YOOSOMA 32

Omwene wa Muluku Woopacera Olamulela!

Eforomatu Yawimpirimiriwa

Omwene wa Muluku opacenre olamulela wiirimu mwaakha 1914. Okathi yoowo apacenra awa mahiku ookidhera a olamulelo wa apinaatamu. Nindhuwela dhai elo? Nin’ya woona ele Biibiliya alontta iye voohima dha mwaha ola ni moopora makhalelo a olumwinku arukunuwa awa okhuma mwaakha wa 1914.

1. Eseeni Yesu alontte iye?

Eliivuru ya Daniyeli enninikhalihera odhuwela wiira Omwene wa Muluku opacenre olamulela woomalani wa okathi oniitthaniwa “thanu na piili” aahiidho 7. (Daniyeli 4:13, 14) Noovira iyaakha dhawaatta, Yesu ahiitthana okathi owo okhala “okathi wa amalapo” ni aahihudhiha wiira okathi owo nleelo khiwamanle. (Luka 21:24) Nkhama nin’ya nhu woona, okathi thanu na piili omanle mwaakha wa 1914.

2. Itthu seeni dhinkhumelela moolumwinkuni okhuma mwaakha wa 1914?

Ahudheri a Yesu yaahinkoha wiira: ‘Okathi seeni dhin’ya awa okhumelela itthu idha, ni tiivi eri ethonyero ya otthika winyu ni yoomala wa olumwinku?’ (Matheyo 24:3) Yesu ahiwaakhula wiira dhankhumelela itthu dhawaatta vaavo yeene ayaiye opacera olamulela wiirimu nkhama Mwene a Omwene wa Muluku. Itthu dhikina dhinhela mpuwa ikhotto, othowa eyooca ni isikinyatthi. (Munsome Matheyo 24:7.) Nitho Biibiliya ahilotta moopora atthu yaaya awa okhala ‘mahiku ookhidhera’ ndho mwaha wa elo makhalelo a ekumi yaaya okhala “ooxankiha.” (2 Timootheyo 3:1-5) Okhuma mwaakha wa 1914 itthu idha dhinootepa waacerereya.

3. Seeni olumwinku ontepa awa ootakhala okhuma neene Omwene wa Muluku opacenra awa olamulela?

Noomala ovira okathi vakhaani Yesu akhalihiwe Mwene a Omwene wa Muluku, owo ahiwana ekhotto ni Satana vamodha ni malaikha ootakhala wiirimu. Ndho ekhotto elo Satana ahiweriwa. Biibiliya onlotta wiira: ‘owo aahiriheliwa elapo ya vathi, nitho malaikha aye yaahiriheliwa vathi vamodha ni owo.’ (Wiisuupulula 12:9, 10, 12) Satana khareere onanariwa okhala wiira onnidhuwela wiira onoopwetesiwa. Ndho mwaha wa elo owo onnikhumihera mixankiho dhaawaatta ni ohaawa elapo yootheene. Tivondho itthu moolumwinkuni dhintepa awa otakhala! Masi Omwene wa Muluku onnomaliha mixankiho dhootheene.

NHUDHE ITTHU DHIKINA

Moone moopora nidhuwenle nhu wiira Omwene wa Muluku opacenre olamulela mwaakha wa 1914. Nitho moone etthu ennitumererya awa opaka.

4. Iprofesiya dha mBiibiliyani dhinthonya mwaakha wa 1914

Moone EVIIDIYU.

EVIIDIYU: Omwene wa Muluku Opacenre Olamulela Mwaakha wa 1914 (5:02)

Muluku ahinlohiha mwene Nabukhodonosori a oBabilooniya wa khalai. Yooloha ela, Yehova aahimooniha itthu dhaya wiireya nhoolo. Daniyeli ahinleela ele yaataphulela awa yooloha ele ni yooloha ele yaanivarihana ni olamulelo wa Nabukhodonosori ni Omwene wa Muluku.—Munsome Daniyeli 4:17;a moone enoota.

Munsome Daniyeli 4:20-26, nuuvinya nrumeele ekwaaduru ya epaaxina 133 wiira mwaakhule makoho anttharelana:

(A) Eseeni Nabukhodonosori onne iye molohani?—Moone eveersu 20 ni 21.
(B) Eseeni yaaya wiireya ni nttaikho?—Moone eveersu 23.
(C) Eseeni yaaya okhumelela woomalini wa okathi “thanu na piili” aahiidho 7?—Moone eveersu 26.

Yooloha ya Nttaikho Enivarihana Dhai ni Omwene wa Muluku?

EPROFESIYA (Daniyeli 4:20-36)

Ekuvernu

(A) Nttaikho wootthaiva

Yanhiya olamulela

(B) ‘Muuhe nttaikho’ ni nhiye ovire okathi “thanu na piili”

Esa ya ntthaikho ewariwe eyuuma ni ekoopiri.

Yantthikela olamulela

(C) ‘Omwene nnyu nnootthikiheriwa’

Waakhwanela woopacera wa eprofesiya ela . . .

(D) Taani athonyera nttaikho?—Moone eveersu 22.
(E) Owo aahin’ye liini olamulela?—Munsome Daniyeli 4:29-33.
(F) Eseeni yaakhumelenle Nabukhodonosori woomalani wa okathi ‘thanu na piili’?—Munsome Daniyeli 4:34-36.

WAAKHWANELA WOOPACERA

Yanhiya olamulela

(D) Nabukhodonosori mwene a oBabilooniya

Mwene Nabukhodonosori emenle mwa enamuna yawiikuserera.

Yantthikela olamulela

(E) Noomala iyaakha 606 Ahinatthi Kiristu Ora, Nabukhodonosori ahitthatuwa akhala nloolo ndho khawenrye olamulela iyaakha thanu na piili aahiidho 7

Nabukhodonosori amorele vathi ni acaaka nkhama inama.

Yanhiya olamulela

(F) Nabukhodonosi onnimukuluwa ololo atthikela olamulela

Mwene Nabukhodonosori alipelaka wiirimu ni attheten’ye.

Waakhwanela wa naili wa eprofesiya ela . . .

(G) Taani yaathonyera nttaikho?—Munsome 1 Wahala 29:23.
(H) Awo yaahin’ye olamulela liini? Nindhuwela dhai wiira okathi Yesu araiye valaponi awo yaahihiya olamulela?—Munsome Luka 21:24.
(I) Liini ni woowi Omwene owo otthikenla awa olamulela?

WAAKHWANELA WA NAILI

Yanhiya olamulela

(G) Mamwene a wIsarayeli yaawo yaathonyera olamulela wa Muluku

Mwene ovirikana yarantthelana wIsarayeli ekilanthele ihice, khuta ntthu ottulu wankhwe. Ekamaama yaaryaka eriyari iya.

Yantthikela olamulela

(H) Yerusalemu onninyanyiwa ni mamwene a wIsarayeli annihiya olamulela mwa iyaakha 2.520

Mooro weeyelaka epooma ya khali ya oYerusalemu mwaakha wa 607 A.K.O. Noomala ovira iyaakha 2.520.

Rulership restored

(I) Yesu onnipacera olamulela wiirimu nkhama Mwene a Omwene wa Muluku

Yesu alamulelaka elapo ari wiirimu okhuma mwaakha wa 1914 N.K.O. Wiirimu ekhuma ekamaama enaarya.

Iyaakha kavi dhintaphulela okathi thanu na piili aahiidho 7?

Miphantta dhikina dha mBiibiliyani dhinninikhalihera wiiwasasa saana miphantta dhikina. Mwa ntakihero, eliivuru ya mBiibiliyani ya Wiidhuupulula ennilotta okathi miraaru ni nuusu okhala mahiku 1.260. (Wiisuupulula 12:6, 14) Ndho, okathi thanu na piili ontaphulela okusa ivaara piili nuumeru nna na 1.260, niire dho mahiku 2.520. Ivaara dhikina Biilibliya onnirumeela nuulumo naawi nihiku nimodha atthunaka olotta mwaakha mmodha. (Ezekiyeli 4:6) Emodha-modharu okathi thanu na piili aahiidho 7 onromoliwa eliivuru ya Daniyeli ontaphulela iyaakha 2.520.

5. Olumwinku woorukunuwa okhuma mwaakha wa 1914

Moone EVIIDIYU.

EVIIDIYU: Olumwinku Woorukunuwa Okhuma Mwaakha wa 1914 (1:10)

Yesu ahilotta itthu dhaya okhumelela moolumwinkuni noomala owo okhala Mwene. Munsome Luka 21:9-11, nuuvinya mwaakhule nikoho nittharelana:

Itthu seeni dhiri-va nnoona nnyu dhikhumelelaka olelo-va?

Nrummwa Paulo ahilotta moopora atthu yaaya awa okhala mahiku ookhidhera a olamulela wa apinaatamu. Munsome 2 Timootheyo 3:1-5, nuuvinya mwaakhule nikoho ninttharelana:

Niire atthu olelo annoonihera mikhalelo idha?

Ifootu Dhoopataana: Itthu dhinoonihera makhalelo a olumwinku a mahiku ookhidhera. 1. Nhooleli anakhottho ari ohoolo ananyakulaka ni atthukulelaka moono odhulu. 2. Iperetiyu enyanyen’ye noomala okhumelela esikinyatthi. 3. Mattheeke anakhotto. 4. Atthu yeettaka mphuroni ni yaaware amaaskara. 5. Iperetiyu piili dhootthaiva dha oNova York epatthaka mooro noomala otupheliwa ni anamarema. 6. Nlopwana mmodha acaaka miretthe dhoohapala. 7. Nlopwana mmodha ephupe esooku ni anaakhulaka ni amwaariye. 8. Miretthe dhoohapala ni dhoowurya dhoohapala dhoovirikana. 9. Athiyana aili ewanre ikuwo dhiri namuuta ni ewanre itthu dhawaatta nsuruku yiitirariki efootu. 10. Nlipa onrumiha muusika amwiiriha namutthu wiina ni wiipa. 11. Ntthu mmodha arahenlenle odhulu esuupha ekhuma mooro.

6. Hiyo nintthuna okhalihera Omwene wa Muluku

Munsome Matheyo 24:3, 14, nuuvinya mwaakhule makoho anttharelana:

Nteko seeni wootthuneya onoonihera wiira Omwene wa Muluku woopacera olamulela?
Nyuwo mun’ya okhalihera dhai nteko ola?

Omwene wa Muluku woopacera olamulela ni ninnaattamela nihiku noopacera olamulela elapo yootheene. Munsome aHeeberi 10:24, 25, nuuvinya mwaakhule nikoho ninttharelana:

Eseeni nireerela nhu opaka vaavo nnoona nhu “wira nihiku na Muluku ninnaattamela”?

Ifootu dhoopataana: 1. Naskola mmodha a Biibiliya onnaka ntthukumana wa Anamoona a Yehova. 2. Nitho naskola mmodharu anlaleeryaka ntthu onidhuwela iye. — Waakhanle wiira moodhuwela etthu en’ya waakhalihera ni owoopola atthu akina, nyuwo mwaaya opakani?

ATTHU AKINAKU YOOKOHANI WIIRA: “Seeni mwaakha wa 1914, Anamoona a Yehova anoona awa okhala wootepa ootthuneya?”

Nyuwo mun’ya waakhula dhai?

WUULUULA

Iprofesiya dha mBiibiliyani ni makhalelo a olumwinku annoonihera wiira Omwene wa Muluku woopacera olamulela. Vaavo ninlaleerya nhu ni orowela mithukumano ninnoonihera wiira ninnikhupali elo.

Ipontu dhuulupale

Eliivuru ya Daniyeli ennilotta voohima dha okathi thanu na piili aahiidho 7. Eseeni yaakhumelenle woomalani wa okathi thanu na piili?
Eseeni enookhupalihani wiira Omwene wa Muluku opacenre olamulela mwaakha wa 1914?
Mun’ya woonihera dhai wiira munnikhupali wiira Omwene wa Muluku woopacera olamulela?

Yoosoma ela kimalinhe nihiku:

Yoolakela aka

Opaka itthu dhootthuneya wiira nkhale namalaleerya a ihapari dhooreera.

Etthu ekina:

NTHOKODHE ITTHU DHIKINA

Moone ele anlotta awa anamathokodha akina a miyaha dha nlaponi voohima dha itthu dhinkhumelela moolumwinkuni okhuma mwaakha wa 1914.

“Okathi Mweettelo Wooloka Ohononiwa awa Mwawaakuveya” (Despertai!, Abril de 2007)

Moone moopora eprofesiya eri Matheyo 24:14 erukununsa awa ekumi ya nlopwana mmodha.

“Miyo Anitepa Okidhevela Beisebol Oxira Itthu Dhootheene!” (A Sentinela, N.º 3 de 2017)

Nindhuwela dhai wiira eprofesiya eri Daniyeli ekapiitulu 4 ennivarihana ni Omwene wa Muluku?

“Omwene wa Muluku Opacenre Liini Olamulela? (Apaarti 1)” (A Sentinela, 1 de Outubro de 2014)

Nindhuwela dhai wiira okathi “thanu na piili” aahiidho 7 onromoliwa Daniyeli ekapiitulu 4 omanle mwaakha wa 1914?

“Omwene wa Muluku Opacenre Liini Olamulela? (Apaarti 2)” (A Sentinela, 1 de Novembro de 2014)

a Enoota: Moone miyaha dhookhidhera miili dhiri yoosoma ela mphantta oni: Nthokodhe Itthu Dhikina.