Masalimo
Nyimbo ja Daudi.
15 Wawo Yehofa, ana ŵani jwampaka aŵe mlendo mu tenti jawo?
Ana ŵani jwampaka atame m’litumbi lyawo lyeswela?
2 Ali mundu jwakusajenda mwangalemwesya chilichose,*
Jwakusatenda yindu yambone
Soni jwakusaŵecheta yisyesyene mumtima mwakwe.
3 Jwalakwe jwangaŵecheta yakwajonanjila mbili ŵane ni lulumi lwakwe,
Jwangamtendela mjakwe yindu yakusakala,
Soni jwangasakasya mbili ja* achimjakwe.
4 Jwangakamulana ni mundu jwalijose jwakusakala.
Nambo jwalakwe akusiŵachimbichisya ŵandu ŵakusamjogopa Yehofa.
Yindu yaŵechete kuti chayitende* akusayikwanilisya atamose yili mkuti chasimane ni yakusawusya.
5 Jwalakwe jwangakongosya mbiya mwakutenda katapila,
Soni jwangakunda kumwonga kuti mundu jwangalemwa yindu yikamjendela chenene.
Mundu jweleju ngasatenganyika.