დადებით ემოციეფიშ გიმოხანტუა

1 კორინთელები 2:7, 8

მთავარ აზრი: რაგადიშ დროს გეგმოხანტ ემოციეფ დო ქაძირე აუდიტორიას, ნამდა თინეფიშ მდგომარეობა სქანო არძა ართ ვა რე.

მუჭო შეილებ თეშ კეთება:

• ქიფიქრ თინეფშე, მით გირჩქილე. მუჟამსით წინასწარ ქიფიქრენქ მუ პრობლემეფს შეხვადუ სქან აუდიტორია, ვა გაიჭირდუ ემოციეფიშ მთელ გურით გიმოხანტუა. ქეცად, წერმიდგინე მუს გინაფლენა თინეფ.

• გეგშაგორ სიტყვეფ. ქეცად გურშა ელუკინე დო ჯგირ განწყობას ქიგიორინუე თინეფ, მით გირჩქილე. ვეგმირინუა თიცალ ფრაზეფ, ნამდგაქ შილებე გურ უწყუნუას პიროვნებას. უპატივცემლოთ ვემიშინუა თინეფ, მით ვამსახურ იეჰოვას დო ვაგოლანძღა თინეფიშ რწმენა.

• გეგმირჩქინ ინტერეს. გემუან ხუმათ დო სიტუაციას მეურენ ფერ ჟესტეფით ქაძირე აუდიტორიას, ნამდა თინეფიშ მდგომარეობა სქანო არძა ართ ვა რე. აკონტროლ სახეშ მიმიკეფ დო ხშირას გიძიცე.