გაგრძელით იეჰოვაწკუმა დაახლოება

ბიბლიაშ გურაფაშ დროს, თქვა ბრელ მუდგარენ გეგით იეჰოვაშ გურშენ. ნაგურეფუქ თეშ ქოიჸოროფეს ღორონთ, ნამდა უკვე შილებე თიშა დუდ გაფდან მეძღვინელ დო ნათილ ხოლო რდათ. თაშ ვა რენ-და, შილებე მალას გიპირებდან თე ნაბიჯიშ გინოდგუმა. მარა იეჰოვაწკუმა დაახლოება ნათუათ ვეთებუ; თენა მარადიულო იგრძელებ. მუჭო შეილებნა თეშ კეთება?

1. მუშენ ოკო გაგრძელათ იეჰოვაწკუმა მეგობრობაშ გამანგარება?

მონდომა ოკო ვადვარკათ, ნამდა გუვაგრძელათ იეჰოვაწკუმა მეგობრობაშ გამანგარება. მუშენ იფჩიებუთ თეს? თიშენ, „ნამდა [ღორონთიშ] შარას ვეფჩირთათ“ (ებრაელები 2:1). მუ მიმეხვარებნა, გუვაგრძელათ იეჰოვაშ ართგურო მსახურება? შემლებნა სრულ მონაწილება მიბღათ ქადაგებაშ საქმეს დო შხვა საშვალებეფ ხოლო ბგორათ, ნამდა უჯგუშო ვემსახურათ იეჰოვას (წეკითხით ფილიპელეფიშ 3:16). იეჰოვაშ მსახურება არძაშ უჯგუშ შარა რე ცხოვრებას! (ფსალმუნი 84:10).

2. ხოლო მუ ოკო აკეთათ?

მართალ რე, მასწავლებერწკუმა ართო ბიბლიაშ გურაფა თეთ ითებუ, მარა თქვა აგრძელენთ ქრისტიანულ ცხოვრებას. ბიბლია მირაგადნა: „ქიმკიქუნათ ახალ პიროვნება“ (ეფესოელები 4:23, 24). ღორონთიშ სიტყვაშ კითხირით დო კრებაშ შეხვალამეფშა დასწრებათ, შეილებნა ბრელ მუდგარენ დიგურუათ იეჰოვაშ დო თიშ თვისებეფიშ გურშენ. დეფიქრით, მუჭო შეილებნა ცხოვრებას ხოლო უმოსო მიაჸუნათ ღორონთიშ მაგალითის. გაგრძელით ცხოვრებას საჭირო ცვლილებეფიშ კეთება, ნამდა გურ გაუხარათ იეჰოვას.

3. მუჭო მიგეხვარებნა იეჰოვა, დეახლოვათ თის?

ბიბლია მირაგადნა: „ღორონთ . . . გათენს თქვან მომზადებას. თინა გურშა ელაიკინანა, დო გუგამანგარენა“ (1 პეტრე 5:10). არძა შეფხვადუთ ცდუნებეფს, მარა იეჰოვა ქომჩანა ირფელს, მუთ მოსაჭირნა თინეფიშ გიორჯგინალო (ფსალმუნი 139:23, 24). თინა მოპირნა, ნამდა ქომჩანა სურვილს დო ძალას, ნამუთ მიმეხვარებნა თიშ ართგურო ქუდოფსქიდათ (წეკითხით ფილიპელეფიშ 2:13).

ქიგეგით უმოს

4. გაგრძელით თქვან მეგობარწკუმა ურთიერთობა

ლოცვა დო ბიბლიაშ გურაფაქ მიგეხვარეს, გინორთედითკო იეჰოვაშ მეგობარო. მუჭო შეულებ თინეფს ხოლო უმოსო დუგაახლოვან ღორონთის?

წეკითხით ფსალმუნიშ 62:8 დო უკულ გარჩით თუდო მოჩამილ კითხვა:

• მუჭო შეილებნა ლოცვაშ გაუჯგუშება იეჰოვაწკუმა მეგობრობაშ გამანგარებელო?

წეკითხით ფსალმუნიშ 119:97 დო უკულ გარჩით თუდო მოჩამილ კითხვა:

• მუჭო შეილებნა ბიბლიაშ კითხირიშ ჩვევაშ გაუჯგუშება იეჰოვაწკუმა მეგობრობაშ გამანგარებელო?

მუ ოკო აკეთათ, პირად გურაფაქ მეტ ჯგირობუა მოიღანინ? ნამთინე მაგალითიშ ოძირაფალო, ქოძირით ვიდეო დო უკულ გარჩით თუდო მოჩამილ კითხვა:

ვიდეო: „გაუჯგუშით ბიბლიაშ პირად გურაფა“ (5:22)

• ვიდეოს მოჩამილ ნამ რჩევეფიშ გიმორნაფა შეილებნა?

• მუ საკითხეფ გოკონა გიმირკვიათ?

5. გიღდან სულიერ მიზნეფ

იეჰოვაშ მსახურებას მუდგარენ მიზნეფ ქომღუნან-და, თენა მიმეხვარებნა, გუვაგრძელათ თიწკუმა დაახლოება. ქოძირით ვიდეო დო უკულ გარჩით თუდო მოჩამილ კითხვა:

ვიდეო: „ცხოვრებაშ არძაშ უჯგუშ შარა“ (3:31)

• მუ ჯგირობუა მოუღ კამერონს სულიერ მიზნეფქ?

არძას ვეშულებ ოქადაგებშა შხვა ქიანაშა გინულა, მარა შემლებნა გონივრულ მიზნეფ მიღდან. წეკითხით იგავეფიშ 21:5 დო უკულ დეფიქრით, მუ მიზნეფ გოკონა გიღდან . . .

• კრებას

• მსახურებას

მუჭო მიგეხვარებნა თე მუხლ, ქიმიოჭირინუათ თქვან მიზნეფს?

მუ მიზნეფ შეილებნა გიღდან

• გაუჯგუშით თქვან ლოცვეფ

• წეკითხით ბიბლია დუდშე ბოლოშა

• გეჩინებაფეთ არძა თქვან კრებას

• შხვეფს ქუდაგურეთ ბიბლია

• იმსახურით დამხმარე პიონერო ვარდა სრულ დროთ პიონერო

• ჯიმა ქორეთ-და, მიზანო გიღდან იმსახურათ მომსახურეთ

დასკვნა

გაგრძელით იეჰოვაწკუმა მეგობრობაშ გამანგარება დო გიღდან სულიერ მიზნეფ. თეშ უკულ თქვა შეგალებენა მარადიულო გეხარათ ცხოვრებათ!

გამეორებელ კითხვეფ

• მუშენ შეილებნა რჯერდან, ნამდა იეჰოვა მიგეხვარებნა, გაგრძელათ ართგურო მსახურება?

• მუჭო შეილებნა იეჰოვაწკუმა მეგობრობაშ გამანგარება?

• მუჭო გოხვარნა სულიერ მიზნეფ იეჰოვაწკუმა დაახლოებას?

დამატებით მასალა

მუს უმოსო აფასენს იეჰოვა, ართგურობაშ ართშა განსაკუთრებულო გიმორჩქინას დოვარ ირიათო თიშ ართგურეფ ვორეთინ თის?

„რდათ აბრაამცალო ართგურეფ“ (9:20)

იეჰოვაშ ართგურ მსახურეფქ ხოლო შილებე მიოდინუან ხიოლ. ქოძირით, მუჭო რე შეიოლებერ ხიოლიშ დორთინაფა.

„პირად გურაფაშ დო ფიქრიშ შედეგო ხიოლქ დუმართ“ (5:25)

მუჭო შეილებნა გიღდან სულიერ მიზნეფ დო მიოჭირინუათ თინეფს?

„გიღდან სულიერ მიზნეფ დო თეთ განადიდით ღორონთ“ („გინაჯინალ კოშკი“ 15 კვირკვე, 2004 წ.)

მუშენ რე ქრისტიანშო მნიშვნელოვან მოწიფულობა დო მუჭო შეილებნა თიშ გავითარება?

«იმნჭუათ მოწიფულობაშა, მუშენდა „ხოლოს რე იეჰოვაშ დღა“» („გინაჯინალ კოშკი“ 15 მესი, 2009 წ.)