გარისხებაქ კაენს კოჩ დაჸვილაფუ

ედემიშ ბაღშე ულაშ უკულ, ადამს დო ევას სქუალეფქ გეურჩქინდეს. თინეფიშ პირველ სქუა, კაენ, დიხაშდუმამუშებელ რდჷ დო მაჟია სქუა – ჭყიშ. თის აბელ ჯოხოდ.

ართ დღას კაენქ დო აბელქ იეჰოვას მსხვერპლ შეწირეს. ქოიჩქუნო, მუ რე მსხვერპლ? თინა რე განსაკუთრებულ საჩუქარ. იეჰოვაქ მიწონუ აბელიშ მსხვერპლ, მარა კაენიშ მსხვერპლ ვემიწონუ. თექ კაენ მანგარო გარისხჷ. იეჰოვაქ გაფრთხილ თინა, ნამდა შილებედ, რისხუაქ გლახა გაკეთებაფუკო, მარა კაენქ ვა დუჯერ იეჰოვას.

კაენქ აბელს უწუ, მინდორშა მოლმაჸუნია. მინდორს ხვალე რდესინ, კაენქ დოჸვილ მუშ ჯიმა. მუჭო მიქცუ იეჰოვაქ? თიქ კაენს ოჯახ ქუდატებაფუ დო შორს გოუტუ; თის დღას ვაღვენუდ უკახალე დორთაშ უფლება. თეშნერო დასაჯ იეჰოვაქ კაენ.

მუს ბგურაფლენთ თე ისტორიაშე? შილებე გურქ მომირთან, მუჟამსით მუდგარენ ჩქი მოკოდესინ თეშ ვა ხვადუ. მარა ქუვატყუაფუთ, ნამდა ჩქინ გურს რისხუა იძინანს ვარდა თეს შხვეფ ქარწყენა დო ქუმაფრთხილენან-და, ხეთე ოკო იმოფქმედათ დო მივერუათ ჩქინ ემოციეფს, სოიშახ თინეფ აშო მიმერიებუნა.

აბელს უჸორდჷ იეჰოვა დო ირო სწორას იქციებუდ, ათეშენ იეჰოვას დღას ვა გაჭყორდუ თინა. ღორონთ აბელს სიცოცხლეს დურთინუანს, მუჟამსით დედამიწას სამოთხეთ გინაშქვანს.