Yeesu Aahiphariwa

Khuta mwaakha, aYuuda yaanimwiira paaskowa nihiku 14 na mweeri wa Nisaani. Elo yaaniwuupusera moopora Yehova awooponle-iye wEexiitu. Mwaakha wa 33 Nuumala Kiristu Ora, Yeesu ni arummwa-ye yaahirowa ompaka paasikha oYerusaleemu. Okathi naamanle awa niira nne, Yeesu aahaleela arummwa-ye wiira: ‘Mmodha a nyuwo onookiphariha.’ Arummwa yaahoova vawaata, ni yahinkoha Yeesu wiira: ‘Taani on’ya opaka elo?’ Yeesu aahiwaakhula wiira: ‘Yoole kin’yaka onvaha ephaawu ela.’ Ndho Yeesu aahikusa ephaawu anvaha Yuuda Iskariyoti, mwawaakuveya Yuuda aahikhuma opuro ole akarowa.

Moottharelana Yeesu aahipaka nivekelo, aahikawa ephaawu ele aakawela arummwa-ye ootheene yaari opuro ole. Ni aaleela wiira: ‘Okathi atthu an’ya awa okhuura ephawu ela, atthu yuupuwelele erutthu aka, yeelo kin’yaaka ovaha atthu mwa nreerelo-ya.’ Nuumala-vo Yeesu aahipaka nivekelo nikina, akusa eviinyu aakawela arummwa ale, aaleelaka wiira: ‘Okathi atthu an’ya awa owurya evinyu ela, atthu yuupuwelele ephome aka yeelo kin’yaaka ovaha wiira atthu Yehova alevelele dhoottheka-dha. Atthu kinnalaihera wiira anookhala vamodha ni miyo wiirimu. Atthu ahaana opaka ela khuta mwaakha ekuupuwelelaka miyo’. Mpakha mahiku nhu ala atthareli a Yeesu a ekhweeli annithukumana, wiira yuupuwelele ele Yeesu aapanke iye. Nthukumano owo mahiku nhu ala oniithaniwa: Wuupuwelela Okhwa wa Yeesu Kiristu.

Nuumala oca, arummwa yaahipacera onyakulihana voohima dha taani ari muulupale. Masi Yeesu aahaaleela wiira: ‘Ntthu ootepa on’ya okhala muulupale tuule ohiniidhona okhala nkhulupale waaxira atthu akina.

Nitho aahaacerera airaka: ‘Atthu veena axiriikha aka, okhala wiira atthu kihaaleela yeele Tiithi aka okileenle iye. Ni moohilekela kinootthikela wa Tiithi aka wiirimu. Ni atthu veena an’ya ohala valaponi vaava. Mas wiira atthu ootheene edhuwele wiira atthu veena atthareli aka, atthu ahaana ophetana nkina ni nkhwe nkhama miyo atthu kinaaphetaka.’Moottharelana, Yeesu aahipaka nivekelo nikina, owo aahinvekela Yehova wiira aakhapelele arummwa-ye ni waakhalihera ovara nteko vamodha ni mwawiiraana. Yoolakela ya Yeesu waari wiira atthu ootheene edhuwele ndhina na Yehova. Nuumala-vo Yeesu ni arummwa-ye, yaahimwiipela ncipo Yehova ni yaahikhuma evenya erowaka. Okathi ole waaira ohalaka vakhani wiira Yeesu aphariwe.