Ngaba Uyasilungiselela ISikhumbuzo?
Kwakungo Nisan 13 ngonyaka ka-33 C.E. UYesu wayesazi ukuba unobusuku obunye kuphela awayeza kubuchitha noogxa bakhe ngaphambi kokuba abulawe. Wayeza kubhiyozela iPasika yokugqibela kunye nabo aze amisele Isidlo Sangokuhlwa SeNkosi. Isihlandlo esibaluleke kanje ngokuqinisekileyo sasifuna ukulungiselelwa. Ngoko, wathuma uPetros noYohane ukuba basilungiselele. (Luka 22:7-13) Ukususela ngoko, unyaka nonyaka bekufuneka amaKristu abe neSikhumbuzo aze asilungiselele. (Luka 22:19) Ziintoni esifanele sizenze ukuze silungiselele iSikhumbuzo esiza kuba ngoAprili 3?
Amalungiselelo Enziwa Ngabavakalisi:
Lungiselelani ukuzinikela kwiphulo lokumemela abantu kwiSikhumbuzo.
Bhala phantsi izifundo zeBhayibhile, abamelwane, abantwana ofunda nabo, abo usebenza nabo nabanye obaqhelileyo uze ubameme.
Funda uze ucingisise ngofundo lweBhayibhile lweSikhumbuzo.
Yiya eSikhumbuzweni ulungele ukwamkela iindwendwe.