Lono A Ɓaa-kɛ-maa Pere

Mɛnii Pɔɔ E Gɛi

VIlLOI: Pɔɔ E Ɣala-woo-ɓo Atɛŋ-ɓela Dia

1. VILOI su kaa, kpaa Dikɛ-mɛni-ŋai 17:​22, 23 lono. Gɛ ni mare-kɛɛ-ŋai ŋi sukula:

1. Pɔɔ lii e kɛ leŋ tãi e nɛɛ ɣala-mɛni sii takpɛni-ŋai kaa la nyii kɛ Atɛŋ?—Dikɛ-mɛni-ŋai 17:16 kaa.

2. Pɔɔ e tii kɛ leŋ a mɛni-ŋai Atɛŋ-ɓela dikɛ a di laa lai a gɛɛ e lono dipɔ a ɓaa-kɛ-maa pere e pilaŋ duŋ lɛlɛɛi ma?

Le Ɓe Kwa Pɔri Maa-kɔrii Pɔɔ Yeei?

2. Nua da pai ŋwɛlii a gɛɛ di diwoli tɔɔ kua a kɛ kwa mɛnii kwa pai moi dia da berei kwa pai moi lai maa kpɛɛ e pɛlɛ la tãi ma kwa pai moi lai.

Pɔɔ Pɔɔkɔɔŋ

3. Ilono-woo maa kpɛɛ. Gɔɔŋ-maa ɓa, ya kɛ lonoi nuu ta pɔ nyii ve a Korai-nuui, tãi ta a pai kɛi a nɛlɛɛ a gɛɛ I berei maa faleŋ ya lono la e pilaŋ Ŋala-kɔlɔi da Zisɛ ma.

4. Ife nuui ŋɔpɔara-mɛni-maai lɛ ma a maa-fela. Nɛɛ naa e nii su mɛni mo ya. A kɛ a mɛni ta mo nyii ve Ŋala-kɔlɔi sui, kɔ a gɛɛ ife ŋoo tee na. (Zĩ. 1:19) Ya iwoli tɔɔ ma, ya pai pɔrii ŋɔkili-ŋa-siai kɔlɔni.—Tá. 20:5.

5. Iwoli tɔɔ ma, I zɛɣɛ fe. A pɔri kɛi a naa la a gɛɛ ŋɔɣala-mɛnii kaa a tɔ̃ya ɣala-mɛnii. Lono fulɔi e pilaŋ mɛni ta ma nyii ka feerɛŋɔɔ ka faai mai, gɛ ni kpɔŋ ma a bɛlɛ-pɛlɛɛ a gɛɛ e mɛnii ŋa-kaa Ŋala-kɔlɔi a nɛi.