მამზად გურ ბიბლიაშ გიმორკვიებაშო

ბიბლიაშ გიმორკვიებაშ დროს მოკონა, იეჰოვაშ აზრეფქ ქიმოქმედას ჩქინ გურშა – შინაგან პიროვნებაშა. ეზრა ჯგირ მაგალითის მარზენა თე საკითხის. თიქ „გურ მამზად, ნამდა გეგმირკვუკო იეჰოვაშ კანონ“ (ეზრ. 7:10). მუ მიმეხვარებუნა გურიშ მომზადებას?

ლოცვა. ირ გიმორკვიება ლოცვათ ქიდიჭყ. ქოთხი იეჰოვას, ქიმგეხვარას ნაკითხირიშ ინონჭაფას დო გიმორნაფას (ფსალმ. 119:18, 34).

თანდაბლობა. ღორონთ ჭეშმარიტებას უფულუნს ამაყეფს, მიდგას მუნეფიშ გონებაშ იმენდ უღუნა დო ფიქრენა, ნამდა ბიბლიაშ ინანჭაფალო ღორონთიშ მოხვარა ვასაჭირუნა (ლუკ. 10:21). თი მიზანით ვეგმირკვია, ნამდა შხვეფს სქან რჩქინათ დუდ მუწონუე. მუჟამსით გიმორკვიებაშ დროს ქოძირუნქ, ნამდა სქან დო იეჰოვაშ აზროვნება ართიანს ვა უხვადუ, დოთირე, მუთ ოთირალ გაფჷ.

სამეფოშ ობირეშეფ. მუსიკა მოქმედენს ჩქინ ემოციეფშა. ათეშენ, გიმორკვიებაშახ სამეფოშ ობირეშეფიშ მორჩქილაფა მიგეხვარებ გურიშ მომზადებას.