Ibhokisi Yemibuzo

◼ Sifanele sifunde ixesha elingakanani nesifundo seBhayibhile esinenkqubela?

Kubhetele ukuba uqhubeke ufunda nesifundo seBhayibhile de nigqibe iincwadi ezimbini—Yintoni Ngokwenene Efundiswa YiBhayibhile? nethi “Zigcineni Kuthando LukaThixo.” Oku kumele kwenziwe enoba isifundo sibhaptizwa ngaphambi kokuzigqiba zombini ezi ncwadi. Emva kokuba loo mntu ebhaptiziwe, sinokuqhubeka sinikela ingxelo ngexesha, izihlandlo esibuyele ngazo, kwakunye nezihlandlo zokuqhutywa kweso sifundo. Ukuba siya nomnye umvakalisi kweso sifundo aze abe nenxaxheba ekuqhutyweni kwaso, naye unokulibala elo xesha.—Funda uBulungiseleli Bethu BoBukumkani bukaMatshi 2009 iphepha 2.

Kubalulekile ukuba abo basebatsha babe nesiseko esihle senyaniso ngaphambi kokuba siyeke ukufunda nabo. Kufuneka ‘bamiliselwe’ kuKristu baze ‘bazinziswe elukholweni’ ukuze bakwazi ukuxhathisa izilingo abaza kutyhubela kuzo. (Kol. 2:6, 7; 2 Tim. 3:12; 1 Pet. 5:8, 9) Ukongezelela, ukuze bakwazi ukubafundisa kakuhle abanye, bamele babe ‘nolwazi oluchanileyo lwenyaniso.’ (1 Tim. 2:4) Xa sifunda ezi ncwadi zombini nezifundo zethu, sizinceda ukuba zihambe ngokuthe tye ‘kwindlela esa ebomini.’—Mat. 7:14.

Abadala bafanele baqiniseke ukuba, lo mntu uziqonda kakuhle iimfundiso ezisisiseko zeBhayibhile yaye uphila ngokuvisisana nazo, ngaphambi kokuba bamvumele aye kubhaptizwa. Abadala bafanele balumke ngokukhethekileyo xa behlola isifundo esingekayigqibi incwadi yokuqala. Ukuba umntu akakakulungeli ukubhaptizwa, abadala baya kuqinisekisa ukuba uyancedwa ukuze akufanelekele kwixesha elizayo.—Funda incwadi ethi Ukwenza Ukuthanda KukaYehova Ngolungelelwano, iphepha 217-218.

[Amagama acatshulweyo akwiphepha 2]

Kubalulekile ukuba abo basebatsha babe nesiseko esihle senyaniso