YIKHUTHALELE INTSIMI | KONWABELE UKUSHUMAYELA
Nceda Abantu Obafundelayo Baye Kwiintlanganiso
Ukuya kwiintlanganiso zebandla yenye yendlela ebalulekileyo esikhonza ngayo. (Nd 22:22) Bonke abantu abadibeneyo ukuze bakhonze uYehova bafumana uvuyo neentsikelelo. (Nd 65:4) Abantu abafundelwayo abaya qho kwiintlanganiso bakhawuleza bafunde izinto ezininzi.
Ungazinceda njani izifundo zakho zeBhayibhile ziye kwiintlanganiso zebandla? Qhubeka uzimema ukuba ziye. Zidlalele ividiyo ethi Yintoni Eyenzekayo EHolweni YoBukumkani? Bacacisele ngendlela ekunceda ngayo ukuya kwiintlanganiso. (lff isifundo 10) Unokubabalisela ngento oye wayifunda kwiintlanganiso okanye ubaxelele ngento ekuza kuthethwa ngayo kwiintlanganiso ezilandelayo. Nika izifundo zakho iimpapasho eziza kusetyenziswa. Ungabenzela nezinto eziza kuba nceda. Mhlawumbi badinga into yokuya kwiintlanganiso. Nantoni na oyenzayo ukuze uncede isifundo sakho side siye kwiintlanganiso, asoze uzisole ngayo xa side saya.—1Ko 14:24, 25.
BUKELA IVIDIYO ETHI NCEDA ABANTU OBAFUNDELAYO BAYE KWIINTLANGANISO, UZE UPHENDULE LE MIBUZO:
UNeeta uye wenza njani ukuze ameme uJade ukuba aye kwiintlanganiso?
Kutheni siye sivuye xa umntu esimfundelayo esiya kwiintlanganiso?
“UThixo uphakathi kwenu nyhani”
Uye waziva njani uJade emva kokuya kwiintlanganiso okokuqala?