Nthanle Okathi ni Opuro Wooreerela

Niire mwaanitthuna ottottela nreerelo yoosoma nnyu? Malakihero anttharelana pooti wookhaliherani:

• Nthanle opuro wooreerela. Vaaweryaneyaka nthanle opuro wooreerela ni wawooneyavo saana. Nyuwo pooti okilaathi vantthattoni, vameesa aahiidho opuro nkina nnoona nnyu oreerela owannyu vaate.

• Nkapaka yoosoma nnyu okathi woomaaleleya. Yeesu aapaka mavekelo ‘ohalaka vakhaani osa’ ni aapaka ‘opuro wahaakhanle atthu.’ (Marko 1:35) Akhala wiira onnooliperyani ophwanya okathi woomaleleya, nyuwo pooti waaleela atthu munkhalannyuna empa emodharu okathi mun’ya nnyu opaka yoosoma nnyu wiira ehiwuukhuleni.

• Nkhale oomaaleleya. Nhihiye nnakhala etthu emodha ewuukhulakani. Akhala wiira mumpaka yoosoma nnyu munrumeelaka tabeleti aahiidho ni telefooni a adixitaale mummaalihe wiira ahoonyakuleni. Muupuwela etthu mwaaliyanle nnyu opaka, mwaatikhe vawarakhaani wiira mpake ewoora ekina mwamaliha yoosoma nnyu. Ndho nthana wawuumani aahiidho mwaakhulumuwa nhikawerya ovaha ephoole, nhiyerere vakhaani opaka yoosoma nnyu wiira mwiidhookole vakhaani.