Ŋala-kɔlɔ Maa-kɔri-nuui Lia-woo Ɓo A Lii-kpele Pere

Mɛnii Zisɛ E Gɛi

VILOI: Zisɛ Kaa Lia-woo Tɛɛi Dɔɔ-nuui Pɔ Nyii Gaa A Nuu-tɔɔi

1. VILOI su kaa, kpaa Maki 10:​17-22 lono. Gɛ ni mare-kɛɛ-ŋai ŋi sukula:

1. Tua-pere lɛlɛɛ-ŋa kɛɛ leŋ ɓe tãi ta Zisɛ e gaa nuu-tɔɔ ŋi kponoi?

2. Le mɛni ɓe maa nɛ̃ɛi kɛ wɛli-kɛ-maa da lii-kpele e kɛ la Zisɛ yeei a gɛɛ e naloŋ ŋi lia-woo ɓo?

Le Ɓe Kwa Pɔri Maa-kɔrii Zisɛ Yeei?

2. Tɔ̃ya ma, maa nɛ̃ɛi ku lono Kuɣala-kɔlɔ maa-kɔri-ɓelai pɔ a wɛli-kɛ-maa pere. Kɛɛ maa nɛ̃ɛi ŋɔnɔ ku dɔ̃yai ɓo dia nyii pai kpɔnii dia a gɛɛ di dimaa tɛ dimɛni maa-kɔriɛ su.

Zisɛ Pɔɔkɔɔŋ

3. Kpɔŋ iɣala-kɔlɔ maa-kɔri-ɓelai dia di mɛni-kpɛtɛɛ-ŋa kɛ, di ŋaa-see kɛ.

1. Tii kɛ a “Mɛni-kpɛtɛɛ Ŋi Kɛ” kpiniŋ zɛŋ-lɛɛ-ŋai kelee su Kɛ-ɣeniɛ Ŋaa-nɛ̃ɛ Kula Wɔlɔ-wɔlɔ Da Wɔlɔ-wɔlɔ! kɔlɔi su

2. Kpɔŋ maa tɛɛ Iɣala-kɔlɔ maa-kɔri-nuui pɔ a gɛɛ e mɛnii kɔlɔŋ maa nɛ̃ɛi e gɛ a gɛɛ e mɛni-kpɛtɛɛ-ŋai kelee ŋaa-see kɛ.

3. Iɣala-kɔlɔ maa-kɔri-nuui sɛɣɛi fe a tãi kelee berei a maa tɛi la mɛni ma.

4. Kɔ I mɛni-ŋai kɔlɔŋ Iɣala-kɔlɔ maa-kɔri-nuui kperai maa-tɛi, I kpɔŋ maa tɛɛ bɔ a gɛɛ nyee e tɛɛ dia.

1. Ikpiŋ mare kɛ:

   • ‘A kɛ Ŋaɣala-kɔlɔ maa-kɔri-nuui fe maa tɛi a gɛɛ e batai kɛ, le ɓe gberai?’

   • ‘Le ɓe ŋa pɔri gɛi a gɛɛ ŋa kpɔŋ maa tɛɛ bɔ?’

2. Ziova fɛli a gɛɛ ilii e kɛ a gbeleɛ, I lono Iɣala-kɔlɔ maa-kɔri-nuui pɔ a wɛli-kɛ-maa pere, I mɛni-ŋai lɛ maa nɛ̃ɛi e gɛi.

5. Ŋala-kɔlɔ maa-kɔriɛ kpera a kɛ Ŋala-kɔlɔ maa-kɔri-nuui fe siai a mɛnii a maa-kɔrii.

1. A gɛɛ I gɔlɔŋ a kɛ Iɣala-kɔlɔ maa-kɔri-nuui a maa tɛi ŋɔmɛni maa-kɔriɛ su, ikpiŋ mare kɛ:

   • ‘Ŋaɣala-kɔlɔ maa-kɔri-nuui a siai a mɛnii a maa-kɔrii?’

   • ‘A pa goyaŋ-ŋai su, gɛ dɔ̃yai a maa-kɔrii lɛ nua dia?’

   • ‘A kɛ aa Ŋala-kɔlɔi maa-kɔri a tãi su koyaa, a ŋwɛlii e kɛ a Ziova Ŋɔsere-faa Kɛ-ɓelai ta?’

2. A kɛ Ŋala-kɔlɔi maa-kɔri-nuui fe ŋwɛlii e maa tɛ:

   • Mare kɛ e pilaŋ mɛnii ma nyii gberai maa tɛi ŋɔmɛni maa-kɔriɛ su.

   • Lono bɔ a ɓaa-kɛ-maa pere e pilaŋ mɛni-ŋuŋ ma nyii gɛi ya Ŋala-kɔlɔi maa-kɔriɛ kperai.

   • Nɛɛ naa e mɛnii kɔlɔŋ maa nɛ̃ɛi e gɛ a gɛɛ ka ŋɔnɔ Ŋala-kɔlɔ maa-kɔriɛ kɔɔ pilaŋ.