Ngaba Kwadalwa?

Intsebenziswano Emangalisayo Emhlabeni

◼ Kukho intsebenziswano emangalisayo emhlabeni phakathi kwezityalo ezithile neentsholongwane, nto leyo eluncedo kwizinto eziphilayo.

Khawucinge ngalo mzekelo: Initrogen ibalulekile ukuze izityalo zikhule zize zichume. Kodwa le gesi ifanele itshintshe ibe yiammonia ngaphambi kokuba ibe luncedo kwizityalo. Ukuze le gesi itshintshe, imidumba (legumes) isebenzisana nentsholongwane ekuthiwa yirhizobia. Intsebenziswano enjalo phakathi kwezinto ezingafaniyo kuthiwa yisymbiosis.

Imidumba isebenzisa uhlobo olukhethekileyo lomchiza ukuze ifunxe loo ntsholongwane ngeengcambu zayo. Iphephancwadi iNatural History lithi, nangona iintsholongwane nezityalo zingafani, ziyasebenzisana “ukuze iingcambu zikwazi ukutshintsha initrogen.” Xa le ntsholongwane sele ingaphakathi ezingcanjini, iqalisa ukusebenza. Ngokuyintloko isebenzisa iproteni ebizwa ngokuba yinitrogenase—ejika initrogen engaphantsi komhlaba.

INatural History ithi: “Initrogenase . . . ekhoyo emhlabeni wonke inokwanela kwiemele enye enkulu.” Ngoko suntswana ngalinye libalulekile! Noko ke ikho ingxaki. Xa le gesi iye yadibana neoksijini iyonakala. Inokulungiswa njani le meko? Kwalapha kule midumba kukho nto ithile ethintela ioksijini ukuba ingangeni.

Kukho ulwelo olusezingcanjini olulawula ukutshintsha kweammonia, iswekile nezinye izondlo kwiintsholongwane nezityalo. Njengazo zonke izityalo, imidumba iyafa. Xa isifa, ishiya iammonia emhlabeni. Ngenxa yoko imidumba iba “sisichumiso.”

Ucinga ntoni? Ngaba le ntsebenziswano intsonkothileyo nemangalisayo ephakathi kweentsholongwane nezityalo yazenzekela, okanye ngomnye ummangaliso wendalo?

[Umfanekiso okwiphepha 25]

Ingcambu etshintsha initrogen

[Inkcazelo Ngemifanekiso ekwiphepha 25]

Background: © Wally Eberhart/Visuals Unlimited; inset: © Dr. Jack M. Bostrack/Visuals Unlimited