Ireferensiya dha Ekateernu Ekumi ni Nteko Nhu
© 2025 Watch Tower Bible and Tract Society of Pennsylvania
5-11 A Maio
MIHAKHU DHA MBIIBILIYANI MIRUKU 12
Ale Aniilipihera Ovara Nteko Anoophwanya Mareeliho
Wiikocela, 06.2016 epaax. 30 etti. 6
Nkhalelo Wootepa Otthuneya Onxira Diamanti
Arumeyi akina a Yehova ivaara dhikina khonaakhwela ophwanya nsurukhu omphiyera para ocihana emudhi-ya. Hata eri dhiidho, awo khampaka itthu dhoohiroromeleya wiira ephwanye itthu mawaakuveya, awo anniilipihera ovara miteko mooluttuweliwa. Vaavo anipaka awa elo, awo annoonihera wiira annivaha efaita mikhalelo dhoreera dha Muluku ohela mpuwa ororomeleya, nkhalelo yoowo oriina efaita yuulupale oxira khuta nreerelo wa mweerutthuni.—Mir. 12:24; aEef. 4:28.
Wiikocela, 1/02/2015 epaax. 5 etti. 4-6
Moopora Woopuha Nteko Nnyu
Etthu yooloka wuupuwelela nikoho nna nookhidhera, okhala wiira nteko onnitpa ohakalaliha vaavo ninoona nhu moopora onaakhalihera awa atthu akina. Yeesu olontte wiira: “Ovaha onnitepa ohakalaliha ovikana ovahiwa”. (Miteko 20:35) Nteko nhu khonaakhalihera pahi ale ninaavarela nhu nteko aahiidho annivarela nteko, masitho onnakhalihera amudhi nhu ni atthu akina oothoiwa.
Amudhi nhu. Vaavo nhooleli a ettheko oniilipihera iye ovara nteko mooluttuweliwa, emudhi-ye ennittottela nreerelo mwa inamuna piili. Yoopacera, owo onnaavaha amudhi-ye itthu dhinaathowa nkhalelo wa mweerutthuni nkhama ikuwo, eyooca ni opuro wookhala. Mwa enamuna elo owo onnaakhwanihera nritti ovahiwe iye ni Muluku ‘waavaha itthu dhinaathowa “ale anikhala vatthokoni vawe.” (1 Timootheyo 5:8) Yanaaili, nhooleli owo onnivaha ntakihero nooreera na otthuneya-wa ovara nteko mooluttuweliwa. Shaani oromoliwe woopacerani olontte wiira: “Apaapa aanivaha ntakihero nooreera na oluttuweliwa ovara nteko. Awo ntthu oororomeleya ni anniilipihera ovara miteko okathi wootheene, ivaara dhawaatta anvara nkhama kalapinteero. Ntakihero-na nookihudhiha otthuneya-wa ovara nteko ni matata, ni opaka itthu dhin’ya waakhalihera atthu akina.”
Atthu akina oothoiwa. Nrummwa paaulu aahaatumererya makiristau wiira yiilipihere “ovara muteko wooloka ni matata awe, wira okhalaneke etthu yowaavaha ale ahirina.” (aEefeso 4:28) Ndho, vaavo niniilipihera nhu ovara nteko wiira niikhalihere ni waakhalihera amudhi nhu, hiyo ninoowerya-tho waakhalihera ale oothoiwa. (Miruku 3:27) Ndho, wiilipihera ovara nteko pooti onikhalihera ophwanya ohakalala wuulupale omphwanyiwa mwaha wa ovaha.
Mihakhu dha Omunepani
ijwyp mwaha 95 itti. 10-11
Kiire Miyo Kinnivilela?
● Nkhalena moonelo wooreera voohima dha nxankiho. Nkadhuwela ovirikaniha nxankiho muulupale ni nxankiho nkaani. Biibiliya onlotta wiira: “Mutthu ohirina ankhili waakuva onanariwa, Masi mutthu a ankhili onnivilela oveehiwa”. (Miruku 12:16) Khontthuneya onanariwa ni khuta etthu nniireliwa nyu.
“Makoleka aka a oskola yaahikhalana nxankiho wa wakuva onanariwa mwaha itthu yaaireliwa awa. Axirikha-ya yaanilaleya miyaha idho munternetini ni yaanitepiha mwaha ole epakaka itthu dhikina dhoohiloka. Ndho elo yanitepiha mwaha ole ni yaaniwiiriha awo otepa onanariwa.”—Joanne.
12-18 A MAIO
MIHAKHU DHA MBIIBILIYANI MIRUKU 13
Nhiwokiwe ni Waarya wa “Nthuko wa Atakhali”
Estudo Perispicaz, vol. 2 epaax. 189 itti 3-4
Nthuko
Orumeeliwa mwa nthoonyero. Khuta etthu ntthu onrumeela iye wiira oone ephuro-ye ennilikanyihiwa ni nthuko. Erumeelaka mwa enamuna ya nthoonyero, eliivuru ya Miruku ennoonihera ovirikana okhanle orweela wa anaxariya ni atakhali alottaka wiira: “Muthuko wa anaxariya, onnaarya vanceene, Masi muthuko wa atakhali onoottipihiwa.” (Miruku 13:9) Nthuko wa anaxariya onnivikaniha waarya,. Hata nthuko wa atakhali okhalaka nkhama onawaarya, hata ekhalaka wiira iphiro dha atakhali dhinnikhumela saana, Muluku onoottipiha nthuko wa atakhali ni omorihela mweepiphini. Ela ti etthu en’ya waakhumelela ale anaarokela apaapa-ya ni amaama-ya waakhumelela itthu dhootakhala.—Mir 20:20.
Akhala wiira nthuko wa ntthu onnittipihiwa elo enoonihera wiira khiyaavo etthu ntthu owo onlipelela iye nhoolo. Eliivuru ya miruku ennilotta-tho wiira: “Okhala wiira atthu ootakhala khanlipelela etthu muhoolo, Nave muthuko wa atakhali onoottipihiwa.”—Mir 24:20.
Wiikocela, 15/07/2012 epaax. 12 etti. 3
Mmurumeele Muluku Onvaha Otaphuwa Weekhweeli
3 Akhala wiira Satana oowerya owoototha apinaatamu aili oomalela, (ohela mpuwa dhoopattusiwa dhawaatta dhoomunepani) onrukunuwela muluku, elo enoonihera wiira pooti-tho onoototha. Owo onrumeela inamuna dhimodharu dha woototha. Owo ontthuna wiira hiyo nikuupuwela wiira dhooruma dha Muluku ti dhoolipa weettela ni dhinninikhoottihera opuha ni ohakalala. (1 Yohani 5:3) muupuwelo owo pooti ohonona nrima nhu akhala wiira ninnuupuwela elo ivaara dhawaatta. Nrokora mmodha oriina miyaakha 24 ni otanke opaka etampi ya orupihana woohiloka olontte wiira: “Miyo kaahihapusiwa ni mweettelo wa atthu keettaakana, miyo kaanaatakiha okhala wiira nkaatthuna okhala oovirikana ni awo”. Woonawene elo yootaka owiiranelani.
Wiikocela,15/07/2004 epaax. 31 etti. 6
“Atthu Oothene Ariina Akhili Annipaka Itthu ni Odhuwela”
Ntthu aakhili ni axariya yoowo ompaka itthu ni odhuwela weekhweeli, onooreelihiwa. Salomoni olontte wiira: “Naxariya onnoolya mpakha ovona, Masi mutakhali onnivoliwa etala.” (Miruku 13:25) Yehova oodhuwela ele eri etthu yooreera ni khuta mphantta wa ekumi nhu—voohima dha emudhi nhu, waatana wihu ni atthu akina, nteko nhu woolaleerya aahindho okathi nintarusiwa nhu. Ni vaavo ninvarihela nhu nteko malakihero a mBiibiliyani ninvahiwa nhu, moohakanyera niniphwanya ohakalala wa ekhweeli mweekumini mwihu.
Mihakhu dha Omunepani
Estudo Perspicaz, vol. 1 epaax. 117 etti. 2
Opheta
Opheta pooti ohooniheriwa saana. Ndho mwaha wa elo, onnooneya wiira niphento na ekhweeli ni ninooniheriwa saana, ninkhumelela mwaha wa okoca ni otthara nnepa wa Muluku vamodha ni odhuwela onkhuma mBiibiliyani. Mwa ntakihero: woonawene tiithi pooti ompheta vawaatta mwane. Masi tho woonawene tiithi owo pooti ohimoonihera saana niphento nno akhala wiira onnintepiha, anvahaka khuta etthu oninlela iye ni akhala wiira khanikhoottihera etthu. Woonawene owo khanrumeela okhulupale-ye nkhama tiithi wiira antaruse aahindho ompuniri waareerelaka. (Mir 22:15) Niphento nkhama nno, mweekhweeli pooti wiira wiidhinnuwiha wa emudhi weiwo ori wiitthuna. Biibiliya onlotta wiira ntthu nkhama owo khanoonihera opheta masi ononyokha, mwaha wa wiira khantthara malakihero an’ya woopola ekumi ya mwane.—Mir 13:24; 23:13, 14.
19-25 A MAIO
MIHAKHU DHA MBIIBILIYANI MIRUKU 14
Muupuwele Saana Khuta Etthu Mumpaka Nnyu Okathi wa Ehasara
Wiikocela, 02.2023 epaax. 23 itti. 10-12
Nvahe Efaita Ekumi Nvahiwe Nnyu ni Muluku
10 Ivaara dhikina, hiyo khaninwerya osyaka wiira itthu dhootakhala dhihikhumelele. Mwa ntakihero, ivaara dhikina hiyo khanindhuwela okathi dhin’ya aya okhumelela ihasara dha ephattu, iretta dhawaakuva wuunlaana aahindho ikhotto. Masi hata eri dhiidho, okathi itthu idho iniiraneya awa dhookhala itthu dhiikina nikhanle nhu opaka wiira noopole ekumi nhu. Hiyo nihaana othaama mapuro awo akhala wiira makhulupale a mulaponi aanivekela aahindho otthara malakiheryo an’ya awa onivaha. (aRo 13:1, 5-7) Masi ivaara dhikina onniweryaneya odhuwela okathi en’ya awa okhumelela ehasara. Ndho wiira niilokihere okathi elo eniiraneya awa, nihaana otthara malakiheryo ninvahiwa nhu ni makhulupale a nttetthe ninkhala nhu. Mwa ntakihero, onooreerela okhalana paasta nin’ya nhu ohelamo itthu ihinaakuva ohononeya nkhama: maadhi, mirette ni eyooca.
11 Khindho akhala wiira enookhumelela eretta yawaakuva wuunlaana mapuro ninkhala nhu, nin’ya wiira dhai? Elo yairaneya nihaana wiiwelela malakiheryo ninvahiwa nhu ni makhulupale, nkhama: onyawa, ottaivelana, onwara maaskara ni ohikhuma mapuro ninkhala nhu. Nitho akhala wiira ninootthara malakiheryo awo, ninawoonihera wiira ninnivaha efaita yoovaha ya Muluku, elo ti elo, ekumi.
12 Okathi enikhumelela awa ehasara mootutusera, woonawene axirikha nhu, mavisiinyu nhu aahindho ihapari dha nlaponi, pooti olotta itthu dhawoothiwa. Masi, ohiya okupali ‘itthu dhoothene ninleeliwa nhu’ enookhala etthu ya miruku otthara malakiheryo oororomeleya. (Nsome Miruku 14:15.) Ndho anna a Nikhuuru Noolamulela ni a ibeteeli dha olumwenku wootheene anniimananiha ophwanya malakiheryo oororomeleya ninreerela ahu otthara. Awo annipaka eyo ehinatthi othanla vaareerelaka otthikela mithukumano sa mmulokoni aadho muteko woolaleerya. (aHe. 13:17) Ndho okathi niniiwelela nhu malakihero awo, ninniikhapelela hiyo naadhineene ni waakhapelela atthu akina. Ohiya-vo, ninnaakhalihera atthu akina okhalana moonelo wooloka voohima dha Anamoona a Yehova. — 1 Ped. 2:12.
Wiikocela, 07.2024 epaax. 5 etti. 11
Nkhale Oolipa Nrima Nkhama Sadoki
11 Akhala wiira anna ni arokora a mmulokoni dhinnaaphwanya mixankiho antthuneya awa okhaliheriwa, nin’ya wooniherya dhai okhala oolipa nrima nkhama Sadoki? Ninoowerya nittharaka ipontu idha dhinttharelana: (1) Otthara malakihero. Okathi dhinkhumelela awa itthu dhawoopiha, nihaana okhala atthu awiiraana ni otthara malakihero ankhuma oFiliyaali. (aHe 13:17) Asitokweene ahaana owuupusera anna ni arokora malakihero a ntthenkeso wa Yehova, yaawo anoonihera moopora wawiilokihera ni etthu yooreerela oopaka dhakhumelela ihasara. (1 aKo 14:33, 40) (2) Nlipe nrima masi ni ephoole. (Mir. 22:3) Muupuwele nhinakuve opaka etthu. Nhiikhumihere ehasara mahala ene. (3) Mmuroromele Yehova. Nhiliyale wiira Yehova onnovahani efaita nyuwo ni anna ni arokora. Ndho owo onawookhaliherani wiira nwerye waakhalihera anna ni arokora moophareleleya.
Mihakhu dha Omunepani
Estudo Perspicaz, vol. 2 epaax. 780
Wuupuwela Saana
Mweekhweeli ntthu yoole onuupuwela saana pooti tho opacera onyokhiwa. Ekhweeli ela ennilottiwa ni eliivuro ya Miruku 14:17: “Masi mutthu onuupuwelela, onninyokhiwa.” Ivaara dhawaatta atthu yaale ahinuupuwela saana khaniwoonela saana atthu ale aniilipihera wuupuwela saana. Nitho, okhuma khalayi atthu ootheene yaale anrumeela muupuwelo-ya wiira ekapaka otthuna wa Muluku anninyokhiwa. Nkhama dhiidhaale Yeesu Kiriistu olontte iye airaka: “Masi miyo kihoothanlani, nto nyuwo khamunlikana ni atthu a olumwenku ola. Tivo, atthu a olumwenku ola anoonyokhaayani.” (Joh 15:19) Okhalawene, mwiitthaneliwo wa elottelo yoopacera wa nuulumo nawiira “wuupuwela” niri Miruku 14:17 pooti ohela mpuwa wuupuwelela opaka itthu dhootakhala. Ohiya elo, moolumo ala pooti otaphulela wiira ntthu yoole onuupuwelelela opaka itthu dhootakhala onninyokhiwa, ni a Biibiliya akina ataphuleliwe dhaala: “Ntthu onuupuwelela waapakela akina itthu dhootakhala onninyokhiwa.”— ALA, VB..
26 A MAIO–1 A JUNHO
MIHAKHU DHA MBIIBILIYANI MIRUKU 15
Mwaakhalihere Atthu Akina Okhala Ootteliwa Nrima
Wiikocela, 15/11/10 epaax. 31 etti. 16
Hiyo Khaninhiya Weetta Moororomeleya
Yoobi aari ntthu oowaakhela aletto. (Yob 31:31, 32) Ata niri atthu othoiwa nihiyo ninoowera okhalana “yoolema ya owaakhela aletto.” (aRo. 12:13) Hiyo ninoowerya okaana ni atthu akina etthu nirinhuna, nihiliyalaka wiira ‘fataari oca mathapa opuro atthu amphetana awa, Ohiya okhuura enama opuro atthu annyokhana awa.’ (Mir. 15:17) Ata eyooca pooti ekhalaka vakhaani masi eciwaka ni atthu aniphetana enkhala yoohakalaliha ni mweekhweeli yoolipiha nkhalelo wa omunepani.
Wiikocela. 04.2018 ipaax. 23-24 itti. 16-18
Nlipihane Nkina ni Nkhwe, “Votepa-tho” Olelo
16 Khindho akhala wiira onnoovilani waaleela atthu akina moopora mniwoonela nnyu? Okhala wene, khahi etthu yootepa ovila waalipiha akina. Nyuwo pooti weehererya otheya ni ntthu. Akhala wiira ntthu owo-tho khantheya, ndhuwele wiira yookhala eninxankiha, ndho mweehererye ovaanela ni veena. Nyuwo pooti onlipiha mwaha woonwiriyana paahi.—Yak 1:19.
17 Munna mmiravo oniitthaniwa Henri aahinyoonyiheya noomala amudhi-ye ohiya onrumeela Yehova. Mmodha a yaawo yaari a tiithye, yaawo yaarumeela nkhama ntokweene. Ntokweene a esirkwiitu, aahoona wira Henri aahiriipiwa nrima. Ndho aahirowa owurya ekafe vamodha ni owo. Ntokweene ole aahinwiriyana saana Henri vaavo aanleela iye nxankiho-ye. Noomala ovaanela, Henri aahoona wiira enamuna emodha yawaakhalihera amudhi-ye otthikela wa Yehova, waari ohihiya okhala oororomeleya. Nitho owo aahilipa noomala osoma Esalimo 46; Sofoniya 3:17; ni Marko 10:29, 30.
18 Eseeni ninhudha nhu ni yawiiraneya ya Martha ni Henri? Ninhudhera wiira otheene nhu ninoowerya onlipiha munna ni nrokora ontthuneya olipihiwa. Mwene Salomoni aatinkhe wiira: “Osuwela wakhula otteliha murima: nulumo nowatta okathi worera ti vareranxe. Maitho òtteliwa annatteliha murima: ihali sorera sinnilipiha [makhuva] (Mir 15:23, 30) Niire munnimuupuwela ntthu nnindhuwela nnyu oriipiwe nrima aahiindho okhulumunwe? Nnoonela dhai weehererya onsomela Wiikocela aahiindho websaite nhu? Nitho, Paaulu olontte wiira wiipa vamodha icipo dha Omwene ni ntthu owo pooti omwiiriha okhala saana. Paaulu aatinkhe dhaala: “Mwixuttihaneke, mulakiheryaneke n’ankhili othene. Mutthapeleni Muluku: mwipeleni ni murim’anyu wothene mw’eroho isipo ni masalmo òtthapa”.”—aKol. 3:16; Mit 16:25.
Mihakhu dha Omunepani
ijwbq mwaha 39 etti. 3
Niire Makiristau Annireerela Okoca Nikhalihero na Meediku?
2Kinnireerela okhaliheriwa ni meediku evaara ya naaili aahindho ya neeraru? “Yaatta atthu anvaha miruku” pooti okhalihera vawaatta, sasaasa akhala wiira ntthu owo onwereiwa ereetta yuulupale—Miruku 15:22.
2-8 A JUNHO
MIHAKHU DHA MBIIBILIYANI MIRUKU 16
Malakihero Mararu An’ya Wookhaliherani Opaka Dhoothanla Dhooreera
Wiikocela, 15/01/2014 ipaax. 19-20 itti. 11-12
Mpake Dhoothanla Dhooreera Nenna Nrinnyu Rapasi
11 Ohakalala wuulupale omphwanhiwa mwaha wa onrumeela Yehova. (Mir. 16:20) Baruki sekretaario a Yeeremiya, woonawene aahiliyala esiiri ela mwaha wa wiira wookhala okathi aayelenle iye ohalala anrumeelaka Yehova. Yehova aahinleela wiira: ‘Masi nyuwo munkoca wiithukumanyera itthu dhuulupale. Nhiye okoca itthu idho. Miyo kinawaariihela atthu ootheene, . . . Ni khuta nipuro mun’ya nnyu orowa miyo kikankhapelela ekumi nnyu.’ (Yer. 45:3, 5) Nyuwo nnoonela dhai? Esseni yaaya omphwanyiha Baruki ohakalala?—okoca itthu dhuulupale aahindho woopoliwa okathi apwetesiwa Yerusaleemu nkhama nrumeyi oororomeleya a Muluku?—Yak. 1:12.
12 Ramiro, munna mmodha ophwannye ohakalala mwaha wa wiivahererya waarumeela atthu akina. Owo olontte wiira: “Kiyariwe ni emudhi yoohaawa emanke eviila ya yawaatta Miyaako wAndes. Tivondho noomala muulupale aka wiivahererya okikhalihera wiira kasome wuniversidade, yaari eparakha yuulupale para miyo. Masi miyo dhaawo kimalakaru opatisiwa nkhama namoona a Yehova, ni kahivahiwa eparakha ekina —Piyoneiru mmodha aahikilaleya wiira nirowe olaleerya vamodha esidadi ekhaani. Ndho kahithanla orowa nuuwo. Koohudha okasa maihi ni kootthukula ebarbeyariya aka wiira kikawerya ophwanya macelo. Okathi naavaha nhu dhoosoma dha Biibiliya, atthu awaatta yaanaakhulela. Nhoolo mwa, kanithukumana ni muloko waakhumelenle naanano wa elottelo indígena. Kooviriha miyaakha 10 kirumeelaka nkhama piyoneiru. Khiwaavo nteko nkina waaya okiphwanyiha ohakalala vawaatta oxiriha waakhalihera atthu odhuwela ihapari dhooreera ni elottelo-ya.”
Wiikocela,15/09/2013 epaax. 17 itti. 1-3
Niire Nyuwo Moorukunsa Moopora Nnuupuwela Nnyu?
Mahuweliwo ni opuro wookhala, onnikhalana owerya mweekumini wa ntthu. Elo pooti wooneya ni moopora ntthu onwara iye, itthu inindhivela oca ni ekomportamentu-ye.
2 Masi dhookhala itthu dhiri dhootepa otthuneya mweekumini mwihu, oxiriha ikowo ni iyooca dhinnidhivela. Mwa ntakihero, okhuma enamwane nhu noohudhihiwa itthu dhiiri dhooloka ni dhoorereerala opaka ni dhoohiloka dhihinreerela opaka. Dhawaatta dha ti dhoomwaneene aaahindho dhinnivirikana ntthu para ntthu. Dhoothanla dhihu pooti woonihera moopora yawupusera ya nrima nhu enlapa awa. Biibiliya onnilotta wiira ivaara dhawaatta ‘ale ahikhanle ayuda, khaana nlamulo. Masi annipaka itthu dhooreera mweephattu.’ (aRo 2:14) Masi khindho akhala wiira khinaavo nlamulo nooluluwanya na Muluku voohima dha mwaha mmodha? Niire hiyo pooti otakiha pahi mweettelo ni elamalelo nihudhihiwe nhu okhuma enaahima nhu aahindho mwaha wa wiira teri yoolamaleliwa ni nttetthe ninkhala nhu?
3 Akhala mathowa mararu akhanle oomwiiriha nkiristau ohuupuwela dhiidho. Noopacera, Biibiliya onninuupusera wiira: “Yookhala ephiro mutthu onoona awe wiira ti yooloka, Masi wookiseryani waya eniroiha wookhwaani.” (Mir 16:25) Mwaha wa wiira naatthu oohimalela, hiyo khaninwerya weettiha ekumi nhu naadhine ene. (Mir. 28:26; Yer. 10:23) Na naaili, Biibiliya onninoonihera wiira dhootthuna ni mweettelo wa nlaponi ontumereryiwa ni Satana, “muluku a olumwenku ola.” (2 aKo. 4:4; 1 Yohani 5:19) Tivondho, naatthunaka oreelihiwa ni waakhuleliwa ni Yehova, nintthuneya wiiwelela nlamulo-ne niri aRoma 12:2.—Munsome.
Mihakhu dha Omunepani
Estudo Perspicaz, vol. 1 epaax. 707
Ottarusa
Yookhumela ya Okhootta Aahindho Waakhulela Ottarusiwa. Atakhali, alolo ni atthu aarina mweettelo woohiloka annoonihera wiira anninyokha moomalela ottarusa wa Yehova. (Esa 50:16, 17; Mir 1:7) Yookhumelela ya ololo yoowo ennaacerera ottarusiwa -wa ata owiiriha ohukhummwa. Nkhama enlotta awa eliivuru ya Miruku yiiraka: “Masi ale ahirina ankhili anniixuttihiwa ni ololo aya.” (Mir 16:22) Ntthu pooti wiiphwanyiha osikhini, ohittittimihiwa ni atthu akina, iretta ata okhwa mwawaakuveya. Dhawiiraneya dha anaisarayeeli dhiinninoonihera woopiha-wa okhotta ottarusiwa. Aisarayeeli khiyaavaha ephoole okathi yaattarusiwa awa elopoliwaka ni evaanyihiwaka ni maprofeeta. Yaanikhootta ottarusa wa Yehova weiwo waaya waaphwanyiha okhapeleleya ni mareeliho. Wookhidherani-wa, awo yaahoona ottarusa wuulupale yaaleliwa awa khalayiru—otupheliwa ni oroihiwa weepotthani.—Yer 2:30; 5:3; 7:28; 17:23; 32:33; Hos 7:12-16; 10:10; Sof 3:2.
9-15 A JUNHO
MIHAKHU DHINKHUMA MBIIBILIYANI | MIRUKU 17
Nkhalena Nrettele Nkasamentuni Mwinyu
Despertai! 09/2014 epaax. 11 etti. 2
Moopora wa Ottharuwa Makhalelo ootheene a oruttu
Mwiivarerye moororomeleya. Biibiliya onlotta wiira aakhala atthu “oowaakuva onanariwa” ni “oowaakuva oviruwa.” (Miruku 29:22) Niire ni nyuwo-tho ti dhiidho? Mwiikohe dhaala: ‘Kiire kinnipweha vanrimanvaka mathowa? Kiire kantthu awaakuva otthekeleya? Kiire kantthu onkidhivela ovaha ephoole itthu ikhaani ikhaani?’ Biibiliya onlotta wiira “Masi ole onithipelela olavula mwaha mmosa, onnaavalaanya apatthani ooloka.” (Miruku 17:9; Musuweli 7:9) Etthu emodharu enniiraneya nkasamentuni. Akhala wiira mookhalana nkhalana nkhalelo wa oruttu, mwiikohe dhaala: ‘Kiire miyo nkinreerela ompisera nrima ole kithelanne akana?’—Malakihero a Biibiliya: 1 Pedro 4:8.
Wiikocela, 1/05/2008 epaax. 10 etti. 6-11 etti. 1
Ophuka Mixankiho
1. Nthanle okathi wooreerela wiira nvaanele voohima dha nxankiho owo. ‘Khuta etthu yookhalana okathi wooreerela, . . . okathi para olotta ni okathi para omaala.’ (Musuweli 3:1, 7) Nkhama woonihenre awa ovaanela nithokorenrye nhu, mixankiho dhikina pooti okhumihera miyoonelo dhoohiloka. Elo yairaneya mwiihiihe ni munleele ole nthelanne nnyuna wiira atthu ehiye ovire okathi vakhaani—‘ atthu emaanle’—wiira nxankiho owo ohitepe waacerereya. Nyuwo nnooxaka ohonona ekasamentu nnyu akhala wiira nnawiiwelela miruku dha mBiibiliyani iniira: “Opacerya owana-wana onlikana ni ocuula maasi, Mukhume opuro owo atthu ahinatthi opacerya onyakulihana.”—Miruku 17:14.
Masi tho wookhala ‘okathi ori wooreerela para olotta etthu.’ Mixankiho dhinlikana ni malasi, dhinnitepa wunnuwa dhaahiyereriwaka. Tivondho, nhikakhaadheiha mixankiho muupuwelaka wiira owo onoomala meekha. Akhala wiira nhiiwanana ni ole nthelanne nnyuna olotta okathi nkina voohima dha nxankiho mmodha, weedho mmoonihere nttittimiho nthalaka okathi wooreerela wiira mphuke vamodha nxankiho owo. Opaka elo pooti wookhaliherani oowaili nnyu wiiwelela malakihero a mBiibiliyani aniira: “muhihiye nsuwa nikelaka nlelo munanariwe ene.” (aEefeso 4:26) Okhala weene etthu yooreera nyuwo waakhwanihera moolumo nnyu.
Mihakhu Dhooomunepani
Estudo Perspicaz, vol. 2 epaax. 513
Maitho
Olotta ni maitho enamuna emodha entepa woonihera miyoonelo dha ntthu. Pooti woonihera othunku aahindho naari (Otu 19:13); pooti woonihera ‘ontheya’ ntthu aahindho, onnyopola wiira epakiwe etthu yootakhala. (Esa 35:19; Mir 6:13; 16:30) Pooti tho olottiwa wiira ontthu yoole ohintthuna omoona aahindho onkhalihera ntthu nkina, onkhunela aahindho oninphutela maitho-ye. (Mat 13:15; Mir 28:27) Ennilottiwa wiira maitho a nlolo annilipela mpakha ‘emalenlaawawo elapo’, elipelaka khuta nipuro masi ahaana yoolakela, miyuupuwelo-dhe dhinnimwaramwareya ni khadhinkhala vanipuronva. (Mir 17:24) Maiitho annoonihera ekumi, ikuru, aahindho ohakalala wa ntthu. (1 Sa 14:27-29; Otu 34:7; Yob 17:7; Esa 6:7; 88:9) Mwene Yosafati aahinvekela Yehova airaka: “maitho ahu anoowehexexani nyuwo.”—2 Wa 20:12.
16-22 A JUNHO
MIHAKHU DHA MBIIBILIYANI MIRUKU 18
Nkalotta Mwa Enamuna Enaamaaliha Atthu ale Anwereiwa
Wiikocela, 10.2022 epaax. 22 etti. 17
Ankhili Annikhuwela
Muupuwele nhinatthi olotta. Naahiivahe ephoole, pooti okumihera mixankiho dhawaatta mwaha wa moolumo nhu. Biibiliya onlotta wiira: “Okakaruwa mwano tukuthi onvulaliha: nlumi na musuweli ninnivoliha makhwatta”. (Mir. 12:18) Ninnikumihera nrettele vaavo ninsyaka nhu omwarya-mwarya dhoovonya dha atthu akina. (Mir. 20:19) Wiira moolumo nhu ekhale oolipiha ohiya a waakumihera mixankiho atthu akina, nrima nhu ohaana okhalana odhuwela onkhuma mBiibiliyani. (Luka 6:45) Akhala wiira nnawuupuwelela ele Biibiliya onlotta iye, moolumo nhu anookhala nkhama “maphattuwelo ànkhili” yaawo anaatteeliha nrima atthu.—Mir. 18:4.
mrt mwaha 19 ekaaxa
Moopora Woonkhalihera Ntthu Onwereiwa
Nkanwiriyana ni ephoole. Enamuna yootepa oreerela ya onkhalihera ntthu onwereiwa, ori wiivahererya onwiriyana okathi wotheene onramela iye olotta etthu. Khontthuneya omwaakhula itthu dhootheene onoolelaiyeni. Okhala weene etthu onramela iye owiriyaniwa. Nhuupuwele wiira nyuwo munnidhuwela saaneene miyoonelo-dhe, sasaasa moonaka nkhama onawoothererya wiira onoowereiwa.—Miruku 11:2.
Nkalotta itthu dhoolipiha. Woonawene nyuwo khamundhuwela saana etthu yoolotta masi nyuwo nnoowerya olotta moolumo anoonihera wiira munniwasasa nxankiho wa nretta owo. Opaka elo woonawene nnonlipiha ohikhanle omaala pahi. Wooliperyakani olotta moolumo ooreerela nyuwo pooti weehererya olotta moolumo vakhaani masi ni nrima nnyu wootheene nkhama ala:‘‘Miyo ata nkindhuwela moopora woolotta, masi kaatthuna ndhuwele wiira kinnixankiheya ni nyuwo.” Nhirumeele moolumo nkhama: “nnawiitepiha” aahindho “Nyuwo khimwaana ata . . . ”
Nyuwo-tho nnoowerya woonihera wiira munnixankiheya ni ntthu owo onwereiwa nthokodhaka voohima dha eretta yeelo eninwereya. Woonawene owo onoohakalala odhuwela wiira nyuwo munniilipihera othokodha eretta eninwereya, ni moolumo nnyu ekammukhalihera vawaatta. (Miruku 18:13) Masi nxake onvaha miruku nretta owo ahoovekenleni.
Nkankhalihera. Ohiya okhupali wiira nyuwo moodhuwela moopora woonkhalihera, munkohe mwaneene etthu munreerela onkhaliherana. Masi ivaara dhikina nretta owo pooti okhootta nikhalihero ninyu oovaka woovahani nritti. Elo yairaneya nyuwo pooti wiivahererya onthumela itthu onramela iye, oreeriha owannye aahindho onvarela nteko nkina.— Miruku 18:24.
Wiikocela, (Edição para Público) 1.2023 epaax.14 etti. 3-15 etti. 1
Moopora wawaakhalihera ale Anhoolela eretta ya mmuupuweloni
‘Mwaamaalihe ale ariipiwe murima.’—1 ATESALOONIKA 5:14.
Woonawene nxirikha nnyu ooriipiwa nrima vawaatta aahindho onniviriha nxankiho wa mmuupuweloni. Hata nyuwo nhoonaka etthu yoolotta aahiidho yoopaka wiira munkhalihere, nyuwo nnoowerya ommaaliha mmooniheraka wiira nlelo munnimpheta vawaatta.
‘Nxirikha eekhweeli onnipheta okathi wootheene.’—MIRUKU 17:17.
Mwiivaherere wiira munkhalihere. Nhuupuwele wiira munnidhuwela moopora woonkhalihera, munkohe mwaneene-ya etthu muntthuneya nnyu opaka wiira munkhalihere. Akhala wiira onniilipera olotta moopora ontthuna iye okhaliheriwa, nyuwo pooti omoonihera itthu nnuupuwela nnyu opaka wiira munkhalihere; mwa ntakihero, opasiyari vamodha nuuwo, onkhalihera othuma itthu ontthuna iye, onkhalihera ni miteko dha vaate aahindo etthu ekina.—aGalasia 6:2.
‘Mwaapisere nrima atthu ootheene.’ —1 ATESALOONIKA 5:14.
Kahi wiira nxirikha nnyu akaantthuna ovaanela okathi wootheene. Mwaha wa eretta, woonawene nxirikha nnyu pooti olotta aahidho opaka etthu en’ya woowereyani. Woonawene owo pooti ohitthuna-tho opaka etthu mwaaiwananne nnyuna opaka aahindho waakuva onanariwa. Elo yaairaneya, mumpisere nrima ni mwiiwasase nxankiho onhoolela iye. Mmuleele wiira okathi woothene nyuwo nkaammukhalihera.—Proverbs 18:24.
Mihakhu dha Omunepani
Estudo Perspicaz, vol. 2 epaax. 1057-1058
Esoorti
Ovonya esoorti epacenre orumeeliwa khalai wiira ophukiwe mwaha mmodha onvaanyihaniwa. Atthu a okathi ole yaanivonyela odhulu maluku makhani, ethaapwa ekhaani ya nttaikho, dheidho ivaara dhikina dhaatthukeleliwa ni epetaasu ya ekuwo ni ekavonyeliwa ottuli wa ntthu awuurama, aahidho oheliwa mmwaapuni ndho ekatatheliwa vathi. Ntthu yoole yaammorela esoorti aahindho aakhala laatu yaamorela awa tari mwaneene esoorti elo. Nkhama dhiidhaale yaairiwa awa okathi ntthu aalaphela iye etthu, okathi yairihiwa awa esoorti naanipakiwa nivekelo. Noomala opakiwa nivekelo nno, atthu yaaninlipelela Yehova wiira aakhule. Nuulumo na Eheeberi: (goh·rál) nenno nintapulela esoorti ninnirumeeliwa ehimwaka etthu yele eri yaawo-yaawo.—Yox 15:1; Esa 16:5; 125:3; Yes 57:6; Yer 13:25.
Orumeeliwa-wa. Miruku 16:33 onlotta wiira: “Mutthu onniwerya ovonya esoorti, Masi Yehova tonithanla etthu en’’ya wiiraneya.” Wiisarayeeli ovonya esoorti waanaakhalihera atthu omaliha onyakulihana: “Ovonya esoorti ennimaliha onyakulihana, Nave ennooniherya ti pani orina exariya, okathi atthu anli oowerya aninyakulihana aya.” (Mir 18:18) Esoorti khiyaarumeeliwa para oraara, woopa isorope aahidho omweetta xooku. Nnakhala khiyaarumeeliwa para omweetta xooku a nsurukhu, para itthu dhawoothiwa, aahindho oraara. Nitho khiyaarumeeliwa para othaaciriha etempulu aahindho waathaciriha anankhuttho nnakhala khiyaarumeeliwa para okociwana nsurukhu para ovahiwa atthu oohaawa. Masi nkhama enoonihera awa Esaalimo 22:18 anakhotto a oRooma yaawo waadhivela nsurukhu ti yaarumeenle esoorti wiira ekuse malaya a Yeesu.—Mat 27:35.
23-29 JUNHO
MIHAKHU DHA MBIIBILIYANI MIRUKU 19
Nkhale Nxirikha Eekhweeli Para Anna ni Arokora
Wiikocela, 11.2023 ipaax. 12-13 itti. 16-17
Nihihiye Olipiha Waapheta Wihu Anna ni Arokora
Nihaana ovaha ephoole itthu dhooreera anna ni arokora aniira awa, ohiya dhoovonya-dha. Nithokorerye ntakiheryo nna: Nkuupuwelani nri ofeestani nraaraka ni ekhurupu ya anna ni arokora. Woomalani wa efeesta nyuwo munnitirari efootu ni atthu ootheene ndho munnitirari-tho ifootu piili wiira emodha yaahikhume saana nranttelihe. Noomala-vo, munnoona wiira efootu emodha ookhala munna okhummenle ananariwe. Eseeni mwaaya nnyu wiiriha efootu elo? Etthu mwaaya nnyu opaka waari waapakari efootu elo okhala wiira mookhalana ikina, dheidho munna ole aakhumenle aananariwe vamodha ni atthu akina akhumenle awa etheyaka.
17 Vano nlikanyihe efootu yeelo nhin’ye nnyu ni muupuwelo nrinnyuna. Moohaakanyera nyuwo munnuupuwelela itthu dhooreera nvirinhe nnyu nri ni anna ni arokora. Masi okathi owo, woonawene munna aahiindho nrokora aahilotta etthu yooweren’yeni. Eseeni mwaaya nnyu wiiriha muupuwelo owo? Seeni nhiniilipihera nnyu oliyala nkhama dhiidhaale mwaapakanri nnyu efootu ele yoohiloka? (Mir 19:11; aEef 4:32) Akhala wiira nkamuupuwelela okathi wooreera nvirinhe nnyu ni munna aahindho nrokora, onawookhweelani oliyala okathi ole wooxankiha. Ndho okathi owo wooreera nvirinhe nnyu ni anna ni arokora tonreerela wuupuwelela.
Wiikocela, 07.2023 ipaax. 9-10 itti. 10-11
Munnuwihere Ompheta Winyu Yehova, Anna ni Arokora
10 Hiyo nikakocaa inamuna dha waakhalihera anna ni arokora. (aHe 13:16) Nithokorerye yaawiiraneya ya Aana, ninlontte nhu mwaha ovinre. Nuuvira ettheku yawaatta, nrokora Aana ni mamune, yaahirowa osekurya emudhi emodha ya Anamoona a Yehova. Noomala ophiya, awo yaahoona wiira empa ya emudhi ele, yaahinyaanyiwa vadhulu ni ettheku. Ndho mwaha elo, emudhi ele khiyaarina ikuwo dhooloka. Nrokora Aana olontte wiira: “Naahikusa ikuwo dha emudhi ele, nirowa nifula nitthikiha dhiri dhooreera ene ni dhookhuniwa. Tthiri nne naari nikhalihero nikhaani pahi, masi mwaha wa nikhalihero nne, hiyo na axirikha a ekhweekhai mpakha olelo”. Mwaha woowaapheta anna ni arokora, Aana ni mamune yaahipaka etthu wiira yaakhalihere.—1 Yohani 3:17, 18.
11 Okathi ninaareerela nhu nrima ni ninaathokorerya nhu anna ni arokora, awo annoona wiira ninniilipihera ontakiha Yehova. Woona wene, hiyo pooti ohidhuwela moopora awo anvaha awa efaita wiilipihera wihu. Kaaila yoowo ninlontte nhu ittima dhivinre onniwuupuwelela ale yaankhalihenre. Owo olontte wiira: “Kinnaaxukhurela vawaatta arokora yaawo yaakikusa yarowaka nteko woolaleerya. Awo yaanikireela owaani, yaanikilaleya wiira nace vamodha ni yaanikitthikihera owaani moophareleleya. Olelo-va, kinnoona wiira tthiri ole waari nteko muulupale arokora ale yaavara awa. Nitho awo yaanipaka itthu dhootheene mwa niphento.” Mweekhweeli, kahi wiira atthu ootheene ninaakhalihera nhu anninixukhurela. Kaaila alottaka dha ale yaankhalihenre olontte wiira: “Miyo kaanitthuna waaxukhurela ootheene ale yaakireerenle nrima, masi nkindhuwela mapuro anikhala awa. Masi Yehova onnidhuwela mapuro anikhala awa. Ata kihiweryaka waakhalihera kinninvekela yeena wiira aakhalihere”. Kaaila onlotta ekhweeli. Yehova onnidhuwela khuta etthu nimpaka nhu wiira naakhalihere atthu akina ata ekhalaka etthu ekhaani. Tthiri owo, onnivaha efaita wiipihera wihu, nitho onnithokorerya nkhama etthu nimooleihale nhu wiira anilive nhoolo.—Nsome Miruku 19:17.
Wiikocela, 11.2021 epaax. 9 itti. 6-7
Nhihiye Wooniherana Opheta Woororomeleya Nkina Ni Nkhwe
6 Nkahaya mmuupuwele ntthu onvara nteko empereesa emodha mwa miyaakha dhawaatta, nitho nanteko oororomeleya. Miyaakha dhootheene ovirinhe iye ari empereesa ele, owo khanavaanele ni mapatarau-ye. Nitho khahi wiira okathi wootheene dhammudhivela dhoothanla dha mapatarau-ye. Ndho ata ahidhiveliwaka ni empereesa ele, owo onnihakalala okhalana nteko onimpwanyiha nsurukhu. Owo khanhiya ovara nteko ole mpakha oreformari aahiindho ophwanya nteko nkina wooloka.
7 Etthu envirikaniha ororomeleya noonne nhu ettima 6, ni opheta woororomeleya ninkhala nthowa ninmwiiriha ntthu woonihera opheta woororomeleya. Etthu seeni yaawiiriha arumeyi a Muluku a khalai wooniherana opheta woororomeleya nkina ni nkhwe? Awo yaanooniherana opheta woororomeleya ohiya mwaha wa okhanyereriwa, masi mwaha wa wiira awo yanitthuna ni mirima-ya wootheene. Moone ntakihero na Davidi. Owo aanitthuna ni nrima wotheene omoonihera opheta woororomeleya nxirikha-ye aiitthaniwa Yonathani, ata okathi yoole apaapa-ye Yonathani yaatthuna awa omwiipha Davidi. Ndho nhoolo mwa Yonathani aahuukhwa. Noomala Yonathani okhwa, Davidi khaahin’ya omoonihera opheta wekhwee mwaana a Yonathani aiitthaniwa Mefiboxethi.—1 Sa 20:9, 14, 15; 2 Sa 4:4; 8:15; 9:1, 6, 7.
Mihakhu dha Omunepani
Estudo Perspicaz, vol. 1549
Miruku, Namavaha Miruku
Yehova tori mwaneene akhili mwa inamuna dhootheene. Veene pahi tohintthuneya ovahiwa miruku. (Yes 40:13; aRo 11:34) Mwane tonwerya opaka itthu nkhama “Namiruku Oothamaleya,” akhumiheraka malakihero ni aweettihaka atthu mwaha wa wiira ohaakhela ni ootthara miruku dha Tiitye ni ookhalana nnepa wa Muluku. (Yes 9:6; 11:2; Yoh 5:19, 30) Elo, enttittimihera wiira para miruku okhalana efaita ihaana ovarihana ni otthuna wa Yehova. Miruku dhootheene dhinvirikanya otthuna wa Muluku Muulupalesa khidhaana efaita. Miruku idho kidhaana nteko.—Mir 19:21; 21:30.
30 A JUNHO–6 A JULHO
MIHAKHU DHA MBIIBILIYANI MIRUKU 20
Enamuna ya Onamorari Eninvuwiha Yehova
Wiikocela, 05.2024 ipaax. 26-27 itti. 3-4
Yoolakela ya Onamorari
3 Ata okathi makristau annamorari awa ori woohakalaliha, masi awo ahaana ovarerya saana maana nno nivalo nuulupale nikhanle oowiiriha othelana. Nihiku anthelana awa, awo anninlaihera Yehova wiira an’ya ekamphetana ni ottittimihana nkina ni mukhwe ekumi-ya yootheene. Ndho nihinatthi olaihera khuta etthu, nihaana wuupuwela saana. (Nsome Miruku 20:25.) Nitho elo, enhela mpuwa yoolaihera ya othelana. Yoolakela ya onamorari, ori odhuwelana saana nkina ni nkhwe wiira epake yoothanla yooloka. Ivaara dhikina, yoothanla elo pooti okhala othelana aahiindho omala-maliha onamorari iwo. Ndho akhala wiira makristau annithanla omala-maliha onamorari-wa, elo khentaphulela wiira onamorari-wa khokhumenle saana. Masi elo entaphulela wiira aamaleliha yoolakela ya onamorari, elo tiilo, opaka yoothanla yooloka.
4 Seeni eri awa etthu yooloka odhuwela saana yoolakela ya onamorari? Nkiristau oohithela aahiindho oohitheliwa oriina moonelo wooloka, khakhanle oonamorari ohitthunaka othelana. Masi khahi wiira moonelo owo wooloka, anreerela okhalana makristau oohithela aahiindho oohitheliwa pahi. Ootheene nhu, nihaana wuupuwelela yoolakela ya onamorari. Mwa ntakiheryo, atthu akina anuupuwela wiira makristau yaanamorariki, awo ahaana othelana. Khi makristau oohithela aahiiso oohitheliwa, anoonela dhai muupuwelo owo? Nrokora mmodha oohitheliwa onkhala wEestados Unidos, oniitthaniwa Melissa, olontte wiira: “Elo enniwiiriha Anamoona a Yehova awaatta annamorari othelana mwaha wookhanyereriwa, ata onamorari-wa ohikhumelaka saana. Nitho elo enniwiiriha makristau ahinnamorari ohitthuna-tho. Ndho elo enniwiiriha atthu akina oxankiheya”.
Wiikocela, 05.2024 epaax. 22 etti. 8
Moopora Woonthanla Mwa Miruku Ole Mun’ya Nnyu Othelanana
8 Mun’ya owerya dhai ondhuwela saana ole oodhivenleni masi veena ahidhuwelaka? Nnoowerya odhuwela waataana oriiyena ni Yehova, mikhalelo-dhe ni mweettelo-ye, okathi wa mithukumano dha mmulokoni aahiindho mithukumano dhikina. Mwa ntakiheryo, nnawaadhuwela tani ari axirikha-ye, ni itthu xeeni onlottaka iye? (Luka 6:45) Niireke dhoolukama-dhe dhinoolikana ni dhawinyu? Nyuwo pooti waakoha asitokweene a muloko-ye aahiindho anna ni arokora akina ariina waataana wooloka ni Yehova anindhuwela saana. (Miruku 20:18) Nyuwo pooti okoha voohimya dha mikhalelo dhe ni mweettelo-ye. (Ruthi 2:11) Okathi nnimudhuwela nnyu ole oodhivenleni, nsyake onnyoonyiha aahiindho onriipiha murima. Nkattittimiha miyoonelo-dhe ni nhikaviriha okathi wawaatta nri ni ntthu owo, nkocaka odhuwela itthu dhootheene mpakha ommala-maliha.
Wiikocela, 05.2024 epaax. 28 itti. 7-8
Ndhuwelane Saana Nkina ni Nkhwe
7 Mun’ya owerya dhai odhuwela mikhalelo dha ntthu owo? Enamuna emodha nkhanle nnyu oondhuwela, ori onkohaka itthu muntthuna nnyu odhuwela ni owiriyana ni ephoole moopora onaakhula iye. (Mir 20:5; Yak 1:19) Wiira elo yiiraneye, nyuwo nnhaana waavya miteko nkhanle nnyu oovarana vamodha, dhin’ya wookhaliherani ovaanela, nkhama oca vamodha, opaseyari mapuro awaatta atthu ni okhuma vamodha nteko woolaleerya. Ni etthu ekina en’ya wookhaliherani odhuwelana, ori oviriha okathi nri ni amudhi ni axirikha. Nitho nyuwo pooti ompaka palano a ovara etthu en’ya onkhalihera ole onnamorari ni nyuwo, opaka itthu mwa inamuna dhoovirikana ni atthu a makhalelo oovirikana. Nithokorerye etthu Aschwin yoowo onkhala elapo ya Holanda, aapanke iye, okathi aanamorari-ye ni Alicia. Owo onlotta wiira: “Naanithanla miteko naakhanle nhu oovara vamodha, dhaanikhalihera odhuwelana nkina ni nkhwe. Miteko idho dhaakhala ikhaani nkhama waapeya eyooca ni miteko dhikina dha vaate. Opaka elo yaaninikhalihera odhuwela mikhalelo dha khuta mmodha ni dhoovonya-dhe.”
8 Nitho nyuwo nnoosuwelana saana akhala wiira nkammusoma Biibiliya vamodha. Noomala othelana, nhaana opaka eprokrama ya onkokhorela Muluku vatthekoni, okhala wiira muntthuneya ompweha Yehova nipuro noopacera nkasamentoni mwnyu. (Mus 4:12) Ndho etthu yooloka opacera nanaano-va munnamorari nnyu, onsoma Biibiliya vamodha. Ekhweeli wiira ale annamorari, khahi anamathelana ndho nlopwana khahi nhooleli a nthiyana owo. Akhala wiira khamunhiya onsoma Biibiliya vamodha, elo enawookhaliherani odhuwela moopora waataana-w ni Yehova ori awa, ole oninamora ni nyuwo. Max ni Laysa, anamathelana yaawo ankhala wEestados Unidos, aawerya odhuwela etthu ekina emphwanyiha nreerelo. Max onlotta wiira: “Okhuma woopacerani wa onamorari wihu, hiyo naanisoma iliivuru dhininleelihera Biibiliya dhiriina myaha dhaalotta voohimya dha onamorari, ekasamento ni okumi wa vatthekoni. Ndho osoma iliivuru idho, dhaaninikhalihera oovaanela myaha dha faita, dhaakhanle oonixankiha opaceriha oovaanela.”
Mihaku dha Omunepani
Estudo Perspicaz, vol. 2 epaax. 189 etti. 8
Nthuko
Moovarihana ni Miruku 20:27, “Moolumo a mutthu anlikana ni muthuko wa Yehova, Annooniherya itthu siipithihiwe mweerutthuni mwawe.” Yeele ntthu ‘onkhumihera iyo ota,’ ekhale moolumo oreera aahindho oonanara anoonihera ontthu-yo.—Nlikanihe ni Mit 9:1.