Okathi anamahottela yaaphin’ya-wa epooma ya oYeriko, yaamanke ettheko ya nthiyana aitthaniwa Rahaabi. Nuumala mwene a oYeriko odhuwela elo, aahaaruma atoropa-ye wiira erowe owannye Rahaabi yaakoce anamahottela ale ni yaatthukele. Okathi atoropa ale yaaphin’ya-wa, Rahaabi aahaleela anamahottela ale wiira yiipithe otatharini. Moottharelana owo aahaaleela atoropa ale wiira anamahottela aarowa, masi mwaatthimakela mwawaakuveya woonawene nnawaphwanya. Atoropa nookhuma owo aahaaleela anamahottela wiira: ‘Atthu kinawaakhalihera okhala wiira koodhuwela wiira Yehova ori naatthu veena ni atthu anoopwetesa epoma ela. Masi safatali, atthu ekilaihere wiira anookoopola miyo vamodha ni amudhaka okathi atthu an’ya awa opwetesa epooma ela.’

Anamahottela ale yaahimwaakhula Rahaabi wiira: ‘Ninnoolaiherani wiira atthu ootheene an’ya okhala mpanimwinyu anawoopowa.’ Masi wiira elo yiraneye ntthave nkhoyi mpwehe vaxanelani.

Moottharelana, Rahaabi aahaakhalihera anamahottela ale otthyawa eviraka vaxanelani ni yaahirowa wiipitha omwaako mahiku mararu. Nuumala anamahottela ale onleela Yooxuuwa itthu dhootheene, yaahilapuwa nratthi Yordani. Ndho, nttetthe Aisarayeeli yaaya-wa otuphela moottharelana waari oYeriko. Yehova aahaleela Aisarayeeli orumiha mikhitto yaapheelaka epoma ele ekhwaha emodha khuta nihiku. Awo yaahaapheela mpakha mahiku 6. Nihiku na 7, awo yaahaapheela nttetthe ole ikhwaha 7. Ndho anankuttho yaahoopa malope ni Aisarayeeli ootheene yaahinyakula ni ikuru-dha dhootheene, ndho makokoro a oYeriko yaahimora! Masi empa ya Rahaabi yeelo yaari waattamela makokoro ale khiyaamonre, okhala wiira Rahaabi aahinroromela Yehova ni aahipaka itthu dhootheene aaleeliwe iye ni anamahottela ale. Mwaha wa elo, owo aahopola ekumi-ye ni ekumi ya emudhi-ye.

Atthu ootheene a oKanaani yaahidhuwela ele yairanen’ye oYeriko. Ndho mamwene a oKanaani yaahilakela owana ni aIsarayeeli. Masi atthu yaakhala elapo ele yaaitthaniwa Maxibeyooni, yahothererya wiira khiyari aKanaani. Wiira epake elo, yaahaaruma alopwana akina owara ikuwo dhoothaala, ni onleela Yooxuuwa wiira: ‘Ninkhuma elapo yoottaiwene. Niinwe elottiwaka moopora Yehova oirinhe-iye elapo ya Weexiitu ni oMowaabi. Ndho atthu yalaihera ohituphela epooma nhu, hiyo ninookhala ipottha-dha.’

Yooxuwa aahikhupali elo ni ahilaihera wiira khaarowa otuphela epomaya. Masi noovira mahiku maraaru, Yooxuwa aahiidhuwela wiira awo khiyari atthu yaakhuma oottaiwene, masi yaari atthu a oKanaani. Ndho Yooxuuwa aahiwiitthaniha Maxibeyooni ale akaakoha wiira: ‘Eseeni ewiirinheni onoototha?’ Awo yaahakhula wiira: ‘Naamoova! Nodhuwela wiira Yehova atthu onawaakhalihera okusa epoma ya oKanaani. Safatali, atthu ehiwiiphwe atthu nhu.’ Yooxuwa aahaakhwanihera ele aalaihenra iye, owo khaatuphenle epooma ya Maxibeyooni.

Noovira okathi vakhani, mamwene 5 a oKanaani ni anakhotto-ya yaahirowa owana ni Maxibeyooni. Ndho, Yooxuuwa ni anakhotto-ye, yaahirowa owakiha. Awo yaahetta ohiyu ntero, ndho mmeelom-mwa ohiihiyu yaahipacera owaniwa ekhotto. Atthu a oKanaani yaahixanka vawaatta, ndho khuta ntthu epacera otthyawela opuro oona-iye. Ndho Yehova aahiiriha maluku muulupale nkhama exeelu waamorela. Mottharelana Yooxuuwa ahinvekela Yehova wiira eemese ndhuwa. Seeni Yooxuuwa anvekenle iye Yehova etthu ahaatanke iye woona? Okhala wiira Yooxuuwa aaninroromela vawaatta Yehova. Ndhuwa naaheemela nihiku ntero ni ohikhaila. Masi noomala aIsarayeeli wamaliha awanani-ya tiwaapacenra-wa wiila.