Mwaaleele Atthu Akina Itthu Munhudha Nnyu

Onsoma Biibiliya pooti ninnilipa vawaatta. Nitho hiyo ninnilipa okathi ninaaleela nhu atthu akina mihakhu dha omunepani nimphwanye nhu mbiibiliyani. Miruku 11:25 onlotta wiira: ‘Ole oninlipiha nkhwe, nuuwo onoolipihiwa.’

Vaavo ninaaleela nhu atthu akina itthu ninhudha nhu, elo eninikhalihera waakuva wuupuwelela ipontu dhuulupale dha mwaha owo ni wunnuwihera wiiwasasa wihu. Ohiya-vo, vaavo ninaaleela nhu mihakhu dha omunepani atthu akina elo enniniiriha ohakalala okhala wiira noodhuwela wiira ipontu idho pooti waakhalihera vawaata.—Mit. 20:35.

Mweehererye opaka ela: Esumana enttharelana, nrumeele khuta eparakha mun’ya nnyu okhalana wiira munleele ntthu nkina etthu nhudhenre nnyu. Nyuwo pooti opaka elo ni mmudhi nnyu, ntthu mmodha a mmulokoni, koleeka nnyu a ontekoni aahiidho a oskola, visiinyu nnyu aahiidho ntthu mun’ya nnyu omphwanya nteko woolaleerya. Mweehererye olotta ni moolumo nnyu mwa enamuna yookhweya ni yawiiwasaseya.

Muupuwele ela: Yoolakela nnyu okhale waaleela atthu akina itthu munhunha nnyu wiira mwaalipihe, ohiya otthuna wiidhinnuwiha aahiidho wiikuserera.—1 aKor. 8:1.