Watchtower EBIIBILIYOTEKA ONLINE
Watchtower
EBIIBILIYOTEKA ONLINE
Makhuwa-Marrevone
  • BIIBILIYA
  • ILIIVURU
  • MITHUKUMANO
  • mwbr25 Mwedi wasaba pp. 1-11
  • Ireferensiya dha Ekateernu Ekumi ni Nteko Nhu”

Khemphwanyaneya eviidiyu epaarti ethanliwe.

Nswammaha, yookhala ehikumenle saana wiira erume eviidiyu.

  • Ireferensiya dha Ekateernu Ekumi ni Nteko Nhu”
  • Ireferensiya dha Ekateernu Ekumi ni Nteko Nhu—2025
  • Wiidhaatikhiha
  • 7-13 A JULHO
  • 14-20 A JULHO
  • 21-27 A JULHO
  • 28 A JULHO–3 A AGOSTO
  • 4-10 A AGOSTO
  • 11-17 A AGOSTO
  • 18-24 A AGOSTO
  • 25-31 A AGOSTO
Ireferensiya dha Ekateernu Ekumi ni Nteko Nhu—2025
mwbr25 Mwedi wasaba pp. 1-11

Ireferensiya dha Ekateernu Ekumi ni Nteko Nhu

© 2025 Watch Tower Bible and Tract Society of Pennsylvania

7-13 A JULHO

MIHAKHU DHA MBIIBILIYANI MIRUKU 21

Malakihero Oovareleya Nteko Wiira Ekasamentu Ekhale Yoohakalala

A Sentinela 15/10/2003 epaax. 4 etti. 5

Mun’ya Owerya Dhai Opaka Dhoothanla Dhooreera?

Dhoothanla dhimpakiwa niwaakuva, pooti woonihera othoiwa akhili. Yawaatikhiwa ya Miruku 21:5 enlotta wiira: “Apalano a mutthu orina ankhili anneetta saana, Masi atthu ootheene ookhummwa murima, anoohaawa.” Mwa ntakihero: Marapasi adhivelanne ahaana oviriha okathi wiira ethanle akhala wiira anoothelana aahindho naari. Yaahiire dhiidho, awo anawoona wiira moolumo yaalottiwe ni nateyaaturu inglês William Congreve woopacerani wa eseekulu 18 ta ekhweeli, owo aalontte wiira: “Ole onaakuvela othela aahindho otheliwa, onniviriha okathi wa waatta aikhupanyeraka.”

Despertai! 07/2008 epaax. 7 etti. 2

Moopara Wookhumela Saana Nkasamentuni

Nkoonihera Wiiyeviha. “Muhiireke itthu mphavelaka oxinttana wala wiittottopa, nto mwiiyeviheke, khula mutthu awooneleke vatthu akhwaawe ovikana mmensawe.” (aFilipi 2:3) Manyakunyaku awaatta nkasamentuni ankhumelela mwaha wa wiidhinnuwiha; wakhumelela nxankiho, ntthu nkina ontthuna onvaha nthowa nkhwe ohiya wiiyeviha ni waakuvela ophuka nxankiho owo. Okathi nkhama owo, owoonela winyu vatthu atthu akina, aahindho wiiyeviha, onawookhaliherani okhala awiihiiha ni osyaka wiivaha erasawu.

A Sentinela 15/09/2006 epaax. 28 etti. 13

‘Ntteeliwe Nrima ni Nthiyana Munthenle Nnyu Okhuma Erapasi Nnyu.’

13 Khindho akhala wiira ekasamentu enniviriha mixankiho mwaha wa wiira anamathelana anoohithokoreryana nkina ni nkhwe? Ophuka nxankiho nkhama owo ontthuneya wiilipihera. Mwa ntakihero: Woonawene anamathelana yaanilottelana moolumo oohuupuweleliwa okhuma khalayi, ndho nenna-va moolumo awo aniirela epaarti ekasamentu-ya. (Miruku 12:18) Nkhama noonne nhu ni mwaha ovinre, moolumo awo pooti ohonona ekasamentu. Miruku dhiri mBiibiliyani dhinlotta wiira: “Fataari okhala moothakoni, Ohiya okhala ni muthiyana oonyakulihana ni oonyoonyiha.” (Miruku 21:19) Akhala wiira nyuwo mwa nthiyana ootheliwa ni ekasamentu nnyu eri dhiidho, mwiikohe dhaala: ‘Kiire ekomportamentu aka tenimwiiriha iyaka ohaataana ni miyo?’ Biibiliya onlotta dhaala aahimaka alopwana oothela: “Nyuwo alopwana, muhihiye waaphenta amwaarinyu ni muhaaviruweleke.” (aKolosi 3:19) Akhala wiira mwa nlopwana oothela, mwiikohe dhaala: ‘Kiire ka ntthu oolipa olamaleleya, mpakha owiiriha amwaaraka okoca owiriyaniwa ni atthu akina?’ Orupihana woohiloka khiwaana nsuammaha-ya. Ata eri dhiidho, okhala wiira ehasara elo pooti wiiraneya, etthu yooreera ohudha ophuka mixankiho ntthukulelanaka nrima.

Mihakhu dha Omunepani

A Sentinela 15/01/2005 epaax. 17 etti. 9

Dhawoonihiwa Voohima dha Omwene wa Muluku Dhinnaakhwanela

9 Olelo-va Yeesu khahi pinaatamu pahi yoole aankilaathenle Buuru, masi nenna-va veene Mweene oowerya. Veene onnilottiwa wiira okilaathenle ekhavaloyeelo mBiibiliyani enthoonyera ekhotto. (Mir. 21:31) “Kaahiweha ekhavalo yootteela,” alottaka Wiisuupulula 6:2, “Ole aakilanthi vakhavaloni-vo, aahikuxa muura, nave aahivahiwa ekhara. Owo aahivenya wira axintteke ni amalelihe oxintta wawe.” Ohiya elo, nasaalimu Davidi ohaatikha voohima dha Yeesu airaka: “Yehova onimuncererya owerya wanyu okhuma oSiyoni mpakha mapuro makina. Owo onimooleelani wiira: “Mulamuleleke eriyari ya awanani inyu.””—Esalimo 110:2.

14-20 A JULHO

MIHAKHU DHA MBIIBILIYANI MIRUKU 22

Malakihero Oovareleya Nteko Voohima dha Moopora wa Waahuwa Anamwane

Owehaweha 10/2020 epaax. 27 etti. 7

Niire Aninnyu Anoonrumeela Muluku Yannuwa?

7 Akhala wiira moothela aahindho mootheliwa ni munnitthuna waayara anamwane, mwiikohe dhaala: ‘Niire naatthu awiiyeviha ni ninnimpheta Yehova ni Nuulumo-ne? Niire Yehova aannithanla wiira ninkhapelele mwaana?’ (Esa. 127:3, 4) Akhala wiira mwa nann’yari mwiikohe dhaala: ‘Kiire kinnaahudhiha anaaka odhuwela ovara nteko?’ (Mus. 3:12, 13) Kiire kinniilipihera waakhapelela anaaka wiira dhihaakhumelele ihasara dhomunepani ni dha veerutthuni dhinkumiheriwa ni olumwenku ola wa Satana?’ (Mir. 22:3) Ekhweeli wiira khamun’ya owerya waakhapelela aniinnyu mixankiho dhootheene dhinkhumelela. Okhala wiira khonweryaneya opaka elo. Masi nyuwo pooti waakhaliherya aninnyu ovilela mixankiho dha mweekumini mwaahudhihaka moopheta ororomela miruku dha Nuulumo na Muluku, Biibiliya. (Nsome Miruku 2:1-6.) Mwa ntakiheryo: Akhala wiira ookhala mmudhi nnyu ohin’ye onrumeela Yehova, mwaahudhihe aninnyu efaita eraawana ororomeleya wa Yehova nrumeelaka matakiheryo a mBiibiliyani. (Esa. 31:23) Nitho akhala wiira ohuukhwa ntthu mwaampheta nnyu, nwoonihere aninnyu dhawaatikhiwa dha mBiibiliyani dhin’ya waakhalihera ovilela oriipiwa nrima ni ophwanya nrettele.—2 aKo. 1:3, 4; 2 Tim. 3:16.

Owehaweha 12/2019 epaax. 26 itti. 17-19

Anaan’yari, Mwaahudhihe Aninnyu Ompheta Yehova

17 Mpacere waahudhiha aninnyu okhuma enaahima-ya. Vaavo anaan’yari ampacera awa onhudhiha mwaana okhuma enaahima-ye, onnitepa okhumela saana. (Mir. 22:6) Mmuupuwelele Timootiyu, yoowo nuumala wunnuwa eetta mikwaha vamodha ni nrummwa Paaulu. Amaama-ye Timootiyu Euniise ni apiipi-ye a wuumaamani Looidi, yaapacenre onhudhiha ‘okhuma enaahima-ye.’—2 Tim. 1:5; 3:15.

18 Anamathelana akina a oCosta do Marfim, Jean-Claude ni Peace aawerya waahudhiha anamwane 6 ompheta ni onrumeela Yehova. Etthu seeni yaakhalihenre wiira ekhumele saana? Awo yaahitthara ntakiheryo na Euniise ni Looidi. Awo alontte wiira: “Hiyo naanaalakihera aniihu Nuulumo na Muluku okhuma enaahima-ya. Naapacerinhe eyariwakaru.”—Otu. 6:6, 7.

19 Ontaphulela eseeni ‘waalakihera’ anamwane Nuulumo na Yehova? ‘Olakihera’ ontaphulela ‘otthikela (olotta etthu emodharu) ikwaha dhawaatta.’ Wiira ekawerya opaka elo, anaann’yari antthuneya oviriha okathi eri vamodha ni anaaya. Okathi nkina pooti okhala etthu yooxankiha otthikela waalakihera anamwane itthu dhimodharu. Masi, anaan’yari antthuneya wiilipihera ni woona elo nkhama eparakha wiira yaakhalihere anaa wiiwasasa ni ovarihela nteko Nuulumo na Muluku.

A Sentinela 01/04/2006 epaax. 9 etti. 4

Anaan’yari, Mwaavahe Ntakihero Nooreera Aninnyu

Ekhweeli wiira anaahima-anaahima pahi, akina toovirikana ni ata pooti okhala oohiwananeya. (Maphattuwelo 8:21) Etthu seeni anaan’yari anreerela awa opaka? Biibiliya onlotta wiira: “Okhala wene, anamwane aniphavela opaka itthu ahooniheryaka ankhili, Masi ekopo ya ottaruxa enimwaakhaliherya opaka itthu ni ankhili.” (Miruku 22:15) Atthu akina anoona nkhama ori waahadhula anamwane ni etthu ehinaakhalihera. Biibiliya onninyokha owali ni opuheryana. “Ekopo,” ivaara dhikina enthoonyera okhulupale wa anaan’yari vaavo ahinaatepela awa anamwaane masi yaakhaliheraka moopheta ni mookhalela mwaha wa okhala saana wa anamwane awo nhoolo.—aHeeberi 12:7-11.

Mihakhu dha Omunepani

Owehaweha 08/2021 epaax. 22 etti. 11

Nhakalale ni Iparakha Nrinnyuna

11 Mwa enamuna emodharu, hiyo ninoowerya ohakalala nuupuwelelaka iparakha dhootheene ninvahiwa nhu mmutekoni wa Yehova. Nhihi-ye ‘okhalela nthiti’ nteko woolaleerya ni nkakhalihera moomalela miteko dha mmulokoni. (Mit. 18:5; aHe. 10:24, 25) Nkarowela mithukumano mwiilokihenre wiira nkawerya ovaha ikomentaariyu dhoolipiha voohima dha mwaha onthokoreryiwa okathi owo. Nhikakusera isorope yoothanleliwa nnyu okathi wa mithukumano dha eriyari ya esumanana. Mwathanliwa wiira nkhalihere nteko mmodha okathi wa mithukumano, nkapeherya ni nkhale ntthu oororomeleya. Nhikakhootta nteko munvahiwa nnyu moovaka ohaakhwanihera. Mwiilipihere waacerera odhuwela winyu. (Mir. 22:29) Vaavo mun’ya nnyu nkatepa wuupuwelela miteko ni iparakha dhinyu dhoomunepani, nkaanrowa vahoolo ni nkantepa ohakalala. (aGal. 6:4) Nitho nyuwo okaamookhweelani ohakalala ni athu akina akhala wiira awo anoovahiwa eparakha mwaalipelela nnyu.—aRoma 12:15; aGal. 5:26.

21-27 A JULHO

MIHAKHU DHA MBIIBILIYANI MIRUKU 23

Malakihero Oovareleya Voohima dha Owurya Eviinyu

A Sentinela 01/12/2004 epaax. 19 etti. 5-6

Nkhalena Moonelo Wooreera Voohima dha Owurya Eviinyu

5 Akhala wiira nyuwo munniwurya eviinyu, niire munniivaha ephoole wiira nhikawurya mpakha woohapalani? Atthu akinaku-ya olipa woonihera wiira aahaapaliwa hata ewunrye eviinyu yawaatta. Tivondho, wuupuwela wiira nkhalelo owo kahi woothekeya ntthu owo pooti wiidhoototha. (Yeremiya 17:9) Vakhaani-vakhaani, ekumi ya atthu pooti olipa ni eviinyu mpakha owiiriha okhala “ipottha sa eviinyu.” (Tito 2:3) Voohima dha moopora ntthu ompakeya iye okhala nanhapaliwa Caroline Knapp olontte wiira: “Ompacera vakhaani-vakhaani, moohiidhuwela ni ti yoolipa ottharuwa.” Mweekhweeli ohapaliwa, nraakho wawoopiha!

6 Nitho nithokorerye nlopolo na Yeesu nniira: “Mwiikasoope wira olya vanceene ni owurya vanceene ni oxankela itthu siniphavela anyu, sihihonone muupuwelo anyu, wira nihiku nlo nihoophwanyeni mootutuxerya, ntoko mwaamunama onimorela vamuraakhoni. Kinoolelani etthu ela, maana nihiku nlo nnimwaaphwanya mootutuxerya atthu otheene anikhala vathi-va.” (Luka 21:34, 35) Ntthu orina moonelo wooreera voohima dha owurya eviinyu khanhapaliwa mpakha orupa, osesereya ni ahikaidhuwela nkhalelo wa veerutthuni ni woomunepani. Khindho nihiku na Yehova noophwanyani nhapaliwe?

Estudo Perspicaz vol. 1 epaax. 304

Ohapaliwa

Biibiliya Onnikhoottiha. Owurya eviinyu yawaatta mpakha ohapaliwa etthu Biibiliya onkhoottiha iye vawaatta. Naakhili yoowo aatinkhe eliivuru ya Miruku onninikhalihera odhuwela mixankiho dhinkhumiheriwa mwaha wa ohapaliwa nitho masiyentiista ankhupali awa. Owo onnilopola airaka: “Ti pani onihaawa? Ti pani onixanka? Ti pani oninyakulihana? Ti pani oniikhupanyerya? Ti pani orina makhwatta vahikhanle mulattu? Ti pani orina maitho ooxeerya? Taale aniviriha okathi munceene awuryaka eviinyu, Taale aniphavelasa eviinyu yoowaawa. Muhiwehe oxeerya wa eviinyu, Okathi enooniwa aya oreera ni okathi enooniwa aya osiva yaawuriwaka, Okhala wiira wookiseryani waya, eyo enniluma ntoko enowa, Nave eveneno aya enlikana ni eveneno ya evili. Maitho anyu anrowa owehaka itthu soohiirya, Nave murima anyu onrowa ohimyaka itthu sootakhala.”—Mir 23:29-33; Hos 4:11; Mat 15:18, 19.

Namaatikha onnivikaniha oromola mixankiho dhinimphwanya nanhapaliwa airaka: “Nyuwo munrowa olikanaka ni mutthu onimmaathi eriyari ya ephareya, Nave munrowa olikanaka ni mutthu onimmaathi opuro woorakamela osulu wa pakiti. Munoohimyaka wiira: “Koomaniwa, masi nkoonale owereya. Koovahiwa epuraata, masi nkoonale etthu. Kinrowa ovenya silini? Kinrowa waavya eviinyu ekina wiira kiwurye.” Owo onookhala masikhini mwaha wa wiira onnihonona nsurukhu wawaatta athumelaka eviinyu, nitho mwaha wa okhala ntthu ohinroromeliwa ni ohinwerya ovara miteko.—Mir 23:20, 21, 34, 35.

Mihakhu dha Omunepani

A Sentinela 01/11/2004 epaax. 31 etti. 2

Makoho Ankohiwa ni Atthu Ale Ansoma Iliivuru Dhihu

Mwa ntakihero: Otirivana pooti okhala ethoonyero ya oca vawaatta, masi kahi wiira atthu ootheene ootirivana aannaacera oca. Atthu akina tootepa otirivana mwaha wa eretta . Nitho nihiliyale wiira otirivana ankhala makhalelo a erutthu ya ntthu, masi waacera oca onvarihana ni moonelo wa ntthu owo. Otirivana “makhalelo anoonihera wiira ntthu owo ookhalana ekorduura yawaatta mmwiilini-mwe,” masi waacera oca ‘‘onkhala odhiveliwa oca eyooca yawaatta.” Tivondho waacera oca, khoonlipa ni makhalelo a erutthu ya ntthu, masi onlipa ni moopora ntthu owo onoonela iye eyooca elo. Ntthu pooti ootirivana vakhaani aahindho okhala ooyeva mwiili masi akhala awaacera oca. Ohiya elo, moopora anooneliwa awa atthu ootirivana ni ale ooyeva mwiili, onnivirikana khuta opuro.

28 A JULHO–3 A AGOSTO

MIHAKHU DHA MBIIBILIYANI MIRUKU 24

Mwiilokihere Mwaha wa Ihasara

Estudo Perspicaz vol. 2 epaax. 643 etti. 2

Ottharatthariwa

Nitho makristau annixukhurela mareeliho an’ya awa ovahiwa atthu ale ahinhiya ovilela. Voohima dha mareeliho awo, Yeesu olontte wiira: “Oohakalala taale anlupatthiwa mwaha wa exariya, okhala wira Omwene wa wiirimu ti wawaya.” (Mat 5:10) Odhuwela nlipelelo na ohihimusiwa wa atthu akhwiye vamodha ni ondhuwela Nlipa onlaihera onnaamaaliha. Onnaavaha ikuru dha ohihiya onroromela Muluku ata yoopopihiwaka wiira anawiiphiwa ni atthu oowali. Mwaha wa waamini nkuttho wa Yeesu, atthu khanoova okathi anoopopihiwa awa wiira anawiiphiwa ni atthu oowali. (aHe 2:14, 15) Moonelo ni muupuwelo wa nkiristau ti dhootthuneya wiira awerye okhala oororomeleya aahindho naari okathi onttaratthariwa iye. “Muhihiye okhalana muupuwelo ni moonelo ola, yoowo aarina awe Kristu Yesu, Nnaamwi . . . aahiiwelela mpakha okhwa, mpakha okhwa vamwirini wa nihaaxeryo.” (aFi 2:5-8) “Mwaha wa etthu yootteeliha murima [Yeesu] aalipelela awe waakhela, aahivilela okhwa vamwirini wa nihaaxeryo, nnakhala khuuliwe muru.”—aHe 12:2; moone tho 2 aKo 12:10; 2 aTe 1:4; 1 Pe 2:21-23.

A Sentinela 15/12/2009 epaax. 18 itti. 12-13

Nhihiye Okhala Ootteeliwa Nrima Okathi wa Mixankiho

12 Miruku 24:10 onlotta mooluluwanya: “Mwakhulumuwa okathi wa mixankiho, Ikuru sanyu sinoovukuwa.” Miruku dhikina dhinlotta wiira: “Masi oxankiheya onnimwiiriha mutthu oriipiwa murima.” (Mir. 15:13) Makiristau makina annixankiheya mootepana mpakha ohiya opaka yoosoma-ya ya Biibiliya ya omwaneene ni wuupuwelela. Mavekelo ampaka awa ankhala avadhulu-dhulu ni woonawene awo anniivalaanya ni axirikha-ya makiristau. Mweekhweeli oviriha okathi wawaatta ntthu oriipiwe nrima, pooti wookhumihera mixankiho.—Mir. 18:1, 14.

13 Moovirikana ni elo, okhalana nlipelelo nooreera onninikhalihera woona itthu mweekumini mwihu dhinniiriha okhala ootteeliwa nrima ni oomalelelya. Davidi aatinkhe wiira: “Muluku aka, okisivela vanceene opaka etthu muniphavela anyu.” (Esa. 40:8) Okathi itthu dhihinneettela awa saana mweekumini mwihu, etthu ninreerela nhu opaka ori ohihiya onkokhorela Yehova. Mwwekhweeli etthu eninkhalihera ohiriipiwa nrima, onkhala oluttuweliwa ni miteko dhimphwanyiha ohakalala. Yehova onnileela wiira hiyo ninoophwanya otteliwa nrima vaavo ninsoma nhu ni othokodha Nuulumo-ne moohihiyererya. (Esa. 1:1, 2; Yak. 1:25) Biibiliya vamodha ni orowela mithukumano dha ekiristau, ninniwiriyana “moolumo ooreera” yaawo annivaha ikuru ni onitteliha nrima.—Mir. 12:25; 16:24.

Owehaweha 12/2020 epaax. 15

Makoho Ankohiwa ni Atthu Ale Ansoma Iliivuru Dhihu

Miruku 24:16 onlotta wiira: “Okhala wiira hata naxariya omoraka ikwaha 7, owo onoovenya-tho.” Niire yawaatikhiwa ela eninlotta ntthu yoole onttheka ivaara dhawaatta, nuumala-vo akaleveleliwa ni Muluku?

Mweekhweeli kahi yeelo yawaatikhiwa ela entthuna awa olotta. Noolumo nawiira ‘omora’ ninlottiwa yawaatikhiwa ela onhimmwaha oviriha mixankiho ivaara dhawaaatta ni ‘otthikela ovenya’ ontaphulela owerya ophwanya ikuru dhoovilelana.

Tivondho, Miruku 24:16 khanlotta dha omora mwaha wa opaka etampi. Onlotta dha oviriha mixankiho dhimodharu ata ikhalaka ivaara dhawaatta. Olumwinku ola wootakhala naxariya pooti oweriwa aahindho oviriha mixankiho dhikina. Ata owo pooti oviriha nxankiho wa ottharatthariwa ni makhulupale a kuveernu. Masi ontthuneya ohihiya okhupali wiira Muluku akammukhalihera ovilela khuta nxankiho. Mwiikohe dhaala: ‘Ivaara kavi kiwoonne aka arumeyi a Yehova itthu dhaakhumelaka saana?’ Mwaha wa seeni elo eniiraneya awa? Mwaha wa wiira mweekwheeli, “Yehova onnaakhaliherya atthu ootheene animora, Nave onnaavenxa atthu ootheene ahilimpe.”—Esa. 41:1-3; 145:14-19.

Mihakhu dha Omunepani

A Sentinela 15/10/2009 epaax. 12

Makoho Ankohiwa ni Atthu Ale Ansoma Iliivuru Dhihu

Okathi wa Biibiliya, akhala wiira nlopwana aanitthuna ‘olipiha empa-ye’ aahindho othela, owo aanitthuneya wiikoha dhaala: ‘Kiire kikaanwerya waakhapelela ni waavaha eyooca amwaaraka ni aninhu nin’ya nhu nikaayara nhoolo?’ Owo ahinakuve orowa othela dhookhala miteko aareerela iye ovara, nkhama okhalana ematta-ye. Niire malakihero mamodharu annivareleya nteko mahiku nhu ala?

Ekhweeli. Nlopwana ontthuna othela ontthuneya wiilokihera saana wiira akawerya waakhwanihera nritti-ye. Akhala wiira kharakanle, ontthuneya akavara nteko. Ekhweeli wiira yoolakela ya nlopwana aavaraka nteko ohikale okhumihera mireerelo dha veerutthuni pahi. Biibiliya onlotta wiira nlopwana yoole ohinvaha emudhi-ye mireerelo dha veerutthuni, mmuupuweloni ni dhoomunepani tootepa otakhala onxira ntthu ohinaamini! (1 Tim. 5:8) Ndo okathi rapasi oniilokihera iye wiira athele ni aceerere emudhi, ontthu wiipakela makoho nkhama ala: ‘Kiire kikaanwerya ociha emudhi aka? Kiire koolikana wiira kikakhalihera emudhhi aka nkhalelo woomunepani? Kiire kikaanwerya ohoolela yoosoma ya vathekoni kahoolelaka amwaaraka ni anaaka?’ Mweekhweeli Biibiliya onnittittimihera nritti owo woothuneya.—Otu. 6:6-8; aEef. 6:4.

Tivondho, khuta rapasi onkoca othela ontthuneya wuupuwelela saana malakihero ala ari Miruku 24:27. Mwa enamuna emodharu mwali onawiira saana wiikoha akhala wiira oolikana wiira aakhulele nritti wa okhala nthiyana ootheliwa ni naan’yari. Anamathelana ari marapasi woonawene pooti opaka makoho anlikana ni ala akhala annuupuwelela waayara anamwane. (Luka 14:28) Otthara malakihero ala a mBiibiliyani onnaakhalihera arumeyi a Muluku osyaka mixankiho dhawaatta ni okhalana emudhi yoohakalala.

4-10 A AGOSTO

MIHAKHU DHA MBIIBILIYANI MIRUKU 25

Malakihero Oovareleya Nteko Voohima dha Moopora Woolotta

Owehaweha 15/12/2015 epaax. 19 itti. 6-7

Nrumeele Moolumo Nnyu Nlottaka Itthu Dhooreera

6 Moolumo ari yawaatikhiwa ya Miruku 25:11 annoonihera otthuneya-wa odhuwela okathi wooreerela olotta khuta etthu, yiiraka: “Moolumo anilavuliwa okathi wooreera, Anlikana ni masa a eweero aheliwe mutixelani ya eparatha.” Masa a ewooru ankhala ooreera. Ata eri dhiidho, masa awo yapwehiwa mparathuni epakiwe ni eparatha, annitepa oreera. Mwa enamuna emodharu, vaavo ninthanla nhu okathi wooreerela wiira nilotte, moolumo nhu annitepa oreera ni annaakwanihera yoolakela nhu. Nin’ya owerya dhai opaka elo?

7 Akahala wiira ninoolotta etthu okathi woohireerela, woonawene atthu pooti ohiiwasasa aahindho okhootta etthu ninaalenla nhu. (Nsome Miruku 15:23.) Mwa ntakihero, mweeri wa Março a 2011, esikinyaatthi ni tsunami dhoonona isidadi dhawaatta elapo ya oJapão. Atthu anxira 15.000 ahuukhwa. Anamoona a Yehova awaatta akhweliwa amudhi ni axirikha-ya. Masi ata yaari ooriipiwa nrima, awo yaanitthuna onrumeela Biibiliya wiira yaakhalihere atthu akina yaavirihaawana mixankiho dhimodharu. Okhala wiira atthu awaatta yeettela etiini ya ebudiista, ndho khiyaavo ata etthu Biibiliya onhudhiha iye yaadhuwela awa. Tivondho annihu yaahithanla ohilotta voohima dha nlipelelo na ohihimusiwa. Anna yaanaamaaliha atthu awo yaalelihaka nthowa-na, itthu dhoothakhala dhinaakhumelela awa atthu ooreera nrima.

Owehaweha 15/12/2015 epaax. 21 itti. 15-16

Nrumeele Moolumo Nnyu Nlottaka Itthu Dhooreera

15 Moopora ninlotta nhu ti wootepa otthuneya oxira etthu ninlotta nhu. Atthu awaatta waanadhivela onwiriyana Yeesu aahudhihaka mwaha wa wiira moolumo yaanoonihera wiira owo anareerela nrima. (Luka 4:22) Vaavo moolumo nhu anoonihera awa wiira ninnaareerela nrima atthu woonawene anoowiriyana ni waakhulela etthu ninaaleela nhu. (Mir. 25:15) Wiira nikawerya woonihera waareerela nrima atthu ni moolumo nhu, hiyo nihaana waattittimiha ni wuupuwelela miyoonelo-dha. Elo ti etthu Yeesu aira iye. Mwa ntakihero: nihiku nimodha nttitthi wa atthu yaahiilipihera orowa onwiriyana Yeesu. Yeesu nuumala owoona atthu awo aahiwoonela othunku ni apacera akaahudhiha. (Mar. 6:34) Ata atthu akina yaanruwana, Yeesu khaaruwana.—1 Ped. 2:23.

16 Hiyo ninnaapheta vawaatta amudhi nhu ni axirikha nhu. Masi ivaara dhikina ninnaalottelaa ni owali. Woonawene ninuupuwela wiira khanintthuneya othanlela moolumo nhu mwaha wa wiira atthu awo nihaadhuwela saana. Masi Yeesu khaatanke waalottela ni owaali amudhi-ye ni axirikha-ye. Ata okathi yoole awo yaavaanyihana awa voohima dha taani aari muulupale, Yeesu anaatarusa areerelaka nrima. Yeesu aarumeenle ntakihero na mwaana wiira aakhalihere attahreli-ye wuupuwela saana. (Mar. 9:33-37) Nitho Asitokhweene anoowerya ontakiha Yeesu ‘yaareerela nrima’ anna ni arokora oakthi anaavaha awa malakihero.—aGal. 6:1.

A Sentinela 01/04/1995 epaax. 17 etti. 8

Nooniherane Opheta ni Miteko Dhooreera, Mooporani?

8 Vaavo nininrumeela nhu Muluku nhu, ootheene nhu pooti otumereryana ovara miteko dhooreera ni matakihero nhu. Mweekhweeli Yeesu anaatumererya atthu yaale yaanwiriyana. Yeesu aanipheta miteko dha ekiristau ni aanivuwiha nteko anvarela iye Muluku. Owo olontte wiira nteko-ye woolaleerya waalikana ni eyoca para veene. (Yoh. 4:34; aRoma 11:13) Olotta winyu moohakalala pooti owiiriha anna akina wootakihani. Niire ninyuwo-tho nnoowwerya olotta moohakalala mwaalaleeryaka? Nsyakaka olotta nkhama nniivuwiha mwaadhuwelihe atthu a mmulukoni dhookumanana dhinyu dhooreera. Vaavo munvara nnyu nteko ni atthu akina mwaakhalihere woona oreera-wa, ovaanela voohima dha Mpatusa nhu Muulupalesa, Yehova.—Mir. 25:25.

Mihakhu dha Omunepani

Estudo Perspicaz vol. 1 epaax. 379

Omaala

Ntthu oomaala onniimaaliha mwaha wa wiira ookhalana ikuru dhimmwiiriha waamini. Khanaakuvela ohiya wuupuwela saana. Ntthu oohimaala onkhala awaakuva onyoonyeya, khankhalana waamini ni nlipelelo nitho khammaaleleya. Atthu ale ahaana nkhalelo woomaala annilottiwa ni eliivuru ya Miruku: “Ntoko siisaale epooma yoopwexiwa ehirina ixiri, Ti siiso siri awe mulopwana ohiniwerya wiikasoopa.” (Mir 25:28) Onkhala awaakuva oweriwa ni khuta muupuwelo woohiloka, yoowo okhanle omwiiriha opaka itthu dhoohikhalela.

11-17 A AGOSTO

MIHAKHU DHA MBIIBILIYANI MIRUKU 26

Nkhale Ottaiwene ni “Atthu Oololo”

Estudo Perspicaz vol. 1 epaax. 485 etti. 6

Epula

Okathi wa Nluku Ntthulo ni Weelimwe. Elapo yoolaiheriwa okathi ola woomili waari woodhuweliwa saana okhala okathi weepula ni wa ndhuwa. (Nlikanihe ni Esa 32:4; Nsi 2:11.) Okhuma wookhidherani wa mweeri wa Abril mpakha wookhidherani mweeri wa Outubro khiyaarupa epula yawaatta. Epula yaanithowa okathi woohepha. Miruku 26:1 onnoonihera wiira yarupa epula okathi ole woohepha yaanooniwa orupa okathi woohireerela. (Nlikanihe ni 1 Sa 12:17-19.) Okathi wa nluku ntthulo epula khiyaarupa mahiku ootheene; yaarupa mahiku oovirikana. Okhala wiira okathi wooriirya vaavo enrupa awa epula ennimwiiriha ntthu otepa woona oriirya. (Eez 10:9, 13) Tivondho opuro wooviha tonaadhivela atthu awaatta okathi owo.—Yes 4:6; 25:4; 32:2; Yobi 24:8.

A Sentimela 01/10/1987 epaax. 19 etti. 12

Ottarusiwa Onnikhumihera Nreettele

Para atthu akina pooti otthuneya waahukhumu nkhama enlotta awa yawaatikhiwa ya Miruku 26:3 yiiraka: “Murepettho onrumeeliwa para ekhavalo, mukhoyi onrumeeliwa para mwaapuuru, Nave ekopo enrumeeliwa para omaniwa ettuli ya alolo.” Ivaara dhikina Yehova aanaahiya atthu a nloko-ne aIsarayeeli ehaawaka mwaha wa mixankiho awo yaaikhumihera awa: “Awo khiyiiwelenle nuulumo na Muluku; Ni khiyaattittiminhe miruku sa Muluku Muulupalexa. Tivonto, aahihiya wiira saakhumelele mixankiho wiira yiiyevihe; Awo yaahikwattuliwa, nto khuuvo aawenrye waakhaliherya. Okathi yaaxankale aya, yaahinvekela Yehova wiira aakhaliherye; Owo aahiwoopola mmixankihoni mwaya.” (Esa. 107:11-13) Alolo akina annilipiha mirima-dha ekhoottaka khuta enamuna ya ottarusiwa: “Mutthu onthipelela opaka itthu soohiloka nuumala ottaruxiwa ikwaha sinceene, Onoopwetexiwa mootutuxerya ni khivankhala murette.”—Mir. 29:1.

Estudo Perspicaz vol. 1 epaax. 580 etti. 2

Otutthunya, Orakala

Moolumo aakhili. Naakhili Mwene Salomão, olontte wiira: “Ntoko siisaale mutthu oniikittha inawu sawe [oniirakaliha] onaikumiherya mixankiho, Ti siiso siri awe mutthu onimuroromela mulolo wiira omuhiyerye itthu sawe.” Mweekhweeli nlopwana oninhiyera nlolo ettihaka mireerelo-dhe owo onrakaliha ipalano-dhe. Mweekhweeli anoowoona apalano-ye etthikelaka ottuli ni dhinkhumelelaka mixankiho.—Mir 26:6.

Mihakhu dha Omunepani

Estudo Perspicaz vol. 2 epaax. 1140

Ololo

Omwaakhula nlolo moovarihana “ni elolo awe” ntakihaka malottelo-ye oonanara, onoowiirihani ni nyuwo-tho opaka itthu dheelolo. Wiira nihikhale nkhama nlolo okathi owo, eliivuru ya Miruku ennileela wiira: “Muhimwaakhule mulolo ni elolo awe.” Mphantta, Miruku 26:4, 5 onnoonihera wiira pooti okhala vooreerela omwaakhula nlolo moovarihana “ni elolo awe”, otaphulelaka ovarerya mathowa ammwiiriha olotta itthu dhoololo, omwaakhula moovarihana ni moolumo-ye oololo ni omoonihera wiira mwa ntthu oovirikana saana ni itthu nlolo owo onuupuwela iye.

18-24 A AGOSTO

MIHAKHU DHA MBIIBILIYANI MIRUKU 27

Mireerelo Nimphwanya Nhu Mwaha wa Okhalana Axirikha a Ekhweeli

Owehaweha 09/2019 epaax. 5 etti. 12

Yehova Onnaavaha Efaita Arumeyi-ye a Wiiyeviha

12 Ntthu awiiyeviha onnixukhurela okathi onvahiwa iye miruku. Nkuupuwelelani ela: Muupuwele nri Empa ya Omwene. Nuumala olotta ni anna ni arokora awaatta, munna mmodha onnoovekelani orowa ovaanela okhupi vakhaani, ooleekani moohiiwanyeya onnilotta wiira: ‘Noohala ntikwa vakhaani mmainoni mwinyu’. Moohaakanyera, nyuwo mwaanwuuliwa muru. Masi niire khimwaarowa onxukhurela munna owo mwaha wa wooleelani? Mweekhweeli waamoodhivelani vaakhanle wiira mwaahileeliwa elo khalai-na! Mwa emodha-modha, akhala wiira munna onniimananiha onivaha miruku, nihaana wiiyeviha ni onxukhurela vawaatta. Nitho nihaana onthokorerya munna owo nkhama nxirikha nhu ohiya nkhama nwanani nhu.—Nsome Miruku 27:5, 6; aGa. 4:16.

Estudo Perspicaz vol. 2 epaax. 1215 etti. 5

Visiinyu

Eliivuru ya Miruku ennihudhiha wiira nikawaamini ni waaroromela mavisiinyu nhu ni wiira etthu yaakhili wavekela nikhalihero okathi ninxanka nhu: “Muhimunyanyale mpatthani anyu nnakhala mpatthani a paapa anyu, Nave muhirowe etthoko ya munninyu sookhumelelani mixankiho. Fataari namwaattamanani anyu onikhala vakhiviru, ohiya munninyu onikhala ottaiwene.” (Mir 27:10) Namaathika ola nkhama onlotta wiira nikaakuvela onvekela nikhalihero visiinyu nhu oororomeleya ohiya onvekela mmudhi nhu a veerutthu masi onittaivenle, mwaha wa wiira owo pooti ohiwerya waakuvela onikhalihera onxira visiinyu nhu.

Owehaweha 09/2023 epaax. 10 etti. 7

Marapasi, Muntthuna Wiira Ekumi Nnyu Ekhale Dhai?

7 Etthu ninhudhera nhu ni dhoothanla dhoohiloka dha Yoowaasi ti wiira nihaana waathanla axirikha an’ya onikhalihera ompheta Yehova ni onhakalaliha. Nitho axirikha nhu pooti okhala a miyaakha dhoovirikana. Nhiliyaale wiira Yowaasi aari rapasi nanlikanyiha ni nxirikha-ye Yehoyaada. Nwuupuwelelaka axirikha nnyu mwiikohe dhaala: ‘Kiire axirikha aka annikikhalihera olipiha omwaamini waka Yehova? Kiire annikitumererya wiiwelela malamulo a Muluku? Kiire annaaleela atthu akina voohima dha Yehova ni ikhweeli dhikina dha dha mBiibiliyani? Kiire annittittimiha malamulo a Muluku? Kiire itthu ankileela awa onaadhivela okihakalaliha pahi aahindho annikivaha miruku kinreerela aka ovahiwa okathi owo?’ (Mir. 27:5, 6, 17) Ekhweeli tiila: Akhala wiira axirikha nnyu khanimpheta Yehova, awo khanreerela okhala axirikha nnyu. Masi akhala wiira mookhalana axirikha nnyu animpheta Yehova, nhaahiyerere, yaawo tan’ya wookhaliherani.—Mir. 13:20.

Mihakhu dha Omunepani

A Sentinela 15/09/2006 epaax. 19 etti. 12

Ipontu Dhuulupale Dha Eliivuru ya Miruku

27:21. Okathi ninttottopeliwa nhu ninnoonihera ontthu nhu. Ninnoonihera wiiyeviha vaavo nihinliyala nhu wiira ninkhaliheriwa ni Yehova, nitho nintumereryiwa ohihiya onrumeela. Wiidhinnuwiha onnooneya vaavo ntthu oniidhoona iyo wiira ohaaxira atthu ootheene okathi onttottopeliwa iyo.

25-31 A AGOSTO

MIHAKHU DHA MBIIBILIYANI MIRUKU 28

Ovirikana wa Ntthu Ootakhala ni Ntthu Axariya

A Sentinela 15/05/1993 epaax. 26 etti. 2

Niire Munnintthara Yehova ni Nrima Nnyu Wootheene?

“MASI anaxariya toolipa murima ntoko kharamu.” (Mir. 28:1) Annoonihera waamini ettharaka ni nrima wootheene Nuulumo na Muluku ni khanhiya ovara nteko wa Yehova ata evirihaka mixankiho dhawoopiha.

Estudo Perspicaz vol. 1 epaax. 814 etti. 2

Wiiwasasa

Atthu Ale Anhiya Ontthara Yehova ni Nrima Wootheene. Atthu antthikela ovara miteko dhoonanara annipacera ohinttittimiha Muluku ni khaninhela mpuwa okathi ampaka awa dhoothanla ni apalano-ya. (Yob 34:27) Ntthu dhiidho onnuumiha nrima-ye wiira akapa itthu dhootakhala mweekumini-mwe ni onnithoiwa akhili. (Esa 36: 1-4) Ata aikhupaliki wiira owo onninkokhorela Muluku, onnitepa okoca waadhiveliha apinaatamu oxira ondhiveliha Muluku; elo ti etthu enindhivela. (Yes 29:13, 14) Owo onindhivela wiidhaakiha mwaha wa mweettelo-ye woonanara airaka ‘kaanraara.’ (Mir 10:23) ni onnivirikanya mweettelo wooreera ni woonanara, tootakhala nrima, nlolo mmuupuwelonmwe mpakha wuupuwela wiira Muluku ohinooneya khanoona miteko-dhe dhootakhala, onooma nkhama owerya wa Muluku khonvara nteko-ya. (Esa 94: 4-10; Yes 29:15, 16; Yer 10:21) Mweekhweeli, owo onnilotta ni nrima-ye vamodha ni miteko-dhe wiira: “Yehova khokhanle” (Esa 14:1-3) ni ‘khaniidhuupuwelela.’ Mwaha wa oheettihiwa ni malamulo a Muluku, owo khanwerya weettihera saana itthu, khaniiwasasa saana khuta etthu, khanvarerya mathowa aniiriha opakiwa khuta ettthu ni khampaka dhoothanla dhooreera.—Mir 28:5.

Estudo Perspicaz vol. 1 epaax. 1237 etti. 1

Ororomeleya

Ororomeleya iwo onniweryaneya, ohiya mwaha wa ikuru dha ntthu owo mwaneene, masi mwaha wa wunnuwihera omwaamini ni onroromela Yehova ni owerya oriiyena wa woopola. (Esa 25:21) Muluku onlaihera wiira owo onookhala “nikula na wiixaakihana” ni “opuro woolipihiwa”, akhapelelaka atthu yaale ahinhiya okhala oororomeleya. (Mir 2:6-8; 10:29; Esa 41:12) Ohihiya we wiilipihera okoca ondhiveliha Yehova onniiriha ekumi-ye okhala yoomaleleya, ailamalelihaka ohihiya otthara ele ri yoolakela ya ekumi. (Esa 26:1-3; Mir 11:5; 28:18) Ata anaxariya dhaaphwanyaka mixankiho mwaha woopuheriwa ni atakhali nkhama oonne iye Yoobi, Yehova onnaakhapelela ni onnaaroromeliha wiira onoosuka ikumi-dha, onawaavaha irithi dhoohimala ni nhoolo onawavaha nrettele anookhalana itthu dhootheene dhooreera. (Yob 9:20-22; Esa 37:18, 19, 37; 84:11; Mir 28:10) Nkhama yairanen’ya awa ni Yoobi, etthu emmwiiriha ntthu okhala afaita, oophwanelela ni oottittimiheya ohoolo wa Muluku, onkhala mwaha wa orormeleya-we ohiya mwaha wa mihakhu-dhe. (Mir 19:1; 28:6) Anamwane acaaliwe ekhalana apaapa-ya aahindho amaama-ya oororomeleya ahaana wooniwa okhala oohakalala (Mir 20:7), okhala annivahiwa ntakihero na mweettelo wooreera ni anaan’yari-ya yaawo arina ndhina nooreera ni nttittimiho.

Mihakhu dha Omunepani

A Sentinela 01/12/2001 epaax. 11 etti. 3

Nnoowerya Osyaka Eretta ya Nrima Nkhalelo wa Omunepani

Wiiroromela mootepana. Atthu awaatta enaaphwanya eretta ya nrima, ankhala yaale yaaroromela wiira akumi ehinaakuve waaphwanya eretta ya nrima. Ivaara dhawaatta atthu awo khiyaattharihela opaka isaami ni meediku wiira edhuwele makhalelo a ekumi-ya aahindho yaanikhootta opaka isaami idho yoonaka wiira khidhaari dhoothuneya para veena. Mwa enamuna emodharu, atthu akina woonawene mwaha wa okhala makiristau okhuma khalayi, anuupuwela wiira khiyaavo etthu ekhanle owiiraneela. Woonawene pooti ohiyerera ovarerya moopora eri awa ekumi-ya ya omunepani, mpakha waaphwanya ehasara. Tivootthuneya wuupuwelela malakihero ala ooreera voohima dha osyaka wiiroromela mootepana, yaawo avahiwe ni nrummwa Paaulu: “Siiso, ole onuupuwela wira orimweemela, aipasoopeke wira ohimore.” Etthu ya akhili waakhulela wiira hiyo na atthu oohimalela ni okathi nkina ninnireerela ovarerya makhalelo a ekumi nhu ya omunepani.—1 aKorinto 10:12; Miruku 28:14.

    Iliivura dha Emakhuwa-Marrevoni (2013-2025)
    Okhuma
    Ovolowa
    • Makhuwa-Marrevone
    • Ovaha
    • Yootthuna nnyu
    • Copyright © 2025 Watch Tower Bible and Tract Society of Pennsylvania
    • Inamuna Dhoorumeela
    • Malakihero a Ovitha Ixiiri
    • Ikonfikurasau dha Ovitha Ixiiri
    • JW.ORG
    • Ovolowa
    Ovaha