მა-3 ნაწილიშ შესავალ

ბიბლია გვალო მუსხირენ პიროვნებას მიშინუანს, მით წარღვნაშ უკულ ომსახურუდ იეჰოვას. თინეფ შქას რდჷ აბრაამ, მიდგას ღორონთიშ მეგობარქ გიადვჷ. მუშენ ჯოხოდ აბრაამს იეჰოვაშ მეგობარ? მშობლეფ, ქიმეხვარით ბაღანეფს ქოძირან, ნამდა იეჰოვა პირადო მუს ოკვირ დო ოკო, ქიმეხვარას. აბრაამ, ლოტ დო იაკობცალო, ჩქი ხოლო შემლებუნა თავისფალო ფთხუათ ღორონთის მოხვარა. შემლებუნა დარწმუნებულეფ ვორდათ, ნამდა იეჰოვა შეასრულენს არძა დოდვალირ პირობას.