Izityalo—Umthombo Oxabisekileyo Wamayeza

Iingcali ziqikelela ukuba ikota yamayeza esilungu asetyenziswa namhlanje avela kwimichiza yezityalo. Abantu abathanda amayeza esintu badla ngokukuxhasa oku.

Uphando olukhulu olwenziwayo lelokuthabatha imichiza eluncedo kwizityalo. Owona mzekelo ubalaseleyo woku yiaspirin, ethatyathwe kwisalicin, efumaneka kwixolo lomthi womngcunube omhlophe.

Xa yahluliwe, imichiza esebenzayo efumaneka kwisityalo inokusetyenziswa ngendlela eyaneleyo nengqalileyo. Enye incwadi ithi: “Kulula kakhulu ukusebenzisa iaspirin kunokusebenzisa ixolo lomthi womngcunube okanye ifoxglove ukuze ikuncede.”

Kwelinye icala, ukwahlula umchiza kwizityalo ezenza amayeza nako kuneengxaki zako. Okokuqala, kunokuthetha ukuba awuzifumani ezinye iingenelo ezifumaneka kwesi sityalo. Okungakumbi kukuba, ezinye izinto ezibangela izifo sezikwazi ukumelana neyeza elenzelwe zona.

Umkhwinini, ofumaneka kwixolo lomthi icinchona ngomnye umzekelo obonisa ukuba kubakho iingxaki xa kusahlulwa umchiza osebenzayo kwizityalo ezenza amayeza. Nangona umkhwinini ubulala uninzi lweentsholongwane ezibangela isifo seengcongconi, ezo ntsholongwane ungazibulaliyo ziyanda kakhulu. Enye incwadi ithi: “Ukuxhathisa okunjalo kwezi ntsholongwane kuye kwabaxhalabisa gqitha oogqirha.”

[Imifanekiso ekwiphepha 31]

I-“aspirin” ithatyathwa kulo mthi womngcunube

[Inkcazelo]

USDA-NRCS PLANTS Database/Herman, D.E. et al. 1996. North Dakota tree handbook

[Imifanekiso ekwiphepha 31]

Umthi i-“cinchona,” ekuthatyathwa kuwo umkhwinini

[Inkcazelo]

Courtesy of Satoru Yoshimoto