Ngaba Kwadalwa?
Umlomo Wesquid
◼ Indlela owenziwe ngayo umlomo wesquid ibangela ukudideka okukhulu kwizazinzulu. Ziyazibuza: ‘Kwenzeka njani ukuba isilwanyana esingenamathambo sibe nomlomo oqine kangaka? Bekungamelanga ukuba lo mlomo uqinileyo uyasenzakalisa?’
Khawucinge ngoku: Incam yalo mlomo iqinile nakuba umlomo wona uthambile. Lo mlomo—wenziwe ngechitin, amanzi neprotini—uthambile kodwa incam yawo iqinile, nto leyo ibangela ukuba isquid singenzakali xa siwusebenzisa.
UNjingalwazi uFrank Zok, weYunivesithi yaseKhalifoniya uthi xa oononjineli benokufunda ngomlomo wesquid “banokuyitshintsha ngokupheleleyo indlela abanamathelisa ngayo izinto ezahlukahlukeneyo.” Enye into abanokusebenzisa kuyo obu buchule kuxa besenza amalungu omzimba awahlukahlukeneyo angoozenzele. UAli Miserez, ongumphengululi kwakule yunivesithi, unombono “welungu lomzimba elinguzenzele elifana nomlomo wesquid, elithambileyo kwelinye icala,” lize “kwelinye icala liqine ukuze lingonakali xa lisetyenziswa.”
Ucinga ntoni? Ngaba umlomo wesquid othambileyo kwelinye icala nonencam eqinileyo wazenzekela? Okanye ngaba wadalwa?
[Inkcazelo Ngemifanekiso ekwiphepha 9]
© Bob Cranston/SeaPics.com
© Richard Herrmann/SeaPics.com