisa into esayenzelwe nguYesu, naleyo aza kusenzela yona? Enye indlela onokuyenza ngayo loo nto kukufunda “iindaba ezilungileyo ezingoBukumkani bukaThixo” awayeshumayela ngazo. (Luka 4:43) Funda inqaku elithi “Yintoni UBukumkani BukaThixo?”