Atoropa Oowerya a Yehova

Beni-Hadadi mwene a wAasiiriya, khaahin’ye waattuphela atthu a wIsarayeeli. Masi profeeta Eliseewu ahinleela mwene a wIsarayeeli, itthu dhoothene Beni-Hadade aayaiye opaka. Tivondho apalano a Beni-Hadade khiyaakhumela saana. Ndho Beni-Hadade ahaalaleya atoropa a wAasiiriya, wiira erowe oDotani yaanphare Eliseewu entthuke.

Atoropa a wAasiiriya yaahiphiya oDotani ohiyu. Ndho mmelo mwa ohiihiyu, nrumei ye Eliseewu ahoona wiira esidadi ele yaahirukureryiwa ni atoropa awaatta. Owo ahoova vawaatta akakhuwela airaka: ‘Eliseewu, etthu seeni nin’ya nhu opaka?’ Eliseewu ahaakhula wiira: ‘Nhoove, ari nihiiyo khareere waatta waaxira awo.’ Okhathi-ya yoole, Yehova aahimwiriha nrumei-ye Eliseewu woona etthu yootikiniha, owo ahoona miyaako dhaattamenle esidadi ele idhanle ikhavalo ni ikaaro dha ekhotto dhapatta mooro.

Okathi atoropa ale a wAasiiriya yailipihera awa wiira emphare Eliseewu, owo aahivekela airaka: ‘Yehova, safatali ntthuke maitho atoropa ala.’ Atoropa ale, khiyaahin’iye woona, masi mootikiniha khiyaadhuwela opuro yaari awa. Ndho Eliseewu aahaleela wiira: ‘Ela kahi esidaadi yeele atthu ankoca awa. Masi miyo atthu kinawaaveleela wiira atthu yamphwanye ntthu aninkoca awa.’ Atoropa a wAasiiriya yaahintthara Eliseewu oSamariya, epooma yeelo alamulela iye mwene a wIsarayeeli.

Ndho atoropa ale noomala ophiya, tiyadhuwenle awa opuro yaari awa. Ndho mwene a wIsarayeeli aahinkoha Eliseewu wiira: ‘Kiwiiphe?’ Niire Eliseewu ahittottela nrereelo okathi ole wiira awuunlele ikuhu awanani-ye? Naari. Eliseewu aakhunle wiira: ‘Naari nhiwiiphe. Mwaavahe eyooca ece, noomala-vo mwaahiye erowe.’ Ndho mwene aahirumiha waapeiwa eyoca yawaatta wiira evahiwe atoropa ale. Noomala atoropa ale oca, mwene ahiwiirela wiira erowe elapo-ya.