Amabhotwe Amancinane AseIstanbul

● Izindlu zeentaka ezenziwe ngamaplanga zixhaphakile kumazwe amaninzi. Kuzo, iintaka ziyakwazi ukutya, zizigcine zifudumele, zizenzele iindlwane, zikhulise amantshontsho zize zizikhusele engozini. EIstanbul, izindlu zeentaka zenziwa zikhangeleke njengezindlu zabantu. Ezinye zifana noobhazabhaza bezindlu; izindlu zecawa okanye amabhotwe.a Zaziwa ngokuba ngamabhotwe eentaka.

Ezona zindala kwezi zindlu kuthiwa zenziwa ngenkulungwane ye-15 yaye zakhiwe zaba nobugocigoci belo xesha. Zakhiwe ngendlela nje eqhelekileyo kodwa ukususela ngenkulungwane ye-18 ezi zindlu zeentaka zazisemgangathweni. Ezinye zazenziwe zanendawo yokugcina ukutya namanzi, iindawo zokuhamba-hamba neevaranda ezazinokuhlala kuzo iintaka. Ezi zindlu zazidla ngokwakhiwa ngakwicala elinelanga yaye zazikhusela iintaka kwimimoya evuthuza ngamandla, kwiikati, kwizinja nakubantu. Maxa wambi ezi zindlu zeentaka zazingenzelwa nje iintaka kuphela kodwa zazisenzelwa nokuhombisa izindlu. Zikho izindlu zeentaka ezijinga kwizindlu zecawa ezinkulu nezincinane, kwiindawo zokukha amanzi, kwimizi yogcino-zincwadi, kwiibhulorho nasemakhayeni abantu.

Okubuhlungu kukuba, uninzi lwaloo mabhotwe luye lonakala ngenxa yemozulu, ngoxa ezinye ziye zadilizwa ngabantu abangakuboniyo ukuxabiseka kwazo. Zimbalwa izindlu zeentaka ezikhoyo. Noko ke, ukuba utyelela eIstanbul yaye unomdla kwizakhiwo zakudala khangela ukuba unokuzibona na ezi zakhiwo zincinane kungqameko lophahla. Ekubeni ngoku uzazi ezi zindlu zeentaka ukuba ziintoni, xa uzibona uya kukuvuyela ukutyelela kwakho kweso sixeko.

[Umbhalo osemazantsi]