გაკვეთილი 13

პრაქტიკულ ღირებულებაშ ძირაფა

იგავები 3:21

მთავარ აზრი: ქიმეხვარ აუდიტორიას ქოძირას მუ კავშირ უღჷ სქან ნარაგადის თინეფიშ ცხოვრებაწკუმა დო მუჭო გიმირინუან ნაგურეფ.

მუჭო შეილებ თეშ კეთება:

ქიფიქრ სქან აუდიტორიაშე. დეფიქრ, მუშენ ოსაჭირ აუდიტორიას თი ინფორმაციაშ მორჩქილაფა, ნამდგას გინოჩანქ დო განსაკუთრებულო ნამ მხარე გიმადირთუ.
რაგადიშ დროს ქაძირე, მუ აფნა ოკეთებელ. რაგადიშ დოჭყაფაშე, პიროვნება ოკო ქიმიოხვამლუე, ნამდა თე საკითხ პირადო თის ოხუ. მთავარ აზრშე რაგადიშ დროს ქაძირე, მუჭო შეულებ თიშ გიმორნაფა. ქეცად, საკითხიშ გურშენ კონკრეტულო ქიჩუე.

ბიბლიურ პრინციპეფშე ჩიებაშ დროს, გეგმირჩქინ ჸოროფა დო ქაძირე, ნამდა გარჩქილე თინეფიშ. დუდ დამნაშავეთ ვაგინაფუა. ქაცქვე თინეფ რწმენა დო ჸოროფაშ გურშენ, ნამდგას გიმირჩქინანა. დარწმუნებულ რდა, ნამდა მიღენა რჩევეფს დო სწორას ქიმიქციებნა.

მსახურებას:

მსახურებაშო მომზადებაშ დროს ქიფიქრ, მუ გინოჩეს ახალ ამბეფს. თეს გეძინელ, თი საკითხეფშე ხოლო ქიფიქრ, ნამდგაქ შილებე ხალხ დაინტერესას სქან ტერიტორიას. ორაგადე თემა ხალხშო აქტუალურ საკითხეფს ქუდუხუჯე. ტაქტიან კითხვეფიშ გიმორნაფათ, ქიგეგ მუ აწუხენს დო მუ ოინტერეს პიროვნებას. უკულ ქუმურჩქილე პასუხის დო საჭირო ქორენ-და, დოთირე ორაგადე თემა.