INgoma 92

Shumayela Ngokungafihlisi

(IZenzo 4:13)

1. Mabomelel’ abakhonz’ uYa,

Bangamoyiki uSathana.

Siyakhuthazwa ziZibhalo

Nok’vakalisa iindaba zazo.

Lisinika amandl’ iLizwi,

S’hlale s’nyanisekile s’the nkqi.

Njengabakhonzi bay’ iNkosi

Mas’qine sonke singafihlisi.

2. Kuba sikholwa ngeentliziyo,

IZwi leNkosi liy’nyaniso.

Abantu as’nakuboyika

Kodwa s’yakholwa naxa simbalwa.

Mas’nyamekele lo msebenzi,

Sisisasaze is’gidimi.

Ngok’shumayela ngenkalipho,

Soba ziz’hlobo zakhe uThixo.

3. Abab’thathaka sibancede

Ukuze nabo bakhaliphe.

Abasebatsha s’bomeleze

Uk’ze nabo bakheke baqine.

Sithuthuzel’ abancwinayo

Bathemb’ uThixo onenceba.

Uyolawul’ umhlaba wonke,

Ukuze bonke ke bamdumise.