Sɔŋ-lɛlɛ

Mɛnii Zisɛ E Gɛi

VILOI: Zisɛ E Ŋɛi-pu Naloŋ Ɓalo

1. VILOI su kaa, kpaa Zɔŋ 9:​1-7 lono. Gɛ ni mare-kɛɛ-ŋai ŋi sukula:

1. Le ɓe Zisɛ e gɛ fulɔi—e ŋɛi-pu naloŋ ɓalo kpaa e lono bɔ e pilaŋ duŋ lɛlɛɛi ma?—Zɔŋ 9:​35-38 kaa.

2. I laai la le ɓe gɛ naloŋ kɛ ŋwɛli e ŋoli tɔɔ Zisɛ mai?

Le Ɓe Kwa Pɔri Maa-kɔrii Zisɛ Yeei?

2. Nua da pai ŋwɛlii di diwoli tɔɔ kuworɛ-wooi ma a kɛ da gaa a gɛɛ ku kpaaŋɔɔi dimɛni ma.

Zisɛ Pɔɔkɔɔŋ

3. Nuui ŋɛi maloŋ kaa. Kɔ a gɛɛ I ikili-ŋa sia mɛnii ma nuui a tɛɛ zui.

1. Ikpiŋ mare kɛ: ‘Le ɓa pɔri kɛi nii sɛlɛni? Le ɓe pai kpɔnii ma, e nii soŋ?’ Ikili-ŋa siaa e pilaŋ mare-kɛɛ-ŋai ŋi dia a pai kpɔnii ya a gɛɛ I tua a sɔŋ-lɛlɛ pere.

2. Nɛ a gɛɛ I kpaaŋɔɔi nuui mɛni ma a iwoli tɔɔ ma. A kɛ nuui a nii su mɛni ta ɓo ya kpaa a mɛni ta ɓo ya nyii a tɛɛi zui, ife mɛni-ŋuŋ maa-faleŋ.

4. Lono a nɛlɛɛ, a ɓaa-kɛ-maa pere. Nuui ŋɛi maloŋ a kɛ ya, ikɛ ŋwɛli I kpɔŋ ma, a pai gɔlɔni ilono pere su. Mɛnii ya pai moi da berei ya pai moi lai maa kpɛɛ, nyaŋ ife nii ŋwana mɛni ɓo.

5. Kpɔŋ maa tɛɛ. Pere sii takpɛni-ŋa kɔri a gɛɛ I kpɔŋ maa tɛɛ nuui pɔ. Kwa tua a nua a sɔŋ-lɛlɛ pere da pai ŋwɛlii di diwoli tɔɔ kua.