Moopora wa Wiiriha Dhoosoma dha Biibiliya Nrumeelaka Eliivuru Mphwanye Ekumi Yoohimala!

Nhinatthi wiiriha yoosoma

1. 

   1. Mwiilokihere saana. Ndho vaavo nniilokihera nnyu muupuwele miyoonelo dha naskola nnyu, makhalelo ni itthu onreerela iye opaka. Ndhuwele itthu dhikhanle onliperya wiiwasasa naskola nnyu ni ovarihela nteko. Nitho muupuwele moopora itthu dhiri opuro oni: “Nthokodhe Itthu Dhikina” dhikhanla awa onkhalihera naskola nnyu. Ndho vakhala wiira onnireerela, nrumeele mphantta owo vaavo nniiriha nnyu yoosoma ya Biibiliya.

Vaavo nniiriha nnyu yoosoma

1. 2. Mpacerihe ni mmalihe yoosoma ni nivekelo, akhala wiiira naskola nnyu onnaakhulela elo.

2. 

   3. Nkhalena ephoole wiira nhilotte vawaatta. Nlotte pahi itthu dhinvarihana ni mwaha munthokorerya nnyu ni munhiye naskola nnyu alotte mootaphuwa.

3. 4. Vaavo mumpacera nnyu othokorerya ipaarti sese dhuulupale dha eliivuru nsome moolumo ani: “Etthu Mun’ya Nnyu Ohudha” ni nttittimihere miru dha dhoosoma dhikina.

4. 5. Noomala omaliha khuta epaarti ya eliivuru, n’ye opuro oni: “Wuuluula” wiira munkhalihere naskola nnyu wuupuwelela itthu ohundhe iye.

5. 6. Vaavo munthokorerya nnyu khuta yoosoma ni naskola nnyu:

   1. Nsome ittima dhoopacera, nhinatthi ophiya opuro oni: “Nhudhe Itthu Dhikina”.

   2. Nsome dhawaatikhiwa dhootheene dha mBiibiliyani dhirina moolumo ani: “Munsome” aahiidho “Nsome”.

   3. Nsome dhawaatikhiwa dhikina dhiromoliwe, vakhala wiira onnireerela.

   4. 

      Moonihere iviidiyu dhootheene dhirina moolumo ani: “Moone” (vakhala wiira onniweryaneya woonihera iviidiyu).

   5. Mumpakele makoho ootheene naskola nnyu.

   6. Nthokorerye ifootu dhiri opuro oni: “Nhudhe Itthu Dhikina” ni munvekele naskola nnyu wiira alotte itthu onnoona iye ifootu idho.

   7. Nrumeele ekwaaturu eni: “Yoolakela aka” wiira munkhalihere naskola woona moopora itthu ompaka iye dhininkhalihera awa wunnuwa mwa omunepani. Nnoowerya opaka elo muntumereryaka naskola nnyu orumeela yoolakela yaatikhiwe, okhalana dhoolakela dhikina aahiidho orumeela ele yaatikhiwe ni ele aatinkhe iye.

   8. Munkohe naskola nnyu, akhala wiira vaavo alokihera iye yoosoma, dhookhala miyaha aahiidho iviidiyu dhihireele otepa ondhivela dheidho dhiri opuro oni: “Nthokodhe Itthu Dhikina”.

   9. Nthokorerye yoosoma yootheene ekwaha emodha.

Noomala wiiriha yoosoma

1. 

   7. Mmuupuwele naskola nnyu. Munvekele Yehova wiira areelihe orowa vahoolo wa naskola nnyu. Nitho munvekele akhili wiira nwerye onkhalihera naskola nnyu nkhama vanreerela awa.