ჩქინ ქრისტიანულ ცხოვრება დო მსახურება — 2025 | კვირკვე

28 ᲙᲕᲘᲠᲙᲕᲔ – 3 ᲐᲠᲒᲣᲡᲝ

ᲘᲒᲐᲕᲔᲑᲘ 24

ობირეშ 38 დო ლოცვა | დაჭყაფ სიტყვა (1 წთ.)

ᲫᲕᲘᲠᲤᲐᲡ ᲐᲖᲠᲔᲤ ᲑᲘᲑᲚᲘᲐᲨᲔ

1. მემზადით რთულ სიტუაციეფშო

(10 წთ.)

ვემიოტუათ რჩქინაშ დო სიბრძნეშ მეღება (იგავ. 24:5; w23.07 18 ¶15).

გაგრძელით სულიერ განრიგიშ მეჸუნა თიმწკუმა ხოლო, მუჟამსით გურ გოტახილ გაფუნა (იგავ. 24:10; w09 12/15 18 ¶12, 13).

სულიერო მტკიცას ქიპჸით-და, თენა მიმეხვარებუნა, ქუგურზათ რთულ სიტუაციას (იგავ. 24:16; w20.12 15).

და, ნამდგას სერიოზულ ლახალა უღჷ, თანაქრისტიანწკუმა ართო ხიოლით ღებულენს მონაწილებას კარდოკარ მსახურებას. თინა პლანშეტშე მუდგარენს ოძირანს მობინადრეს.

2. ღორონთიშ სიტყვაშ სიტომბეეფ

(10 წთ.)

იგავ. 24:27 – მუს ბგურაფლენთ თე იგავშე? (lvs 137, 138 ¶13–15).

პასუხ
მუ საინტერესო აზრეფს აღნიშნენდით თე მარაშ ოკითხე ბიბლიურ მონაკვეთშე?

პასუხ

3. ბიბლიაშ კითხირ

(4 წთ.) მარ. 14:43–59 (th გაკვეთილ 11)

ᲒᲐᲣᲯᲒᲣᲨ ᲛᲡᲐᲮᲣᲠᲔᲑᲐ

4. ჩიებაშ დოჭყაფა

(2 წთ.) ᲐᲠᲐᲤᲝᲠᲛᲐᲚᲣᲠ ᲥᲐᲓᲐᲒᲔᲑᲐ. ჩიება თეიშახ ითებ, სოიშახ ქადაგებაშა გინიშე (lmd გაკვეთილ 2, პუნქტ 4).

5. ჩიებაშ დოჭყაფა

(3 წთ.) ᲙᲐᲠᲓᲝᲙᲐᲠ ᲥᲐᲓᲐᲒᲔᲑᲐ. (lmd გაკვეთილ 3, პუნქტ 4)

6. ჩიებაშ დოჭყაფა

(3 წთ.) ᲡᲐᲯᲐᲠᲝ ᲐᲓᲒᲘᲚᲡ ᲥᲐᲓᲐᲒᲔᲑᲐ. ქოუწი პიროვნებას, ნამდა ჩქი ბიბლიაშ გურაფას ვოხვარუთ ადამიანეფს დო ქიმეჩ ბარათ „ბიბლიაშ უფასო გურაფა“ (lmd გაკვეთილ 4, პუნქტ 3).

7. მოხსენება

(3 წთ.) lmd დანართ Ა, პუნქტ 11 – თემა: „ღორონთ ბიბლიაშ საშვალებათ მირაგადნა“ (th გაკვეთილ 6).

ᲥᲘᲪᲮᲝᲕᲠ ᲥᲠᲘᲡᲢᲘᲐᲜᲣᲚ ᲞᲠᲘᲜᲪᲘᲞᲔᲤᲘᲗ

ობირეშ 99

8. ქელუდირთით ართიანს სირთულეეფიშ დროს

(15 წთ.) გარჩიება.

შილებე შურო ვეველუთინ თეშ თხოზინქ, სამოქალაქო არეულობაქ ვარდა ომქ ქიდიჭყას, უცფას მუდგაინ ლახალაქ გევრცელას ვარდა სტიქიურ უბედრობაქ ქუმოხვადას. თეცალ გაჭირებაშ დროს ქრისტიანეფ გურშა ელუკინანა დო ელურენა ართიანს. შილებე თე ირფელს პირადო ჩქი ვეშეფხვადათ, მარა გურიშ ხოლოშა მემღუნა თანაქრისტიანეფიშ გაჭირება დო ირფელს ვორთუთ თინეფიშ მახვარებელო (1 კორ. 12:25, 26).

სურათეფიშ კოლაჟ: და დო ჯიმალეფ თანაქრისტიანეფს ბრელნერო ოხვარუნა. 1. და დო ჯიმალეფ კინ აშენენა დარბაზის, ნამუთ სტიქიაქ განადგურ. 2. და დო ჯიმალეფ ჸოროფათ ხვადუნა ლტოლვილ დიდა დო სქუას. 3. და დარბაზის შესაწირ ყუთის ფარას ინმაჸათანს. 4. და დო ჯიმალეფ დარბაზის რენა დო აუცილებერ მუდგარენეფს არზენა ლტოლვილ თანაქრისტიანეფს. 5. მოხალისეეფ და დო ჯიმალეფს ოშუმალ წყარს არზენა. 6. ჯიმა ლოცულენს.

წეკითხით 1 მეფეეფიშ 13:6 დო იაკობიშ 5:16ბ. უკულ ქოკითხ აუდიტორიას:

მუშენ უღჷ შხვეფშო ლოცვას დიდ ძალა?

პასუხ

წეკითხით მარკოზიშ 12:42–44 დო 2 კორინთელეფიშ 8:1–4. უკულ ქოკითხ აუდიტორიას:

მუშენ რე მნიშვნელოვან შესაწირეფიშ კეთება თიმწკუმა ხოლო, მუჟამსით მსოფლიოს მახორუ და დო ჯიმალეფიშ მახვარებელო ბრელიშ საშვალება ვა მიღუნა?

პასუხ

ქაძირე ᲕᲘᲓᲔᲝ „ჯიმალეფშა გურიშელაკინა აკრძალვაშ დროს“. უკულ ქოკითხ აუდიტორიას:

მუ მსხვერპლშა მიშეს და დო ჯიმალეფ აღმოსავლეთ ევროპას მახორუ თანაქრისტიანეფშო, სოდეთ ჩქინ საქმიანობა ვარიებულ რდჷ?

პასუხ
მუჭო მეჸუნდეს და დო ჯიმალეფ თხოზინიშ დროს ორგანიზაციაშე მეღებულ მითითებას, ნამდა დიშაყარესკო დო გურშა ელუკინესკო ართიანს? (ებრ. 10:24, 25)

პასუხ