22-28 A DEZEMBRO
YESAYA 11-13
Ncipo 14 ni Nivekelo | Moolumo Oopacera (1 min.)
1. Eseeni Biibiliya Aalontte iye Voohima dha Mesiya?
(10 min.)
Owo aaya okhala odhuulu wa Yese oreela wa mwane Davidi. (Yes 11:1; Profecia de Isaías vol. 1 epaax. 159 etti. 4-5)
Owo aamwaakhela nnepa wawaarya wa Muluku ni akaammoova Yehova. (Yes 11:2, 3a; Profecia de Isaías vol. 1 epaax. 159 etti. 6; epaax. 160 etti. 8)
Owo aankhala mphuki a xariya ni oomoriwa ikharari. (Yes 11:3b-5; Profecia de Isaías vol. 1 epaax. 160 etti. 9; epaax. 161 etti. 11)
NHALE MUUPUWELELAKA: Eseeni emmwiiriha eesu okhala muulupale waaxira mamwene ootheene a opinaatamu?
2. Mihakhu dha Omunepani
(10 min.)
Yes 11:10—Eprofesiiya enlottiwa eveersu ela enaakhwanela dhai? (Profecia de Isaías vol. 1 epaax. 165-166 etti. 16-18)
Mihakhu seeni mphwannye nnyu okathi mwaansoma nnyu Biibiliya esumana ela muntthuna nnyu okomentari?
3. Osommwa wa Biibiliya
(4 min.) Yes 11:1-12 (Wiixuttiha yoosoma 11)
4. Oopaceriha Ovaanela
(3 min.) EMPA NI EMPA. (Waapheta Atthu yoosoma 2 epontu 5)
5. Owiiriha Atthu Odhiveliwa
(4 min.) OLALEERYA OPURO WAWAATTA ATTHU. Nrumeele esaaiti jw.org wiira mwaakhule nikoho ntthu owo oopakenleiyeni. (Waapheta Atthu yoosoma 8 epontu 3)
6. Waapaka Ahudheri
(5 min.) Munkhalihere naskola nnyu a Biibiliya wiikocihera wiira aalaleerye vamodha ni nyuwo empa ni empa. (Waapheta Atthu yoosoma 11 epontu 4)
Ncipo 57
7. Niire Nyuwo “Munniphuka Mwaaxariya”?
(15 min.) Mwaha.
Khuta nihiku hiyo ninnaaphukela atthu akina, masi ivaara dhikina nimpaka elo moohidhuwela. Hiyo pooti opaka elo moovarihana ni itthu ninoona nhu. Masi Yeesu yoowo nintthuna nhu ontakiha, omphuka mwa enamuna yoovirikana. (Yes 11:3, 4) Yeesu onniwerya woona nrima wa ntthu ni odhuwela miyuupuwelo-dhe ni dhoolakela-dhe. Hiyo khaninwerya opaka elo. Etthu nikhanle nhu opaka ori wiilipihera otthara ntakihero na Yeesu. Owo olontte wiira: ‘Nhiye omphukela ntthu nttharaka itthu inooneya, masi mphuke mwaxariya.’—Yohani 7:24.
Oluttuweliwa wihu ni nteko nhu wolaleerya pooti ohikhumela saana akhala wiira ninoopacera waaphukela atthu nittharaka itthu ninoona nhu. Mwa ntakihero, niire onniniliperya olaleerya mittetthe ankhala atthu a iraasa aahiidho itiini dhikina? Ankhi voohima dha mittetthe ankhala atthu oothaaciri aahiidho amasikhini? Niire ninnaakuvela omphukela ntthu nuupuwelaka wiira khanre aakhulele ihapari ninlaleya nhu? Yehova ‘ontthuna wiira atthu a makhalelo ootheene yoopowe ni ekhalena odhuwela weekhweeli.’—1Ti 2:4.
Moone EVIIDIYU Itthu Ninhudha nhu ni Wiikocela—Nhaphukele Atthu Akina Nttharaka Itthu Dhinooneya. Moottharelana mwaakohe alipa oowiriyana wiira:
Inamuna seeni dha nthalu iromoliwe nviidiyuni?
Mixankiho seeni ikhanle okhumelela mmulokoni akhala wiira ninoopacera waathanya anna ni arokora?
Eseeni yaakhalihenre anna ni arokora niwoonne nhu nviidiyuni oxaka waaphukela atthu ettharaka itthu inooneya?
Eseeni nhudhenre nnyu ni yoosoma ya Wiikocela oniheriwe nviidiyuni?