Nrumeele ‘Yoovaha Enkhuma wa Muluku’

Ootheene nhu onninidhivela olipihiwa vaavo ninkhala nhu vamodha ni anna ni arokora. Biibiliya onlotta wiira owerya wa olipihana nkina ni nkhwe, ‘yoovaha enkhuma wa Muluku.’ (aRoma 1:11, 12) Masi olipihana nkina ni nkhwe, kahi oviriha okathi pahi niri vamodha. Ndho eseeni en’ya onikhalihera odhuwela akhala wiira ninnirumeela saana yoovaha elo?

Mwaalipihe atthu akina nrumeelaka moolumo nnyu. Mwa ntakihero, ninoowerya opaka elo nixakaka olotta vawaatta muupuwelo nhu okathi ninkomentari nhu mmithukumanoni. Ohiya-vo, vaavo ninkomentari nhu, nihaana olotta ele ninhudhera nhu voohima dha Yehova, Biibiliya ni arumeyi akina oororomeleya. Ni vaavo ninvaanela nhu ni anna ni arokora, nihaana olotta itthu dhinlipiha waamini-wa ni waamini wihu.

Mwaalipihe atthu akina oreela wa dhoothanla dhinyu ni itthu mumpaka nnyu. Anna ni arokora akina anniilipihera wiira ehihiye ovara nteko wa Muluku wa okathi wootheene hata evirihaka mixankiho. Ni akina annivaha ntakihero nooreera ehilovaka aahiidho ottompela mithukumano, hata evirihaka mixankiho dha mweekumini aahiidho ekhulumunwe mwaha wa oviriha okathi wawaatta evaraka nteko. Ndho nnaamwi wooliperyakani opaka elo mwaha wa oviriha mixankiho nkhama idho, ntakihero ninyu ninnaalipiha vawaatta anna ni arokora.

Niire moolumo ni itthu mumpaka nnyu dhinnaalipiha anna ni arokora? Niire nyuwo munnivaha ephoole ni ottottela nreerelo moolumo ni itthu anna ni arokora ampaka awa dheidho ikhanle woolipihani?