Ngubani Esinokumthemba?—Ithini IBhayibhile?

Abantu baphelelwe lithemba kuba abantu ababathembileyo bayabaphoxa. Abaninzi abasathembi . . .

• iinkokheli zeepolitiki ezenza izinto ezinceda zona ngaphezu kwezo zidingwa ngabantu.

• iindaba ezingazichazi ngendlela ezenzeka ngayo izinto nechanileyo.

• oososayensi abangazenziyo izinto eziza kunceda abantu abaninzi.

• iinkokheli zonqulo ezingammeliyo uThixo kodwa ezixhasa iipolitiki.

Abantu benza into entle ngokubalumkela abantu abanokubathemba. IBhayibhile ithi:

• “Sanukuthembela kwiinkokheli ezingabantu; kuba akukho mntu unokusindisa umntu.”—INdumiso 146:3, iGood News Translation.

Umntu esinokumthemba

 IBhayibhile ithi ukhona umntu esinokumthemba: NguYesu Kristu. Wayengeyondoda nje ilungileyo eyayiphila kwiminyaka emininzi eyadlulayo. UThixo wakhetha uYesu ukuba abe “nguKumkani aze alawule . . . , ibe soze buphele uBukumkani bakhe.” (Luka 1:32, 33) UYesu unguKumkani woBukumkani bukaThixo, urhulumente olawulayo ngoku ezulwini.—Mateyu 6:10.

• Ukuze ufunde ngesizathu sokuba umthembe uYesu, funda inqaku elithi “Ngubani UKumkani WoBukumkani BukaThixo?” nelithi “Buza Kwenza Ntoni UBukumkani BukaThixo?”