Moolumo Oopacera a Mphantta 7

Dhawiiraneya dhinttharelana nin’ya woona itthu dhaamwiiranenle mwene Sawuli ni Davidi mpuwa wa miyaakha 80. Woopacerani, Sawuli aari ntthu awiyeviha ni aanimpheta Yehova, masi noovira okathi ahihiya okhala ntthu awiyeviha. Ndho mwaha wa elo Yehova khaadhiveliwa-tho ni Sawuli, tivondho aahinruma Samuweeli wiira anthanle Davidi wiira anranttele Sawuli. Sawuli aninkhalela nrima vawaatta Davidi tivondho aatthuna omwiipha, masi Davidi khaamunlenle ikuhu. Mwaana a Sawuli yowo aitthaniwa Yonataani ahidhuwela wiira Davidi aathanliwe ni Yehova, ndho mwaha wa elo, owo aninkhalihera Davidi okathi wootheene. Davidi aahipaka etampi yuulupale, masi ahaakhulela ottarusiwa ni Yehova. Akhala wiira mwa naan’yari, mmukhalihere mwaninyu woona otthuneya-wa omwiwelela Yehova ni atthu athanlale iye wiira ekaneettiha.