Hambisa Imirhumo Ngawo Onke Amathuba
1 Sinesizathu esihle sokuyixabisa IMboniselo noVukani! Ngawaphi amanye amaphephancwadi athandwa kangaka kwihlabathi lonke? Kumsebenzi wethu wokushumayela kule nyanga siza kubalaselisa la maphephancwadi, yaye enjani yona ukuba namandla inkcazelo equlethwe ziinkupho zikaOktobha! Ngokuqhelekileyo, inkoliso yemirhumo siyihambisa kumsebenzi wethu wendlu ngendlu; noko ke, kuya kufuneka sikulungele ukuyihambisa ngawo onke amathuba afanelekileyo.
2 Xa uhambisa inkupho ye-“Mboniselo” kaOktobha 1, usenokuvusa umdla ngenqaku elithi “Ihlabathi Elingenazimfazwe—Nini?” ngokuthi:
◼ “Uninzi lwabantu luzibuza isizathu sokuba libonakala lingenakuze libekho ihlabathi elingenazimfazwe nangona abantu besenza konke okusemandleni abo. Ucinga ntoni ngala magqabaza akwiphepha 5 lale Mboniselo kaOktobha 1? [Funda isivakalisi sokuqala kwisiqendu ngasinye kwezibini zokuqala phantsi komxholwana othi “Unqulo—Umqobo Omkhulu,” uze uvumele impendulo.] Kakade ke, oku akuthethi kuthi ziya kusoloko zikho iimfazwe. Khawuphawule eli dinga likaThixo apha kuIsaya 9:6, 7.” Usenokuyifunda le ndinyana kwiBhayibhile yakho okanye uyifunde njengokuba icatshulwe kwinqaku leMboniselo. Cacisa ngokufutshane ukuba IMboniselo imela uBukumkani bukaYehova njengobukuphela kwethemba lehlabathi elinoxolo, uze uhambise umrhumo. Ukuba awamkelwa umrhumo, hambisa eli phephancwadi neqabane lalo uVukani! uze ukhuthaze lo mntu awafunde.
3 Xa uhambisa u-“Vukani!” kaNovemba 8 usenokuthi:
◼ “Ucinga ntoni ngalo mbuzo ungaphandle kweli phephancwadi: ‘Kutheni Ubomi Bubufutshane Kangaka?’ [Vumela impendulo.] Olu ngcelele lwala manqaku lutsalela ingqalelo koko kuthethwa zizazinzulu zezi mini nangabanye ngokwaluphala, lize linikele ingqalelo koko kuthenjiswe nguMdali wethu ngokuphathelele amathemba obomi obungunaphakade. Ndingakuvuyela ukukushiyela lo mbhalo kunye neqabane lawo ngomnikelo we-R1,60.”
4 Xa ufumana abantu bonqulo, kutheni ungabalaselisi inqaku le-“Mboniselo” kaOktobha 15? Le ntshumayelo isenokuvusa umdla:
◼ “Ndicela uluvo lwakho kulo mbuzo uthi: Ngaba kunokwenzeka ukuthanda uThixo size simoyike kwangaxeshanye?” Vumela impendulo, wandule ke ufunde isibhalo esiyintloko senqaku elifundisiswayo elithi “Kutheni Ufanele Umoyike Ngoku UThixo Oyinyaniso?” (INtshu. 12:13) Sebenzisa eminye yemizekelo ekwiphepha 395 lencwadi ethi Ukuqiqa, uze uhambise umrhumo, okanye amaphephancwadi amabini ngomnikelo we-R1,60.
5 Ukuba usebenza kwindlu ngendlu, musa ukudlula nje kwizirhoxo okanye ezivenkileni. Abo bangena rhoqo ezivenkileni bawuchaza lo msebenzi njengonandiphekayo nophumelelayo. Usenokuzama intshumayelo elula njengale xa uhambisa u-“Vukani!” kaOktobha 8:
◼ “Siyazi ukuba oosomashishini bayakuxabisa ukuhlala bezazi izinto ezichaphazela indawo abahlala kuyo. Ndiqinisekile ukuba uya kuwathanda la manqaku.” Yandula ke ngokufutshane wabelane naye ngengongoma ekwinqaku elithi “Ukuba Ngumzali Ongenaqabane Lomtshato Ophumelelayo.” Cacisa ilungiselelo lomrhumo.
6 Gcina ingxelo echanileyo yendlu ngendlu, uze ubuyele kubo bonke obahambisele amaphephancwadi. Xa ubuyela, hambisa umrhumo wephephancwadi elinye okanye omabini. Masikulungele size sikuphaphele ukuhambisa amaphephancwadi ethu, ngokukodwa imirhumo yawo, ngawo onke amathuba afanelekileyo.